لگـــࢪم.☻︎

شكد صاحب الزمان غريب بيناتنه وبدواخلنه!! شكم واحد جان يركض بركضة طويريج اليوم وركض إمام زمانه بصفه وكلبه ماحس بوجوده!! شكم واحد كعد جوه المنبر يسمع المقتل ويبجي وإمام زمانه بصفه كاعد وكلبه ماحس بوجوده!! غربه صاحب الزمان أشد من غربة جده الحسين💔 الغيبه ، النميمه ، حب الجاه و السلطه ، التكبر ، حب النفس ، حب المال ،حب مواقع التواصل و إسراف وقتنه بيهن شكد ملوثه أرواحنا واحنه ماحاسين اكو ناس وصلت مراحل تشم ريح الحسين مجرد ماتسمع إسمه✨ تحس بهيبته وهي مشايفته من تكوله يا أبا عبد الله صوت الإجابة تسمعها بداخلها اكو ناس وصلت مرحله كل ساعه من يومهم تقربهم آلاف السنين للجنه تقربهم لقلب إمام زمانهم بحيث اليوم إلي ميذكرو بي يجي يتفقدهم ويسأل عنهم ويدعيلهم فلان اليوم ماسمعته سلم عليه ...!!! واصلين مرحله الإمام يفقدهم إذا ماسمعهم بيوم احنه شوصلنه؟! شكد باقيلنه؟! هم بيوم سألنه نفسنه عن هالناس وين هسه واحنه وين؟!! وشكد بقالنه حتى نلتحق بيهم؟ شكد بقالنه حتى نكدر نشم ريحة صلاة الصبح؟ شكد بقالنه حتى يتوخر الحجاب بينه وبين الإمام؟ شكد بقالنه حته نحس بصوت الإجابة من أهل البيت؟ شكد بقالنه حتى نصير منهم؟ ذوله إلي صاحب الزمان يتفقد أحوالهم و يسأل عنهم واحد واحد🥀 بعدنه نتخبط بين جبهة يزيد والحسين؟ لو عرفنه طريق الحق ونصرنا؟