لگـــࢪم.☻︎

شايف الدنيا من تجي عليك و يكون همها الوحيد تكسرك و تحطمك و تدوس عليك حتى تعلن انتصارها عليك .. شايف من تاخذ منك اعز صديق برمشه عين بالليل تحجي وياه و تكعد الصبح تلكه حسه بالدنيا ماكو .. شايف من تحطك بظروف تجبرك تختار بين نفسك و اخوك الي روحك بروحه شايف من تاخذ منك حلمك الي من و انت صغير تخطط و تطمح اله و تبني طموحاتك و آمالك كلها عليه ... شايف لمن تطحنك بظروفها و تخليك محل شماته من قبل اخس الناس الي يردون يشوفونك بهذا الموقف ..شايف و شايف و شايف.....مالها نهاية هي هاي دنيتنا و العابها القذره و خططها ..بس خلي ننتبه لشغله هي دنيا و زائله شنو راح تسوي بيك هسه مراح يدوم و لا راح يستمر ..كل شي اله تاريخ صلاحيه و لابد يجي اليوم الي ينتهي بي تاريخ صلاحية ظلم الدنيا و انت الي تحدد بدء تاريخها الجديد بعد ما كانت هي تقودك انت الي راح تقودها و بمزاجك و غصبن عليها راح تكون الك ذكرى لمن ترحل عنها و راح يكولون جان فلان كدها و حقق الي راده تريد تبجي ؟؟ اوك ابجي من حقك تبجي و تصرخ من كل گلبك من تجي عليك بس نصيحه لا تطول بنوحك لان اثنا۽ ما انت حاط ايدك ع خدك او حاصر نفسك بالزاويه و راسك بين رجليك تبجي و تنوح ترا الدنيا جاي تخططلك الاصعب و الاسو۽ من كل هذا ... افق من سباتك و انظر حولك...اين انت من كل هذا؟؟ اين من المفترض ان تكون و اين انت الان؟؟ ماذا اردت ان تكون و ماذا ارادت هي؟؟ هي...من هي؟ ليست الا دنيا زائله و نجاحك هو الباقي فيها رغم انفها .. كفكف دموعك و انهض...ففجر المجد قد لاح لناظريك, سرقت الاقدار منك حلما, اصنع لنفسك الف حلم و قاتل حتێ اخر نفس في رئتيك