قصص عراقيه حقيقيه (منقولة).

امشي البسي انت وزينب -يا وين ماخذ البنات -ابنج كاسر ايد زينب خلي اخذها للدكتور اسويلها اشاعة وين اطي وجهي مشاكلكم كلها ع راسي امشن يله اخذتهم ورحت للدكتور سوالها الدكتور اشاعة كال رضوض ومورمه لازم اصبها اسبوع دكتور عدها دوام اطلبولها اجازه كومي يله نصبها راهب مااريد عفيه اصبها امشي امشي احسلج تطيب باسبوع وترجع طبيعيه ولاتظل العمر كله توجعج دخلتها لغرفة الجبس جبسوها الها بس حي ...

-دكول رقيه راسها يوجعها -هاا طبيت جوه فتحت باب الغرفة شفتها نايمة انعصر كلبي عليها سديت الباب ورحت للمطبخ جنت جوعان فتحت الجدوره لكيت مسوين تمن باكلة ودجاج صبيتلي ماعون وطلعت روبه وخبز من الثلاجة خليتهن بصينيه واجيت بالصاله صادق يلعب اتاري سيكة ولك صادق قريت كتبت لو من المدرسه للاتاري لا لا قريت قريت حجه ناطق والله جذاب من اجه لهسه لازمة اه دكوم لك كوم جيب كتبك وطفيه لا اخذه اضمه ...

#عراقي_الهوى للكاتبة ام مصطفى البارت ١٤ يمةةة عززه العزاك شلون يربي شمسويه بدنياي يعني واحد اخبل من الثاني رجعت ليوره سويت نفسي مو اني همزين مية زينبيات بالمتوسطة وهم الدوام صباحي ومسائي يعني مراح تنعرف منو زينب بس خفت لا يجي واحد من اخواني لو هادي واكيد يعرف بسرعة جريت نفسي وفتت للمدرسة اطكط باصابعي بعدين كلت لحد ينتبه علي واصير موضع شك والمديرة مترحم عدنا رسا دكول جيبوا ولي امركم كعدت ...

صار عندي فضول شكوو كتلهم شكو صرت بنصهن كالوا شوفي شمكتوب مكتوب ع خايط المدرسة زينب والله احبج ومااعوفج وانتي الي وليجوه كاتب سعد يمة صخنت من قريت عزززة العزاك شنو هالاخبال هذا وللحكاية بقية ام مصطفى

-يمة شعليها المدرسة فدوه والله ماطلعت عيونجن اله المدرسة وخابري صاحبتج كليلها اهلي ما قبلوا فهمتي ماعدي رقمها والله وصليلها خبر شلون ماكان ماصارت كعدت ابجي والله ع حضي راسي تعنجر وصفحتي توجعني رقية ولج كتلج لا تلعبين بالنار زينب شفتي شصارلج -والله ماسويت شي يعني اسد عيون الناس لو اجتفة واكله لا تمشي وراي شنو ذنبي اني فهميني الله عليج شذنبي اني دكافي حبيبتي كافي كله من هادي ابد ماتوقعت ...

#عراقي_الهوى للكاتبة ام مصطفى البارت ١٣ امي جلبتلي وين تعرفيه وين شايفته -مااعرفة يوم ع عرف اسماء هي كايله الهم سكتت بس ما مقتنعه امي اعرفها متقتنع بسرعة هادي طلع راغب -وينك يمعود خوش حبستني -ولك ماادري والله هاي انثولت زينب بالخطابة وماكالتلي -خطابة شنو -ذول النسوان جايين يخطبوها -منو -زينب شبيك دمشي امشير -احتركت حرك يعني صدك عدها شي وياه وصدك اجه خطبها بسيطة يعني تعاندني كمت ا ...

بالي يم هادي لو سمع شلون اكيد هسه راغب يكله ام سعد فتحت الموضوع وي امي جايين نخطب بتكم لان صديقت اسماء وتمدح بيها تعالوا واسئلوا علينا ابني سعد الكعدة ومدلل ابوه مدلله مخلص بكلوريوس اداب وتعرفين ماكو تعينات بس ابوه مامقصر وياه مصروفه جاري وهو مرات يطلع وي ابوه ابو سامر تاجر بعلوة جميلة مواد غذائية ومرات سعد يروح يكعد بالمكتب -هلة بيكم عيوني تشرفنا وع راسي بس بتنا تدرس -ميخالف ...

لان احبج مااروح اندل بيتكم واروح لا تخافين امشي من بعيد وراج ياربي شلون شيخلصها درت وجهي وامشي سريع ابد مالتفتت بعد لحد ماوصلت يم بابنا ادك بيه وهو فات من يمي يغمز -😉 باي فتحت الباب امي الحمد لله طبيت وسديت الباب بس ارجف ناطق موجود بالبيت صاحت امي غيري ملابسج لحد مايجي راغب حتى تتغدون الحمد لله راغب بعد مجاي لان هو وهادي نفس الكلية ونفس الخط يداومون لذالك هادي من داوم راغب بعد ماشفت ...

#عراقي_الهوى للكاتبة ام مصطفى البارت ١٢ خلصت الخطبة ع خير وجنت حيل فرحانه شي جديد وتغير بحياتي وكلما اذكر حجايات محمد انت حلو دخلتي كلبي خابريني جنت ابتسم تلقائيا دخلت جوه بغرفتي استحي اطلع اباوع بوجه اخواني وابوي مااعرف ليش نزعت الفستان والبنات اجوي يمي بنات عمي وسكينه وزينب يشاقون سكينه كالت رقيه الله يساعدج خمس احموات يمةة شلون راح تحمليهن وكلهن ممزوجات حق زواج امي سمعتها -سكينه ...

بعدين طلعت للمحل فديوم كاعد ودكت همسه جنت اشرب جكارة من شفت الرقم شمرت جكارتي بالكاع وجاوبت بلهفة -الوو همسة -راهب شلونك -شلوني روحي مفرفحة ع شوفتج -واني هم مشتاقتلك بالعافية ع طلعت اخوانك -الله يعافيج علوية سكتت همسة اريد اشوفج مشتاقلج -شلون تشوفني -هسه راح اجي للدربونه وادك عليج اطلعي -زين لعد انتضرك عزلت المحل وطلعت بوجهي بله تفكير مشاعري الي تقودني اتخيل شكلها طول الطريق ...

#عراقي_الهوى للكاتبة ام مصطفى البارت ١١ من طلعنا الفجر بوجهنا رحنا لمنظمة الهلال الاحمر انطيناهم المساعدات الي جمعناهم وفلوس هماتين خلينا بكل ضرف ٢٥ الف كالوا تره الجماعة بدوا ينزحون والامريكان ناشدة العوائل والاهالي بالنزوح اكو ناس تطلع واكو لا باقين بالفلوجة احنه راح نروح للنازخين هسه الناس الي جاي تطلع اتفقنا وياهم انطونا باجات ويلكات بيها علامة الاهلال الاحمر ع اساس احنه وياهم ط ...

ضاربيه ع عينه ماذيها كولش ضاله تذب جراحه الدكتور تخبل وانطاه علاج وابر وكال تخلي عليه هذا الشاش وعصارات وتتبدل كل ساعة جبت الطريق كله ابوس بيه رجعنا للبيت بعلاكة علاج شكبرها. والحمد لله احس معجزه طلعت اخواني بذاك الوكت الي ياخذوه الامريكان ميطلع اله بواسطة مترجم لو قاضي متعاون وياهم والف الحمد لله ع كل حال بعد اسبوع من طلعت اخواني اتصل بيه فضل كال راهب الامريكان محاصرين الفلوجة وقص ...

واني وراه سويت نفسي مشفته صاح اوكفي درت وجهي خير وين جنتي -وين جنت ششوف بالمدرسة غير -ساعة وحده ونص ليش متأخرة -عدنا دروس اضافيه وانت شعليك ولي امري مثلا -بسيطة زينب لا عبالج غافل عنج جاي اراقب من بعيد لبعيد واتمنى الكفج والله ذبحج ع ايدي -شنو تايهتلك اني شعليك انت ابوي اخوي شعليك -هسه خل اشوف شي اشوفة اني واكفلج بس منتضر يمشي وراج لو اطلعين وياه وشوفي الزلم شسوي وخري مني مااريد اش ...

#عراقي_الهوى للكاتبة ام مصطفى البارت العاشر رقية مرت يومين ع كعدتنا بالبيت استقرينا والحمد لله وخلصنا كول ترتيبات البيت اني وزينب اخذنه الغرفة الجوة بصف غرفة امي وابوي والولد سودة علي الفوك اخذوهن الضهر من رجع راهب من المحل كال اليوم صديقي محمد يجي هو وامة يريد يباركلنه ع البيت الجديد وامه تريد تتعرف علينا امي كالت هلا بيهم رتبت البيت وحضرت عصير وسويت كيكة البرتقال الاسفنجية جنت اس ...

لليل كملنا كولشي الاساسيات والولد كلمن راح لبيته بتنا ابيتنه الجديد والحمد لله رجعنا التمينا بس ناقصتنا لمة اخواني والله حيل اشتاقينا الهم زينب الصبح اخذت صادق ورحنا للمدرسة صعدنا نفرات جانت اكونفرات نصعد تذبنه اباب المدرسه ارتاحيت اشوية من وصلت بسرعة فتت لمحت سعد واكف بالبرد وخال اديه بجيوبه جانت باردة كولش وضباب وهوو من يتنفس يطلع منه دخان خطية بالله هذا شجابرة بهالبرد اكووواحد يعوف ...

نزل المترجم يسئل كناله شالوا محافظات -لا والله -اي والله العظيم ابوي كال روح انت اني هسه اخابر ولد عمك يجون ارجع للبيت واستر علينا -اي والله اكلك سيد هاي الفاتحة المن الي بالساحة -لعموري -يا عموري بس لا الاشكر -ايي هو -شنوو شبيه -البارحة بالليل طالع ع مود يجيب لابنه ملهي يبجي من الاسواق هاي الي ع الشارع والظاهر مشايف الامريكان لان مطفين دبابابتهم وواكفين بنص الشارع هو واصل للعماره يدك ...

#عراقي_الهوى للكاتبة ام مصطفى البارت التاسع راهب بعد كم يوم فرغ البيت الي اخذناه وكلت للبنات حضروا روحكم اخذكم وياي تغسلون البيت وتنضفوه ثاني يوم الصبح رقية زينب كومي يلهو -شكوو شعنج مغبشة علي ولج -يله راهب يكول تروحن وياي واذبجن بالبيت ع مود انظفه -اي هسه بس شويه انام وج دكومي وبعدين ليش اليوم مارحتي لبيت عمو رسن وداومتي ليش غبتي شجاج -مااريد اروح منا لحد منكعد ابيتنا -اكولج من ا ...

رقية وامي للبيت من غبشه حتى يشددن الغراض ويعزلن البيت دخلتهن كتلهم رايح لمحل طلعت من البيت صارت عيني ع بيت السادة باوعت ع ساعتي ساعة سبعة ونص هسه تطلع للدوام بقيت واكف بالركن طلعت شافتني تفاجئة احسها فاتت مني كتلها السلام لله باوعتلي ابتسمت صباح الخير -احلى صباح من مرت شميت ريحة عطرها اويلي تعدت مني ومشت كمت امشي وراها تمشي وتتلفت علي وكفت ع الشارع اصعد اشرتبها بايدي باي ضحكت وردتها ...

والله كتله بس هو يكول احبها وراح ادز اهلي يخطبوها بس يريد يندل بيتكم وج يابيت مو حجيتلج احته متشردين اووو سدي الموضوع امشنه عدنا عربي وست ايمان مترحم الي يتاخر عن درسها راهب الصبح كعدت اخذت ابوي وامي للبيت يشوفوه مريت ع محمد خطيه مقصر عزل المحل مالته واخذنه للبيت وصلنا سلام عليكم عليكم السلام جايينكم ع البيت كالوا عارضي للبيع بس نطب نشوفة الرجال كال تفضلوا دخلنا والله خوش بيت نضيف وبني ...

#عراقي_الهوى للكاتبة ام مصطفى البارت الثامن مع الاسف طلعتي هيج -يعني شنو هيج -يعني وسكت امشي يله لا ابتلي بيج امشي مشيت واني ميته قهر وخوف حاولة ابررله -هادي ترة والله -اسسس صوتج مااسمعة حرامات فكرت بيج بيوم امشي لا ابتلي بيج بالشارع هسه كمت امشي وابجي بسرعة حكم علي بدون ميفتهم مني والله مسويت شي اني ابد وصلت للبيت كال -مااريد احد بعرف بالي صار ومدامني بالبيت لا شوفيني وجهج لحد م ...

صديقاتي التموا عليه الحمد لله ع السلامة وين هالغيبه ضليت اسولف واسلم جرتني اسماء ولج سعد يسئل عليج سعد منو هذا اليمشي وراج وانت شمعرفج بيه الصدك هو ابن خالي صدددك وشيريد مني يسئل لج زينب يكول احبها اموت عليها واني شعلي بيه كوليله هي مدور حببيات المهم سئلج عليج اسماء فدوه تره اني مو من هالنوع التسوي علاقات بالشارع كوليله لا يلحكني بعد فدوه لان ابن عمي ياخذني ويجيبني -ليش مخطوبه انت - ...

#عراقي_الهوى للكاتبة ام مصطفى البارت السابع مر يومين ع روحتنا للقاضي بدينا نجمع فلوس من ولد عمي ومن العشيرة كولها ماجابت نص المبلغ منو نروحله يحلف ماعدي واليساعد اكثر شي ١٠٠ الف ياربي شلون منين نجيب كل يوم يمر احسة سنة واخوتي بالسجن امي عدها كم قطعة ذهب هي والبنات هم باعوهن بس شي قليل ميسد اخر شي ابوي قرر يبيع البيت -يابة شنو السالفة وين نروح -بوية بيتنا جبير نبيعة ونشتري صغير ومجمل ...

شكد فرحنا برجعت راهب واحس الامور تبشر بخير بلكت الله وصدك يطون فلوس ويطلعون الولد بسرعة بسرعة حطينه العشة تعاونه وعدنا امل نسمع بعد اخبار زينه راهب تعشيت بنص اهلي الله يالمةة اهلي لو واحد يفر الدنيا كلها مايلكة مثل لمة الاهل وحضن امي وامان ابوي مااعرف احس كلبي مطمئن ومتفائل بس انقهرت ع اهلي عايفين بيتهم كلت لابوي ليش عفتوا البيت يابه كال رجعوا علينا الاجلاب ذول واني وحدي وي البنات خفت ...

#عراقي_الهوى للكاتبة ام مصطفى البارت السادس راهب طلعت الصبح من المحل وين اروح ماادري امشي بالشارع بدون عرفة حسية روحي محتاج اختلي وي ربي فكرة اروح للنجف بوكتها جانت هم اكو مقاومة هناك بالنجف بس اني ردت اعتكف والكوفة من احد المساجد الثلاثة المستحب الاعتكاف بيها بوجهي لكراج المحافظات واصعد للنجف الظهر وصلت هناك زرت امير المؤمنين علي ع ودعيتة يخلصنا من هاي الشدة بعدها توجهت للكوفة طب ...

منطقتنا انولدنا بيها وبيتنا شلون نعوفة ضلينا للصبح كاعدين ابوي ساعة يلوم ع راهب وساعة يسب امريكا للصبح كاعدين ابوي كال لمن غراضجن التردنها ومشوا لبيت سكينة سكينة اختي كاخذة ابن عمي وبيتها وحدها بدموع عيونا شلنا كم حاجة وطلعنا امي نعت لمن ملت كالت روحي لبيت السادة وصيهم خاف راهب يجي الولد احنه يم اختهم الجبيرة يكللولهم رحت دكيت الباب طلعت همسة شافتني ها رقيه شلونج -شبونا بالضيم -ا ...

#عراقي_الهوى للكاتبة ام مصطفى البارت الخامس محمد رحت اسئل ع راهب وتفاجأة بالي صايرله راهب صاحب فضل علي شلون اردله الفضل والدين ماادري لعنة الله ع امريكا وع الجابها النا ماكو واحد ماتضرر من وراهم شيخلصنا يربي نخلص من واحد تجينه جيوش بداله هسة اسئل منو عليه هواي قهرتني اخته الدمعة طفرت من عينها ودكول منعرف اصدقائة ياريت اندل مكانه اجيبه يمي اني اختلة ابيتنا اذكرت عادل السوالي الجام خا ...

-راهب ماكو ندور عليه وماكو ياريت لو تعرف شي عليه وتسئلنا لان احنه مانعرف احد من اصدقائة -ليش خويه شصار -اجو الامريكان ع راهب بس انهزم واخذوا اخواني بداله وهو كال ماارجع اله ارجعهم وياي للبيت وهاي صار ٣ ايام ماكوو صدك تحجين والله ميستاهل لا حول ولا قوة الا بالله العلي العضيم اترخص اني وراح سريع يمشي عمت عيني خوية راهب كل الناس تحبك ماعدك وجه مكروه وللحكاية بقية ام مصطفى

امي كوة غفت من التعب والبجي نامت سديت عليها الباب وطلعت ضليت بس اني ورقية رقية هسه راهب وين راح ماادري ماادري مصيبه وطاحت ع راسنا يربي هاي وين جانت النا يربي وين مضمومة النا اكولج خابري عليه -اي هسه اخابر سودة علي مبايل راغب ع الشحن جيبيه دكيت عليه مغلق -مغلق ولج بس لا سلم نفسة -اووف اللهم لا نسئلك رد القضاء ولكن نسئلك اللطف فيه الله يساعد كلب امي ع هالمصيبة هاي اكلج اخابر سكينه اكللها ...

#عراقي_الهوى للكاتبة ام مصطفى البارت الرابع سمعت ابوي كال ارتاحيت راهب هاي الردتها خذوا ناطق وراغب غضب الله عليك احس سجين ونبتت بكلبي لو ميت الف موته ولا سمعت هالخبر كتلة شنوو خذو الولد واني باقي طكيتها ركضة رايح الحكهم اسلم نفسي وارجع اخواني صاح ابوي ولك وين رايح لزمني عوفني بوية اخواني اخذوها جريت نفسي وفتحت باب الشارع وركضت امي تصرخ راهب يمةة ارجع واني اصيح بعلو صوتي واركض هاي ان ...

دفعني بغرفة بناته وصاح همسه يويه اكعدي وكعدي خواتج البسن رفعت راسها همسه دنكت بسرعه جانت بله حجاب تناوشت حجاب وخلته شكو بويه كال فوت اختل بالكنتور بسرعة لا سيد خل اطلع الهم -بويه ذول يهود يكتلوك الامريكان فوت ماكو وقت باب الترك يدك امهم كالت فوت يمةة فوت امريكان ذول الله ميعرفوه لا جاي اكلف عليكم همسه صاحت لا عفيه تعال فوت ركضت فتحت باب الكنتور وتاشرلي بتوسل فوت حسيت راح اورطهم دخل ...

-اي والله الساعة ١٢ بالليل يكعدني يريد جاي -شعدك ولك -مو يخلص افلام Mbc2 ع ايدة -دولي لج -اي رايحة حجيت الصدك ضجت مني عفتهم وطلعت كمت افتر شلون افوت الهم بعد رجعت يم رقية -ها رجعتي علي -طردني راغب خب حضي -وج اكعدي لا يشكون بيج التهي بدروسج -قابل شمسويه هي بس نظرات -اي والله لو ينتبهون للنظرات يفكسون عيونج وعيونه تلحكين ع الزواج بعدج صغيرة -ليش هو بيدي حقج ممجربه كلبج من يدك شمرت ...

#عراقي_الهوى للكاتبة ام مصطفى البارت الثالث صارت عيوني براسي شكد فشلت من محمد بودي الزمها املخها هسة شيكول الولد علي اخواتة لازمات الباب اني لج شافتني وانهزمت جوه وهاي العلوية ضلت واكفة تتلفت وصلت يمها تفضلي -لا بس جنت جاية اخيط -عدنا بيت واحجن جوه مو حلوة وكفتجن بالباب وخزرتها احسها فشلت مني كالت مشكور ودارت وراحت كتله فوت محمد فوت لا سويلي طريق طبيت جوه وينكم رقية:- سمعت صوت ...

اي البارحة من راغب كالت خميس اجي اي هلة بيها دناوشيني علاكتي خل اروح للسوك اخذت امي علاكتها وراحت بقيت وحدي بالبيت الولد بالمدرسة وزينب هم كمت شلت الفراش ونظفت ورجعت اخيط الى ان اجت امي كمت عزلت المسواك امي وكفت تركب اندك الباب طلعت افتحة منوو اني فتحته شفت بنت جيرانة الجدد همسة هلة حبيبتي تفضلي لا حبي اشكرج اكلج اريد اخيط برنسيسة كلوش شكد اجيبلج قماش ها اذا كلوشة عريضة جيب ...

اليوم اكسرك تكسر شوفلك بيت يلفيك بي انه تقشمرني وتطلع من باب الترك بسيطة ترد لولا وسدة بوجهي فضل ضحك اويلي شيخلصنا من الحجي ابوك اليوم -عادي متعود يوميه يهددني هو -الله يساعدة صدك شغلتنه صعبة ويخاف عليك اكيد من حركة كلبة هيج يحجي -اي اعرف ....... رقية طلع راهب زينب :- اي طلع -يبووي شيخلصنا اليوم من ابوي هوومكابل الباب وكاعد -الله اليستر والله خطية راهب تره هو ممسوي شي كل الدول والبل ...

#عرقي_الهوى للكاتبة ام مصطفى البارت الثاني انهجم بيتي منين اسدد فلوس المبايلات منو يعوضني -صدك جذب لا تنقهر حمودي احنه كولنا اخوتك ونساعدك -رحم الله والديك متقصر -شكد تكلف فلوس الجامخانه علي جيب واحد يشتغلها الك واني ادفع -لا يمعود شنو ذنبك انت اسلم المحل لبو الايجار واطلع والي الله لعنةةالله ع امريكا وع الي جابهم علينا محصلنا من طبتهم غير الدمار والخراب لا ويجي واحد يكلك خلصوك من صد ...

مرحبا حبايب طبعاً اسفه ع التأخير بس ان شاء الله منا وهيج راح ابدي انزللكم من قصص ام مصطفى لان اكثر كاتبه احبها واحب قصصها هي أم مصطفى يعني روووعه قصصها تخبل وانتو هم راح تقرون قصصها ومتأكده راح تعجبكم 🦋 𝚉𝙰𝙷𝚁𝙰𝙰

اي صار تدلل -رحم الله والديكم بوية كمنا انزل بالاغراض ونخلي بالحوش فرغنا السيارة وصعدنا وياه جبنه بقية الغراض وهم نزلناهن لبيت كام يشكر السيد مني -لا سيد صدك جذب حق الجورة والرسول ص موصي بسابع جار -والنعم منكم بويه اعرفكم من زمان واعرف ابوك وامك ناس اوادم -رحم الله والديك اني اترخص هاا والوالدة دكول لا يفكرون بالغدة مسوية غدة هي الكم -متقصرون الله يكثر من امثالكم طلعت الركن اتمشى صعدت ...

-اي ام راهب للصبح تتكلب ع الفراش ام راهب ياهو بحالها ياهو يكول عندي ام تخاف علي -ليش يمة انت الخير والبركه شعدنا غيرج يوم ازمة وتعدي طلعت خبزه مكسية وطكاك بيها مدوره وريحتها تجنن خليها يمج بس اغسل وجهي جانت مغسلتنه قريبه ع باب الحوش واني مخلي بردة وره باب الحوش مرات يجونه جهال اختي سكينه ويفتحون الباب ع حيله والبنات شغلهن اكثرة بالحوش فدكيت بردة حتى خاف ينفتح الباب البردة تغطيهم رفع ...

مساء الخير متابعيني الاعزاء ابدي وياكم بقصة جديدة وفريدة من نوعها تحكي عن العراق ومامر بيه من بعد سنة ٢٠٠٣ الى يومنا هذا القصة حقيقية تعود لشخص عراقي الهوه وهو اختار اسم القصة قبل لا ابدي القصة احب اكرر اني ناقلة قصص حقيقية اضيف حوارات احساس اما الاحداث حقيقيه وثابته متتغير لذالك ارجو الانتباه #عراقي_الهوى للكاتبة ام مصطفى البارت الاول مديت واير ودفنتة ع طول الشارع وشكلتة بعبوة ناسف ...