كتمان 🖤

كلَ شخص گتله الدنيا اذتني هوايّ دير بالك تصير اذيه جديدة الگلبي ، هو نفسه الي يصير هو والدنيا عَليك ، والشخص الگلك آحبُ عيونك هو نفسه الراح يجي يوم ويبجيها وتذبل وبعد ميحبها ، والاشخاص الجانوا بحياتك مثل ممثلين كوميديا وتحشيش بس حتى يضحكوك ، همه نفسهم الي راح يبچوك بگد المرات الضحكوك بيها مثل ما الممثل ياخذ فلوس مِن يضحك الناس هو هم ياخذ حق تعبه ياخذ ضحكتك حتى ينطيها لـ غيرك ، العلمك السهر وعلمك تنتظره كلَ ليله هو نفسه سبب اذيتك هسه ، هو نفسه سهران يمشي عَلى غيرك السوالف الجان يمشيها عَليك ، الجان يگلك اذا اهلك اذوك اصيرلك اهل اذا اصدقائك اذوك اصير كلَ اصدقائك ، هو نفسه الي مِن ادزله محتاجلك لو يرد وره يومين لو يتجاهل رسالتك مِن الاساس ، شايف هذا الشخص الي يراسلك وتحاول بكل قوتك تكتم ابتسامتك وانت تراسله حتى محد ينتبه ، هو نفسه الي هسه (ادور زوية تبچي بيها مِن خذلانه الك) ، حته محد ينتبه ، شايفين الاطفال مرات مِن ياكلون وياك وميعرفون اداب الاكل يزعجوك كلش ! ذول الناس مثلهم بس ذوله ميعرفون اداب الحب ولا اداب الانتظار ، واذا الجهال زعجوك ؟ فذوله دمروك ، ومرات اتحس مسوين مسابقه عَليك منو اسرع واحد يخذلك وكلها تصيح اني ، حچي هواي بس مابية احجي كلبي يوچعني .