1
إذا خنكتك عبره ومالكيت دموع
تعال دموعي ذنني وطفي نيرانك
وإذا فكرت ترجع والدرب عثرات
هاك اجدامي يغدن فدوه لجدامك
واذا غشك سراب ومالكيت الماي
ارجع للنهر لا تتبع اوهامك
مثل خلك الخشب وي قسوة البسمار
شما حاولت اشلعك يبقه نيشانك
ومثل طبع الجرح لوطاب بس موجود
أثر يبقه عليه مكتوب عنوانك
حزن يعكوب شايل كلبي من فركاك
يايوسف شجاك اوطال هجرانك
ارجع لو دمع هم عيني تترجاك
مثل رجوة يتيم اشتاك لحظانك
#