Go to channel

قـصـائد مكتــوبه 💘

56
قصيدة : عبد الله اريد اشبع شبك عبد الله اريد اشبع شبگ منك يمدلول وتموت وي موتك عبد چلمة دللول ياهو اليفز بالغفله .. واگعد واگله اسم الله چلمة دللول .. چلمة دللول يمكحل من الله بكحل وعيونك وساع دنيتنه سفرة وچان الي بضحكاتك متاع ماماشي بعدك يالولد ولا لايح الگاع كاروكك حضيني وافز واگعدلك اساع اگعد واهزك بيدي .. يامحله اگول اوليدي تضحكلي لو گتلك عبد من فدوه هالطول وتموت وي موتك عبد چلمة دللول يالرگبتك مالت شبگ مو مالت سهام بعدك ييمه بست اشهر ماكملت عام ياوكت بدرك يكتمل احسبلك ايام اتمنى اگولن لو گمت فدوه الولد گام من توگف برجلينك .. اركض وابشر حسينك يحسين دار اعله الولد جيت اخبرك حول وتموت وي موتك عبد چلمة دللول يالوجهك يعادل گمر وعيونك نجوم تكسر ظلام البالخيم وتضوي كل يوم يالرگبتك مثل النبع ومحليه الهدوم موسم عطش باچر يجي وتشربك الگوم عطشانه دنيه تريدك .. يالكوثر انت بجيدك دين الله يم نحرك وگف يبني انته شتگول وتموت وي موتك عبد چلمة دللول خلصت كل عمري اندعي وتسولف العين امنيه عندي وما زدت كل هاي السنين امنيتي اشوفك بالعرس ومحني چفين كاشخ تجي بثوب العرس وبصف الحسين وخوانك انته تحنيك.. عمك بديته يزف بيك وحسين يضحكلك يجي ومبارك يگول وتموت وي موتك عبد چلمة دللول