بَلا عنِوان .

بخـصوص الفضائح المُنتشرة حاليًا لبعض البلوكر "الفاشنستات" أو الفَنانات البَعض والفيديوهات اللي ينتشرن بسُرعة البرق عَبر مواقع التواصُل الاجتمِاعي ، فَد كلام لـ كَم شخُص أنتَ من تنشُر هذا المَقطع سواء تيليكرام أو تيك توك أو انستغرام عنـدك عداوة ويا هذا الشخُص "البنت" ؟ أكيد لا ، عَلمود طشة فَقط ؟ ويصعد الفيديو عندّك ويجوك مُتابعين ومُشاهدات علىٰ حساب شرف شخُص "جسم شخُص" ؟ ، طـيب بعيدًا عن المُسبب الرئيسي لنشر المَقطع سواء زوجها أو صديقها أو حَبيبها ! ، أنتَ أنتَ اللي دَتساعد هذا الشخُص حتىٰ ينتشر المَقطع بكُل مُكان هدفَك طشةَ وغيرهـا بـس ما فكرت بيهـا ! يجوز بدون متدري يجوز مَتدري هذا الشخُص ديصورها ! وإذا هيّ قامت بفعل حرام إلخ.... ، هذا ميشفعلك أو مَيسمَحلك تنشُر لأن ! عدها رب راح يحاسبهـا مو انتَ وغيرك من امثالك القذرة تحاسبهـا ! ، وركز زين إذا اليوم حصلت مليون مُتابع أو مليون مُشاهدة باجر عكبةَ يحصلون مُشاهدات بعرضَك ! تمام ؟ لأن الدنيا "الحياة" دولاب وتفتر عليك بيوم من الأيام واحنـا كَ مُسلمين رب العالمين وصىٰ بالستر وكذلك الرسول صلى اللّٰه عليه وآله وسلم وأهل البيت عليهم أفضل الصلاة والسلام وصوونا بالستر ، صير أحسن من هذا الشخُص اللي نشر المَقطع ، وانتوا العراقيين يعني بيكُم مُتلازمة حُب الفضائح ؟ حتى وإن كان بالشَرف تركضون تشاهدون المَقطع "دز المقطع ، منو مشاف المَقطع" ! ، شوي ارتقوا وخلوا رب العالمين يوفقنا ويعم الأمن والامان علىٰ هذا البَلد لتخلون أفعالنا وتصرُفاتنا تلطخ سُمعة هذا البَلد العَظيم ، وشكرًا .