كتمان 🖤

راسي يوجعني كُلش و تعبانة جسدياً بس الشي الحلو فعلاً بالموضوع . . أنو أنتهيت_منك بطلت أنتظرك بشوق مثل قبل و بطلت كلماتك البسيطة تهزني راسلتني او لا هذا شي صار م يهمني بكثر ما تهمني نفسي . . أني هسة مرتاحة كُلش و سعيدة و مكتفية بنفسي دا أحب الحياة اكثر من قبل و اتمسك بكل أحلامي و أهدافي . . سعيدة بوضعي هذا اكثر مما تتصور و الأنسان اللي سمحتلة يدخل حياتي بعدك مو ندمانة عليه ابداً . . يستحق اكتب عنه اكثر منك و يستحق اسمي رجل اكثر منك ، كمية الحب اللي قدمها الية تسوة كُل ضحكة ضحكتها وياك ، أني هسة اگدر اعتبر نفسي من الأشخاص اللي ابتسم لهم الحظ من بعد عناء طويل . . حتى ملامحي الحزينة أختفت , خدودي وردت من جديد و شفافي تضحك 24 ساعة و قلبي ينطنط من الفرح . . فعلاً كل ممنوع مرغوب ، قبل لأن جنت م اگدر احصل عليك بالكامل و م جنت أگدر اجزم أن كل مشاعرك الي جنت أحبك و ركز ع كلمة (جنت ) أما هسة أنتهيت من نصفك المبعثر ، خلصت من نصف قلب و نصف مشاعر و نصف رجل لهذا السبب من هليله رح اكون انسانة ثانية مع بداية جديدة خالية من شوائب الحزن و هسة أگدر أگول لنفسي عفيه عليجج هسة أگدر ابارك لنفسي و أعزيك . .🙂. كُنت بيديك كـ بالون مملوء بالهيليوم ! ما أن أفلتني . . حتى طُرت عالياً في الأفق . . أنا امرأة لا تسقط إذا أفلتها رجل . . أنما ترتفع