1
الدايم الله ولو مشو يتعوضون
قوي كلبك
وانسه كل واحد نساك
لا اجلبلي بكفه الرايد يروح
ولا تكله شلون اكضيها بجفاك
كلها تكطع والله مايكطع حنين
شما تسمعه انطيني
تسمع منه هاك
انه اعرفه الليل ع الفاكد ثكيل
وادري مو كل واحد يسد مشتهاك
بس بعد شسوي لازم ماتطيح
لوحدك و600 الف شامت وراك
الناس ماشت ناس وصلت بيها ناس
كثر ادموعك اذا شوكك خذاك
الشوف لو تنطي للبنادم يخون
وينكر الطيب ويجي يعيرك عماك
اكبر وفارك هوه اليتواضعون
وقوي كلبك وانسه كل واحد نساك