1
25 ФЕВРАЛЯ — СВЯТИТЕЛЯ АЛЕКСИЯ, МИТРОПОЛИТА КИЕВСКОГО, МОСКОВСКОГО И ВСЕЯ РУСИ, ЧУДОТВОРЦА
Святитель Алексий родился в конце XIII века в Москве. Он рано решил посвятить свою жизнь Богу и принял постриг в Московском Богоявленском монастыре. После 20 лет подвижнической жизни в обители, его возвели в сан митрополита, в 1356 году он стал архиепископом Киева и Великой Руси.
Святитель Алексий всячески заботился о своей пастве, устраивал общежительные монастыри, налаживал отношения с ордынскими ханами. По молитвам святителя Бог даровал жене хана исцеление от слепоты, чем снискал милость хана. В то время владыка Алексий являлся не только митрополитом, но и главой государства, поскольку был регентом Ивана II и Димитрия Донского.
Почил святитель в возрасте 78 лет, был погребён по завещанию в Чудовом монастыре. Мощи его были обретены через 50 лет, и сейчас они почивают в Елоховском Богоявленском соборе в Москве.
МОЛИТВА СВЯТОМУ
О, пречестна́я и свяще́нная главо́ и благода́ти Свята́го Ду́ха испо́лненная, Спа́сово со Отце́м обита́лище, вели́кий архиере́е, те́плый наш засту́пниче, святи́телю Алекси́е! Предстоя́ у Престо́ла всех Царя́, и наслажда́яся Све́та Единосу́щныя Тро́ицы, и херуви́мски со А́нгелы возглаша́я песнь Трисвяту́ю, ве́лие и неизсле́дованное дерзнове́ние име́я ко Всеми́лостивому Влады́це, моли́ся спасти́ лю́ди па́ствы твоея́, единоро́дный ти язы́к; благостоя́ние святы́х церкве́й утверди́, архиере́и благоле́пием святи́тельства украси́; мона́шествующия к по́двигом до́браго тече́ния укрепи́; град сей и вся гра́ды и страны́ до́бре сохрани́ и ве́ру святу́ю непоро́чну тем соблюсти́ Го́спода умоли́; мир весь умири́, от гла́да и па́губы изба́ви ны и от нападе́ния иноплеме́нных сохрани́ нас; ста́рыя уте́ши, ю́ныя накажи́, безу́мныя умудри́, вдови́цы поми́луй, си́роты заступи́, младе́нцы возрасти́, плене́нныя возврати́, немощству́ющия исцели́ и ве́зде те́пле призыва́ющих тя и с ве́рою притека́ющих к ра́це честны́х и многоцеле́бных моще́й твои́х, усе́рдно припа́дающих и моля́щих ти ся от вся́ких напа́стей и бед хода́тайством твои́м свободи́, да зове́м ти: о Богоизбра́нный па́стырю, звездо́ всесве́тлая мы́сленныя тве́рди, та́йнаго Сио́на необори́мый сто́лпе, миродохнове́нный цве́те ра́йский, всезлата́я уста́ Сло́ва, моско́вская похвало́, всея́ Росси́и украше́ние! Моли́ о нас Всеще́драго и Человеколюби́ваго Христа́ Бо́га на́шего, да в день стра́шнаго прише́ствия Его́ шу́ияго стоя́ния изба́вит нас и ра́дости святы́х прича́стники сотвори́т со все́ми святы́ми во ве́ки. Ами́нь.