مكسيكو

احبچ من ضوة الفانوس للنجمة الوطن مصطلح بس بحضنج افتهمه كلما اصفن اعلى البيچ اكول شلون! الثلج يحفر بوسط النار شمعلمه اعرف الهوى الما مشموم والمشموم فطن بس لون خدج ماعرف شسمه شحلاتج جنج الماي البوجه الناس ندى غبشة بطريق الرايح لحلمه طيرة وبالمطر مسكينة وتخبلين خمر متكاسر بگمرة وغنى و نسمة وتريديني كدامج اعرف العيب ! مدمن گلبي شيلزمة چنچ فوضويتي شكد تناقض بيج حرير بحضني بس لوحدچ زلمة ضوة روحچ رسالة من الكمر للماي توصل واضحة شما كبرت الظلمة هذا المنتشي اليضحك الما مهموم كبلج جان لچمة تجبر بلچمة كبلج مدن مهجورة اعلى عينه تنام نحتو بالجماجم صورته واسمه بيت بحرب عمري صوابه من كل صوب وبحيطانه لكيتج لوحة مبتسمه يومية الم حزن الگهاوي وياي واجي وتكاسرين المغرب ببسمة وره جفوفج غريب منين ما اندار انت اول وطن ماطالب بسهمه من اشتاگلچ والتفت ما الگاج اركض لأي علم بالشارع اشتمه..