مجرد حلم

#استغلال_يتيمة #البارت_العاشر__الاخير يكفيك في هذه الحياة أن تجد شخصاً واحداً تستطيع وصفه بالظل في يومٍ مُشمس♥️☺️ ...... ،❌❌❌❌ بعد ما تمت الخطبه وكعدوا عمامي وزوجه عمو مختار شوي وراحو بقئ أيهم يمي ...يله عيني وانت شنو ناوي تبات هنا لا والله بس كلت اعزمج نطلع برا نتعشا ونجي اذا تقبلين ومسموح🥴☺️ هههه صاير تسمع الكلام اوك راح ابدل واجي طبعا اني ما مشتريه ملابس طلعه لان ما اطلع كله بالبيت ف عندي بينصل اسود لبسته ولبست فوكه بشت ...وتمكيجت وخليت الشال ع شعري هيج بدون ما الفه بس طلعت حلوة☺️ يله أيهم اني جاهزة الله الله شنو هلجمال هذا تقبلين اتغزل لو هم ما مسموح لا الكلام عادي بس الافعال ممنوع☺️ طبعا هاي أول طلعه الي بمطعم اطلع واكعد واشوف الناس صدك فرحت بالطلعه وغيرت جو تعشينا وكملنه رجعت للبيت وايهم رجع لبيته... ومرت أيام واحنا ع تواصل بالتلفون بس قليل اني ما اقبل نحجي هواي أو يجينه ...فاتفقنا نروح نشتري ذهب وملابس لان موعد زواجنا قريب فطلعنه اني وياه واجت زوجه ابوه هم راحت وياه طبعا انسانه طيبه لدرجه وحنونه وكلامها عسل وياي ...ف رحنا وجهزنا تقريبا كولشي ما بقئ غير شي قليل...وتعبنا ورجعنا .وكلمن راح لبيته طبعا زواجنا اني شرطت عليه ما اسوي عرس أو خبصه وحتئ بدله ما البس هيج اريده بسيط لان احس فرحتي ناقصه بسبب ابني ومن داخلي مكسورة بس شسوي العمر يمشي واني خلصته بس حزن وقهر 😔 فلازم اسوي شي ينسيني ويطلعني من جو الحزن الي عشته ف هو كال نروح لاربيل نتزوج هناك واني قبلت ... وهو بهاي الايام راح يسال النه ع بيت وحصل بيت جديد حلو بمنطقه بعيدة عن منطقه اهله ورحنا شفناه وعجبنا. وبدينا نجهز بيه اشترينه غرفه نوم وباقي الشغلات راح اخذهم من بيتي لان توا اشتريتهم الكهربائيات واغراض المطبخ وحددنا موعد الزواج بعد أسبوع ف نقلت قسم من اغراضي وبقت الملابس وذهبي وفلوسي بيوم الزواج يله ناخذهم للبيت ... ف بيوم اني نايمه تقريبا ساعه الفجر ف اختنگت اريد اتنفس ماكدر وما احس الا دخان ملئ البيت ونار... ارتعبت وبديت أصرخ وظلمه البيت و الكهرباء ماكو احتركت واريد اطلع ماعرف منين ركضت ع الباب لان هو خشب واني ما اسد الباب من انام اعوفه مفتوح فشفت النار بالباب وركظت طلعت من يمه وع ضوء النار اني اركض لحد ما طلعت برا ... وفتحت الباب الرئيسي وبقيت أصرخ بالشارع وملابسي احترگن عليه وجسمي كله يحرگني من قوة النار واجت الناس عليه واخذتني مرة جيراني لفتني بعبايتها ودخلتني لبيتهم ... واني افكر بذهبي نيشاني فلوسي ذكرياتي كلها راح تحترك ... فدوة طلعلولي نيشاني ولكم اول مره افرح بشي اول مرة احس نفسي بنيه مثل البنات وعروسه .... بس ماكو الأغراض صارت رماد والبيت احترك صار اسود والجام تكسر.... .... وبقيت أصرخ ما دخلت ل بيت المره طلعت بنص الشارع اباوع ع بيتي وع حياتي شلون احترگت.... ....والناس تتوسل بيه ادخل لبيتهم بس لا ما ادخل اريد بيتي ونيشاني وحلالي اريدهن.... ف اكو واحد يمنا يعرف أيهم ف اتصل عليه وإجا خطيه بسرعه ...فشافني وركضت عليه حظنته وك أيهم حرگوني رادوني أموت حرگوا فرحتي وحياتي ...ليش يسوون بيه هيج اني شمسويه ما ضريت احد ولا اذيت ليش كلها ضددي ف أيهم تخبل ...حبيبتي لا تنقهرين كولشي يتعوض وبدل القطعه اجيبلج عشرة بس لا تنقهرين .... ....ف أيهم طلب يشوف الكاميرات من الجوارين ف راح دخل ورجع التسجيل وشاف أمه هي الي سوت بيه هيج شمرت بانزين ونوب شمرت نار .... ها أيهم عرفت منو تعاي امشي وياي فصعدت وياه وهو ساكت بس عيونه نار صارن واخذنا لبيت اهله ونزلنا لزمني من ايدي وبقئ يصرخ ع أمه وينج يمه تعاي طلعي وطلع أبوه وزوجته وعمو وزوجته والأطفال كلها كعدت تدرون لو ما تدرون هاي امي الي گدامكم حرگت اقبال البارحة حرگت بيتها تريد تكتلها لان حبيتها واريد اتزوجها كلها نصدمت من سمعت الكلام اني تخبلت ركضت عليها لج ليش اني شنو سويتلج ليش تكرهيني هيج من صغري و لسه انتي تاذين بيه ام أيهم ...ايي اكرهج اني واكره امج وراح ابقئ وراج لحد ما اكتلج واحرگ كلبج ليش اني شمسويتلج امج امج الحقيره اذا ما احرگ كلبها مثل ما حرگت كلبي امج تدرين شنو سوت جانت عينها ع مختار واكثر من مره اشوفها تباوع عليه وحتئ من اتطلگت من ابوج شفتها تدز رسائل لمختار تكوله تعال اتزوجني بس هو فشلها ورفضها امج حقيره وساقطه باعت ابوج الي هو زوجها علمود اخوه وتريديني اتقبلج بعد واخليج تزوجين ابني .... اني شلي شغل ليش تحمليني ذنب وحدة ما عرفها ولا شايفتها ولا أتذكر وجهه شلون ولا أتذكر حظنها أو حنانها اني بيبي الي ربتني وهي امي ام أيهم...... لا انتي وحده حالج حال امج تذكرين من كنتي تغرين ابني أيهم وتنامين وياه واكثر من مره شفتج تجين اله وهسه كبرتي عود وحبيته وتريدين تزوجينه ... اقبال .