لگـــࢪم.☻︎

ثكيل 2 خطاب السيده رقيه لابيها الحسين ع -- عوفني شويه اعله صدرك غافيه -- تعبتني الوادم المتعافيه ، ، ما يتعبك ذاك رمحك والطشت ، التعبتك طيحتي كبالك طحت ، -- بويه سولفلي بسوالف دافيه ، ________________________________ بويه وينك ، گمت احني بشيبك بدم النحر ، بويه وينك ، كون گايل لون ناوي اعله السفر ، بويه وينك ، گام يتراوالي رسمك بالگمر ، ، بويه وينك ، الليل جايب چم جرح ناوي اعله شر ، ، - گوم مد ايدك اريد چفوفك ، - روحي يمك ماتريد تعوفك ، عتبه عندي وياك من جيت بطشت ، موش شكلك هذا ليش تغيرت ؟ -- بويه گوم وخل ترد العافيه ، ________________________________ دمعه دمعه ، طاحن سنيني بغيابك بالدمع ، دمعه دمعه ، صنطه واليحجي ويه روحه ينسمع دمعه دمعه ، تخوصرت حطيت ايدي اعله الضلع دمعه دمعه ، ماخذين الشمع وخيوط الشمع ، ، -- كوم لا تيبس يغصن ايامي -- ضاميه وحاچيت واحد ضامي ماتت احلام البرائة وشيبت ، ، ، جوه رمحك بويه الف موته متت -- بويه وعيون الشمس شو طافيه _________________________________ رد عليه ، بويه يمك ارد اموت من التعب ، رد عليه ، گوم حاچيني يبو اطباع الذهب رد عليه ، ، والله مل لساني من گد العتب ، ، رد عليه ، الكلشي نعمه الچان بعيوني انسلب - گون يحسين وتشاهد حالي - كربله وذاك الجمر يبرالي ، ، بويه شنهي العاجبك فوگ الرمح ، انزل وشوف الجرح يردم جرح ، ، بويه كل جروحي ما مصافيه ، _________________________________ يابو سكنه ، بويه سولفلي شعمل بيك الدهر ، يابو سكنه ، لو عظم كسروه چا گلنه انجبر يابو سكنه ، ، شنهي ليجبره هالخاطر لنكسر ، يابو سكنه ، ديربالك والرمح ناوي اعله شر ، -- وين ما وين الطريج يلولي ، -- متت ما صدكت من كلولي ، بويه ليش كبال بنتك ما كمت ، ، بوكت بي محتاجه عينك غمضت ، بويه احچيلي الحچايه الشافيه ، _________________________________ - علي مهدي المالكي ، ،