چــا وڪـلبي؟

الجبان اليَّ ما يحاول ، ما يبادر ، يخاف يواجه، يخاف يعترف، يخاف يخسر متعود يسكت، متعود يشوف الأشياء الحلوة تفلت من إيده،مو لأنه ما يحب، بس لأنه ضعيف گدام قرار بسيط،خطوة وحدة كانت تفصله عن الشي اليَّ يريده وما أخذها يخلي الظروف ، والحجج غطاء،ويظل يقنع نفسه إنهُ الوقت مو مناسب ، الاسباب تمنع يكون ويه اليَّ يحبها ، وهوَّ يدري بأنهُ الفرصة الحقيقية ماتتكرر بكل مرة بس مع ذلك هوَّ من جوّا مكسور، محترك، ويدري بروحه راح يتندم ، بس عمره ما راح يعترف، لأن الجبان حتى من الحقيقة يخاف .. وخل نسأل نفسنا، منو بينا تكدر تكمل حياتها ويه شخص ما يگدر حتى ياخذ خطوة؟ منو ترضى تكون ويا إنسان يشوفها تضيع من إيده ويسكت؟إحنا نستحق شخص يحارب، يتحدى، يوگف بوجه الكل علمود يحصلنا، شخص يعتبرنا إنجازه، مو خسارته .. لذلك لاترضون بإقل من هالشي والجبان خلي يبقى يم الماما نحتاج زلم حقيقية وتعرف قدرتها ورجولتها وشون تكدر تتحكم بأصعب الامور وتكون كدها ❤️