75
وردة بوسط بستان كلساعه اشم بيچ
وزگيچ ماي العين بچفوني اغطيچ
لجلك عفت هلناس ونته الهويتك
حافظ عليا وكون اصبح هويتك
فدوه الهويه تروح لعيون الوساع
لوبيدي اصير فراش وفرشلچ الگاع
كافي الغزل ارجوك ذبت بمحبتك
من القميص انغار شابك رگبتك
زين انتي وتغارين من الدگم هاي
نايم معايه گلاص لشربتي بي چاي
ماضل طعم بلچاي من يوم فرگاك
كل الحلاوه تغيب من تخطي ممشاك
ماضل صبر بلروح باچر نجيكم
اني وهلي عللدار نطلب اديكم
مية هلا بملگاك يمكحل العين
باچر لحني الباب وجفوف اليدين
شاعر فلاح النمراوي