اެلمِٛنِتَډێ اެهٛل البُيُتَ ♡ {؏ }

تحب صاحب الزمان عجل الله فرجه الشريف . . تحب صاحب الزمان عجل الله فَرَجَه" صحيح، بس بعدك تقدم كلشي على صلاتك، وتبقى بالنسبة إلك آخر خيار بيومك. بعده تلفونك مليان أغاني، وبعدك أنت إلي تختار لهم أغنية بالسيارة. بعدك تترك المحاضرات، وتأثر على أصدقائك وياك، و ما تندل محاضراتك و دروسك وين. بعدك ما تعرف شلون تغض بصرك وتتمعن بالوجوه و تتغزل بالمشاهير، بعدك ما محافظ على عيونك. بعدك تضيع وقتك على التلفون، ما قرأت كتب تعرف بيها تاريخ أهل البيت عليهم السلام"، بعدك ما تعرف عقيدتك بكل زواياها و تفاصيلها. بعدك ما تعرف شي عن صاحب الزمان عجل الله فَرَجَه" غير لقبه، ما تعرف شنو أدق التفاصيل عنه. بعدها معلوماتك بسيطة، كل يوم يمر بدون ما تقتني كتاب واحد يعرفك عن إمامك. بعدك تنشر كلشي كدامك بدون تفكير و ما تعرف هذا ما يليق بيك لكونك متبع لإمام، بعدك تشارك منشورات بدون ما تدري إذا يأثرن على غيرك لو لأ، ما مستوعب أن بيوم الأيام غيرك شال ذنوب بسبب نشرك. بعدك بوادي و إمامك بوادي، بعدك مقدّم نفسك عليه، بعدك ما عندك استعداد تختاره بعدك ما تكدر تتنازل عن شعور اللذة المؤقتة الي تصنعه إلك أغنية. بعدك تنسى تذكره بآية، بدعاء، بسورة، و ما يخطر على بالك غير بالشدة. بعدك تخجل تتغير لأن أصدقائك راح يضحكون عليك، بعدك ما عندك شجاعة تتقدم خطوة لخاطره. بعدك تتوقع لو سعيت حتى ترضي إمامك - من تلتزم يعني أنت تدعي المثالية ومعقد، بعدك على بالك أن تصرفاتك هذه عفوية و مو شرط تصير ملتزم المهم تحبه و بس!. بعدك عايش بوهم و تهاون و ضجة و تشتت بعدك متأخر، بعدها محبتك بس بالاسم، بعدك ما مجتهد على هذا الحب و تعبان عليه مثلما تتعب على مظهرك، بعدك تدور أغنية تخلص بيها الطريق بس بعدك ما مدوّر إمامك زين.