مجرد حلم

قصة قصيرة بعرس اخويه لفت انظاري على بنيه كلش حلوه وعجبتني حفظت شكلهه وملابسهه .... من خلص العرس سالت عليهه مرت اخويه جان اتكولي هاي بت اختي . سالت عليهه واحنه هم مناسبيهم صارت القسمه وخطبتهه حبيتهه كلش ودللتهه دلال ..اتزوجنه وجانت شتريد انطيهه على مرامهه شوكت متكول اني ضايجه اطلعهه شوكت متريد تروح الاهله اوديهه مر على زواجنه سنه مصار طفل عدنه فراجعنه هوايه اطباء ماكو فائده حتى الاردن وايران رحت كالو انته مالك جاره نسبتك صفر % هيه مابيه شي اخر سفره جانت الاردن الطبيب كالي مالك جاره حتى عملية الانابيب بيومه والله بجيت اول مره ابجي زوجتي كالت لتنقهر هاي قسمتنه لازم نرضه بيه كلشي بي صالح واني وياك وخلي نكمل عيشتنه الله رزقنه ..رزقنه مارزقنه حكمة ربنه ..كامت اتكسر عليه .. اخذته ورحنه عمره كمت كل فترة اخذه واسافر حتى اغيرله جوه اونسيه مر على زواجنه 7سنوات والله مارزقنه طفل الى ان فديوم كالتي اريد اكمل دراسه الشهاده تفيدني اني ماعدي اطفال وعدي وكت خلي اكمل سادس ونفس الوكت الشهاده تفيدني بكبرتي كتله بعيني خليته اتكمل سادس وخليتله مدرسين 3ملاين سنتين تدرس سادس اول سنه منجحت بل سنه الثانيه خليتله مدرسين وعدي عرف وصيت عليه لحد من نجحت من سادس وطلعت معدل زين انقبلت جامعة بغداد علوم كمياء من دخلت الكلية اتغيرت كليأ معاملته الي كامت متهتم الي كامت تعيرني بل خلفه صديقاتي الي بكدي جهالهم بل مدارس واني حضي اغبر .منه بدات مشاكلنه اقل شي تتعارك ويايه تتحجج ودور زعل واني متحمله لان احبه جنت بس اريد ارضيه كل فتره اشتريله قطعة ذهب حتى بس ارضيه وهيه مو بعينه هل شي كامت وين متكعد اتكولهم منه السبب موزين متحملته جانت تعز عليه نفسي ودموعي تنزل دائما اكول(ربي مسني الضر وانته ارحم الراحمين) الى ان يوم رجعت من الدوام لكيته ماكو بل بيت اخابره مغلق خابرت امه كالتلي والله بتي بعد ماله عيشه وياك كتله زين شنو السبب؟اني مقصر عليه ؟كالت لا بس كلمن يروح بدربه طلكه كتله اني مااطلكه اني احبه وشتريد اني مستعد اله رفعت عليه قضية طلاك محضرت اي جلسه ف اطلكت غيابي .بعدين افتهمت من خالته لان خالته مرت اخويه انو تريد تزوج حتى يصير عده اطفال اني ميصير عدي هذا سبب طلاكه زين ليش اتغيرت من دخلت الجامعة؟مرعلى زواجنه 9سنوات وهيه مجانت تسمعني او تغثني بهل موضوع الله ينتقم الي جان السبب المهم اطلكنه وهيه تخرجت من الجامعة واتزوجت واني ضليت بدون زواج منو تقبل بواحد ميصير عنده اطفال واني مناقصني شي حلو وموظف بل نفط وعدي بيت اهلي جانو يردون يزوجوني مرتين راحو يخطبولي من يسمعون بيه يبطلون .فكتلهم مااريد بعد مااريد اتزوج ولاتفتحون موضوع الزواج كبالي ...لحد العام الماضي جنت بكربلاء .رحت زياره دامشي شفت بنيه تبجي وتباوع بل وجوه كتله ...خير اكدر اساعدج كالت اريد اتصل على امي لان تليفوني بجنطته واني تيهته بس اتصل عليه حتى تجيني نطيته تليفوني خابرت امه وكفت يمه لحد مااجت امه واتشكرت مني راحت وره يومين جتني رسالة على فايبر انته منو كتله انتي منو كالت انته داك عليه كتله غلطانه اني مداك عليج وره شويه كالتلي اسفه اني جنت ضايعه بكربلاء اعتذرت مني وبعدين ضلت تراسلني وتعارفه بل فايبر طلعت قريبه على بيتنه ومنطقته مقايبل منطقتنه عرفت بقصتي وضلينه على تواصل وخلتني اطلع من الجو الي بيه اني ونطتني امل من جديد وخطبته وقبلت بيه البنيه اصغر مني ب12 سنه رادتني شريك الحياته موضوع الخلفه كالت كله رزق بيد ربك ...اتزوجت والصدمه الكبرى الي هيه اول شهر على زواجنه طلعت حامل الفرحه متنوصف من طلعت نتيجت التحليل حامل سجدة بل كاع وابجي كدام الناس حسيت جان اكو شي ميت بداخلي واحتيه من جديد .. والله كمل فرحتي واجاني محمد) والحمدالله عمر ابني هسه شهرين ...اكوم واكعد احمدالله واشكره والي طلكتني اتزوجت قبلي لحد الان ماعده اطفال كسرت كلبي وخاطري بس الله برحمته ماكسرني... سبحانك يارب ان اراد شي فيقل له كن فيكن .. دائمآ لا تيأس من رحمة الله اذا تعجبكم منشوراتي والقصص القصيرة اضغط متابعة وثم مشاركة وبعدين علق خمس تعليقات