703
سد باب العشك بس ربع خلينه
او خل نضحك صدك كونك تلاگينه
سد باب العشك صار العشك مكروه
لان وفينه ما شفنه اليوافينه
معشوك الدلال اومنهز الفنجان
لو مو عشگه بلمعرض امخلينه
گضه عمره حضن او شمحصل التنور
احنه اهل المحنه لچن ملينه
شنهي جانيه البرده ابعشك شباج
كفخات الهوا والماتزل عينه
مهو هذا العشك !! لوعايف او معيوف
لو ميت قهر !!لو ناسي كل دينا
لو ضيم او ضلايم .. لو سهر بليل
يخرب لونه ويغير معانينه
حركان الكلب والبال من يشتاك
سد باب العشك بس ربع خلينه