مجرد حلم

ﻣﻦ ﺿﺤﻜﺖ ﺍﻟﺪﻧﻴﺎ ﻣﻄﺮ ﻧﻤﺸﻲ ﺁﻧﺔ ﻭ ﺍﻧﺖ ﺑﻼ ﺳﮕﻒ . ﺑﺲ ﻓﻨﻬﺎ ﮔﻄﺮﺓ ﺗﻠﻮحنه ﺣﻴﻞ ﺍﻧﻌﺠﺐ بينه ﺍﻟﻨﺪﻯ ﻭ ﮔﻄﺮﺍﺕ ﺑﺎﻭﺭﺍﻕ ﺍﻟﺸﺠﺮ .. ﻏﺴﻠﺖ ﻧﻔﺴﻬﺎ ﺑﺮﻭحنه ﺣﺒﻮنه ﺣﺘﻰ ﺍﻝ ﺑﺎلسمه ﻣﺘﻔﻀﻠﻴﻦ ﺍعله ﺍﻟﮕﻤﺮ ﻧﺠﻤﺎﺗﻪ ﻣﻦ ﻣﺮﻫﺎ ﺍﻟﺘﻌﺐ .. ﺃﻣﻨﻬﺎ ﺑﻴﺪ ﺳﻄﻮحنه ﻣﻦ ﺗﻌﺒﺖ ﺍﻟﺪﻧﻴﺎ ﺳﻬﺮ ﻇﻞ ﺑﻴﻨﺎ ﺷﻮﮒ ﺑﮕﺪ ﺑﺤﺮ ﻛﻞ ﺳﻮﮒ ﻣﺎﻇﻞ ﺑﻴﻪ ﺭﻣﺶ .. ﻭﺍحنه ﺍﺯﺩﺣﺎﻡ ﺑﺴﻮگنه ﻣﺮينه ﺑﺄﻏﺼﺎﻥ ﺍﻟﻮﺭﺩ ﺍﺳﺘﺤﺮمنه ﻧﻠﻤﺲ ﻋﻔﺘﻪ ﻭ ﻫﻮ ﺑﮕﻠﺐ ﺟﺎﻫﻞ ﺑﭽﻰ .. ﻭ ﻣﺪ ﺍﻳﺪﻩ ﺭﺍﺩ ﻳﺒﻮگنه ﺷﻮﺭنه ﺑﻌﻴﻮﻥ ﺍﻟﺸﻤﺲ ﭼﻲ ﺑﻴﻬﺎ ﻣﻦ ﻣﺮينه ﺍﻣﺲ طفنه او ﻭگفنه ﺑﻜﻞ ﺭﻛﻦ .. ﺷدينا بيها علوكنه فقره احنه مابينه ربح بس جرب ومرنه بصبح تلگه النحل لازم سره يصبلك عسل بريوگنه بينه سواد ابلاحقد بيت الله لو عايز سگف چان انبه بطابوگنه من نسكت انيتم حچي كلمات مابيها طعم تطلع عسل بحلوگنه طارينه چن رشت عطر تنگال بس ماتنسمع لعيون ميزتنه لأن كشجة لسن بالگالنه گدام الأعمه ونبتسم ميشوف بس چنه يحس ويرد علينه ويبتسم لمن يصير گبالنه! ومن مره عزمتنه السمه. طرنه انه وانت بلا جنح والغيم دلانه ومشه وفرينه كلشي بكيفنه تمرجحنه ونسينه الوكت وكظينه بحبال الهوى وذاك الوكت ماطر فجر ظل احترام لطيفنه غافين بس مو من صدگ وينعاش بينه شگد حلم وچي غار من طول الحلم طب كل صدگنه بطيفنه بينه عسل مو من نحل مكاسر وجهنه بصم ملح ماتقبل تشوفه البشر غزرنه بمراياتنه بجامع مناراته غصن سوينه كبه امن الورد من كمل اذان العطر فاحت مسك ركعاتنه ماشلنه چفين لسمه بعده الحچي بسابع گلب ربك قبل دعواتنه چذبنه بس عمر الطفل وكبرنه وذكرنه الوكت طلعت صدگ چذباتنه بيبانه بلون الهوا گد مانضيف بالخلگ لوقسنه عالگاع الفرق نزلت متر عتباتنه سوالفنه اترف من شمع اتذوب لمن تنسمع عالشجره فكينه القفص بس يمنه يفرش طيرنه مايرضه ينشال بحبل حس لو صعد بي ينشنق عنده السجن عزة نفس ماي ليبات ابيرنه اليعرفنه ماوده بعد يعاشر بشر من غيرنه دگ بينه حتى المو گلب خذلك حجاره امن اي درب گلبها بيها تحس نبض من تغفه بين صدورنه صح احنه مو بزرة علي وماعدنه مرقد من ذهب لكن ملائكة العشگ كل ليله جمعه زورنه من هب على الدنيا البرد دفينه شمس الله الشته ابراهيم شجرتنه الغصن ذبحته قربه لنفوسنه ومن شفنه دمعات المطر تنزل على خدود الهوى حطينه طاستنه تلم ردينه ما طايح مطر طاحت الاغيمه بطوسنه تواعدنه يم جرف النهر من شاف خطوتنه بحذر ظل مايه يجري امن الضحك وترحم اعله الجابنه ومايوم دورنه محب ودگينه ناعم للعشگ هو العشگ دگ بابنه وسهرنه الدنيا صبح والشمس غمضت والگمر نجمات وده بكل كتر وزعت ضوه بثوابنه ومن شفنه كوكب بي حزن طرناله وبغيمة فرح مطرنه بيه احساسنه ظل مبتسم طول السمه وگال ابقو بس ليله بعد ظل ساعه يقره براسنه وگامت چفوفه تلم ذرات من عدنه هوى اختلطت بلون انفاسنه🌺🍁