Go to channel

قـصـائد مكتــوبه 💘

168
الـقصـيدة : عيش بمكاني لو نفرض البيك يندار بيه ويمك يجيبون راسه الرقيه تشيلني تتمنى ايديك ما تكدر مچوايه اديك عيش بمكاني لو فرضنه گبال عينك نفس ذبحك انذبح تجي تركض مثل ركضي ومثلك انشال برمح عيش كل العشته وتصورها بيك رمح شايل راسي وتأشر بأديك اني كل ذني عشت وازيد عليك كل همك تريد تفتحها عيني وعني يمنعوك كل ما تجيني بجروحك تضل تنتچي وتفحط عليه البچي لو فرضنه بويه راسي موش راسك بالطشت تموت موتي من حرگتك مثل ما يمك متت شلتك بحظني رغم حظني صغير وانه لعابه اعلى حظني ما تصير يالچبير بروحي وموتك جبير شبعت شبگ بيك وشبعت بواچي بس ضمت عليك بوگ التراجي ما سومرت جرحك شمس وانه امسح بأذني من امس بويه اكعد مره وحده ومن جديد افتحلي ايديك شنهي طفله بعز عمرها رموشها تشيب عليك كون عايش ركضتي بذاك الضمه وتعثر وأذنك بأديك تصب دمه وماكو جف يعينك وتچوي السمه يتلفت تريد جيمني الأحبال وگبالك تشوف بنتك على التراب والخيل تاخذني وترد گلبك عليه ينمرد عيش بمكاني الطايح انه لو حسبنه الطايح انه وانذبح يمك رخص تجي بلهفة ترد ايديه تلگه ايدي بيها اصبع نقص فوگ هذا تشوفني بصبر السهام وساحگ الخيل المكان الببها انام وحيل مالك ترجع بذيج الخيام بحظنك يحطون اخر شمعتك وتفيض الگاع يمك بگعدتك گعدني بأيدك ماافز والخيل من تصهل انز عيش بمكاني لحظه وحده تعيش دوري من ركضت على الجمر تعبوني وانه طفله الله لا ينطي الشمر استغلوا طيحتك فوگ التراب استغلوا طيحتك فوگ التراب وحرگوا الخيمه الچبيره وكلشي ذاك لو عايش جيوف موتك شنو الضام جا اسهل تكول ذبحي من الخيام كل هذا شفته بغيبتك يعين الله گلبي الحبتك عيش بمكاني