مجرد حلم

اني طفله كنت وما عرف الاغراء شنو وانتي اذا كنتي تعرفين هيج ليش ما لزمتي ابنج أو ادبتيه... أيهم . ..يمه انتي تخبلتي شنو الحجي هذا واقبال ما اغرتني ولا كذبت عليه ولا اي شي اني كنت سافل وحقير وانتي ما علمتيني ألصح من الغلط حتي لو اسوي غلط انتي تكولي صح .. فما اسمحلج تحجين شي ع زوجتي اقبال ... وبعد من هاي اللحظة انسي عندج ولد أيهم وماتشوفينا بعد حتي باحلامج...... الكل صار ضد ام أيهم وحجوا عليها ف هي مو بعقلها شكلها خرفت وتخبلت .... .... أيهم اخذني ورحنا للطبيب يشوفون جسمي لان كله يوجعني ويحرگني ف خلولي كريمات وكالو ما كو شي بس بسبب الحراره القويه تحسس جسمها ولسعات خفيفه تروح بمرور الايام الحمدلله اجت ع هيج ... واخذني أيهم ورحنا لبيتنا الجديد واني لسه أتذكر اغراضي الي احترگت ومقهورة ف هو شافني هيج وراح اشترالي شغلات من جديد حتي عمامي هم خابروا لايهم ونطونه فلوس ذهب واغراض والحمدلله كولشي تعوض..... ... أيهم ...يله اقبال جهزي نفسج باجر راح نروح لاربيل هم نغير جو ونتزوج هناك اقبال...لا أيهم ما اريد اروح خليني هنا واحنا مدام عاقدين محكمه وسيد ما حاجه نسوي عرس هذا هو باعتبار متزوجين أيهم.... لا حبيبتي شنو اسعد يوم بحياتي اخلي حاله حال الايام البقيه..ما يصير لازم نسويه مميز ...واريد اطلب منج طلب ...لخاطري نزعي الأسود صارلج هواي لابسته اريد اشوفج بالالوان اذا تقبلين🙏😅 ...مادري شكولك بس ماكدر احس اذا انزعه أقصر بحق ابني ضميري يأنبني اذا لبست الوان لا حبيبتي شلج بهذا الكلام ...توكلي ع الله ونزعيه وانتي ما قصرتي وي ابنج بس شتسوين هذا امر الله وكلنه ع هذا الطريق .... ف كتلها يله خل اخذج للصالون بس صبغي شعرج وتمكيجي .ولبسي فستان اقبال بس بشرط البس اسود فدوة لا تجبرني ...هذا هو حبيبتي براحتج ف اخذتها ورحنا لمركز تجميل موجود بمنطقتنا ف صحت ع الحلاقه وتفقت وياها وشرحتلها الوضعيه ف طلبت منها تنزعها الأسود واني راح اجيبلها فستان واجي وتصبغ شعرها لون حلو وتمكيجها مكياج قوي اريدج تطلعينها الي صاروخ هههه تدلل هي حلوة ما يحتاج كل هلتوصيات بس تدري نيالها ع هيج حب خويه ستري عليه من لحسد من نسولفلج معاناتنا تبجين ع حالنه هههه الله يوفقكم عيني تستاهلون ....أيهم...طبعا اني ما خبرت أي واحد. من اهلنه حتي عنوان بيتي محد يعرفه اريد بس اني واقبال نعيش مرتاحين وبعيدا عنهم... ف رحت للاسواق وطلبت ارقي فستان وخذتلها لون ابيض بس فستان راقي بشكل.... ورحت للصالون ونطيته للحلاقه وكالت روح جهز نفسك ب4 وتعال اووو شلقصه للاربعه عمي اريد زوجتي هسه لا لا عيني منا نطلعها الك توب يله.... 😬😬 اقبال...أيهم وصلني وبعد ما شفته والحلاقه كولش متعاطفه وياي اخذتني بالبداية صبغت شعري سوته عسلي فاتح لونه يجنن وحفتني وبعدين اخذتني تنظيف جسم ورحت عدهم حمام مغربي سبحوني بيه ...وبعدين مكيجتني مكياج ثقيل وسوتلي تسريحه ....وجابت فستان ابيض يجنن كالت خل نلبسه الج طبعا ما قبلت بالبداية البس لون بس هي والعاملات اصرن عليه ولبسته بس شنو من شفت شكلي بالاخير تفاجئت طلعت باربي مو اني ..وشغلن أغاني وبقن يركصن بيه واني خجلانه حيل ...وشوي وإجا أيهم اويلي وج شنو هلجمال هذا شنو هلتغيرر فدوة لعمرج حبيتي وركص بالصالون وخطيه فرحان حيل وباسني ورحنا للتصوير وصورنا واخذني للبيت وهو طول الطريق أغاني مشغل ويرگص 😉☺️☺️ وج والله اليوم لو مدري شيصير ما اعوفج ☺️ ها أيهم وين اتفاقنا وج بابا يا اتفاق يا بطيخ الي يشوف هيج جمال شنو يبقئ عنده فكر أو عقل.... وصلنه للبيت ومسوي غرفتنا تجنن مرتبها وجايبلها ورد واجواءرومانسيه 🫣🥰☺️ تخبل مسويلي بيها ف جابلي عشا وتعشينا سويه ... حبيبتي لا تحرميني من اسعد ليله بحياتنا خلينا متونسين وكولشي صار ارميه بظهرج لا تفكرين بشي ... أيهم بس اني ماكدر ....مو وعدتني ما اسويلي شي الا برضاتي وج عمري شنو ما تكدرين مو كتلج انسي بس شكلج تريديني اني انسيج.......🤩😍😍 وصار الي صار وفعلا اسعد ليله عشناها اني وأيهم ... ومرت أيام وتقريبا أشهر واني وايهم عايشين بخير والحمدلله الله عوضني عن كولشي وايهم حنون وطيب ويحبني واشكر الله انه جمعني بيه..... ف العبره من قصتي ....انه الانسان شما تمر عليه ظروف أو معاناه لازم يخلي في باله فكره انه الله راح يعوضه بالاخير وينطينه شي يخليه ينسئ سنين من الألم والحزن...الله موجود وما ينسئ عبده حاشا لله يخلينا وينسانا واهم شي الصبر الصبر واذا الك قسمه أو نصيب من شي راح تحصل عليه لو بعد ميه سنه والي اذأك راح يتاذئ حتي لو مو منك بس الله يسلط عليه شخص يأذيه وياخذلك حقك ... ♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️