قصص عراقيه حقيقيه (منقولة).

ﻛﻞ ﻋﻘﻠﺞ ﺍﺧﺬ ﻭﺣﺪﻩ ﻣﺜﻠﺞ ﻣﻌﻘﻮﻗﻪ ﻻﺑﻨﻲ ﻭﻛﻮﻣﻪ ﺑﻨﺎﺕ ﻳﺘﻤﻨﻦ ﻣﻦ ﻛﺮﺍﻳﺒﻲ ﻟﻮﺗﻈﻠﻴﻦ ﺑﺲ ﺍﻧﺘﻲ ﺍﻡ ﺍﻟﻮﻟﺪ ﺗﻀﺤﻜﻴﻦ ﻋﻠﻴﻬﻢ ﺟﻨﺖ ﺍﺷﻮﻓﺞ ﻣﻦ ﺗﺠﻴﻨﻪ ﻃﻠﻌﺘﻲ ﺗﺨﺮﺑﻴﻦ ﻋﻠﻴﻬﻢ .. ﺷﺠﻦ .. ﺍﻋﺘﺮﻑ ﺍﻧﻲ ﺟﺒﺎﻧﻪ ﻭﺿﻌﻴﻔﻪ ﻛﻮﻩ ﺟﻤﻌﺖ ﺍﻟﻜﻠﻤﺎﺕ ﻭﻛﺘﻠﻬﻪ ﻣﺎ ﺍﺳﻤﺤﻠﺞ ﺗﺤﺠﻴﻦ ﻫﻴﺞ ﻭﻳﺎﻱ ﻭﺍﺋﻞ ﻫﻮ ﺣﻘﻴﺮ ﻭﻋﻴﻨﻪ ﺯﻓﺮﻩ ﻭﺧﻼﻫﻪ ﻉ ﻃﻔﻠﻪ ﺟﻨﺖ ﻛﻠﺸﻲ ﻣﺎ ﺍﻋﺮﻑ .... ﻗﺎﻃﻌﺘﻨﻲ ﻭﻣﺎﺧﻠﺘﻨﻲ ﺍﻛﻤﻞ ﻛﺎﻟﺖ ﻫﺬﺍ ﺍﻟﺤﺠﻲ ﺍﺣﺠﻲ ﻻﺑﻮﺝ ﻟﻮﺍﻧﺘﻲ ﻟﻮ ﺍﺣﻨﻪ ﺑﺎﻟﻤﻨﻄﻘﻪ ﺑﻌﺪﻣﺎ ﺍﺳﻜﺖ ... ﺷﺠﻦ .. ﺧﻔﺖ ﺣﻴﻞ ﻭﻳﺠﻮﺯ ﺗﺘﻬﻤﻨﻲ ﻭﻳﺠﻮﺯ ﻭﺍﺋﻞ ﻳﺤﺠﻴﻠﻬﻢ ﺷﻲ ﻭﻳﺠﻮﺯ ﻏﻴﺚ ﻳﺘﺎﺫﻯ ﻣﺎ ﺍﻋﺮﻑ ﺷﺴﻮﻱ ﺑﺲ ﻛﺘﻠﻬﻪ ﺻﺪﻙ ﻣﺎﺗﺴﺘﺤﻮﻥ ﺗﺪﺭﻳﻦ ﺑﺎﺑﻨﺞ ﻫﻴﺞ ﻋﻴﻨﻪ ﻭﺟﺎﻳﻪ ﺗﻬﺪﺩﻳﻨﻲ؟؟ ﺷﻮﻫﺎﻱ ﻋﺎﻃﺖ ﺑﻴﻪ ﻭﺩﻙ ﺭﺯﺍﻳﻞ ﻭﺗﺮﻳﺪ ﺩﻛﻮﻡ ﺗﻀﺮﺑﻨﻲ ﻭﻓﺸﺮﺍ ﻋﻠﻴﻪ ﻭﺍﻧﻲ ﺭﺟﻠﻴﻪ ﻣﺎﺗﺴﺎﻋﺪﻧﻲ ﻛﻮﻩ ﺟﺮﻳﺖ ﺍﻟﻌﻜﺎﺯ ﻭﻭﻛﻔﺖ ﺑﺲ ﻧﻘﺬﺗﻨﻲ ﻗﺒﺲ ﺍﻟﻲ ﻃﻠﻌﺖ ﻉ ﺻﻮﺗﻬﻪ ... ﺑﺲ ﺟﺎﻧﺖ ﻛﻤﻴﻪ ﺍﻟﻔﺸﺎﺭ ﻣﺎﻳﻠﺒﺲ ﻋﻠﻴﻬﻪ ﺛﻮﺏ ﺣﺘﻪ ﺳﺪﻳﺖ ﺍﺫﺍﻧﻲ ﻣﺎﺭﻳﺪ ﺍﺳﻤﻌﻬﻪ ﻭﺍﻛﻮ ﺷﻐﻼﺕ ﻣﺎﻓﻬﻤﺘﻬﻪ ﺷﺘﻘﺼﺪ ﺑﻴﻬﻪ ﻣﺘﻌﺠﺒﻪ ﺷﻠﻮﻥ ﻛﺪﺭﺕ ﺗﻨﻄﻘﻬﻦ .. ﺑﺲ ﻧﻘﺬﺗﻨﻲ ﻗﺒﺲ ﺍﻟﻲ ﻃﻠﻌﺖ ﻣﻦ ﺍﻟﻐﺮﻓﻪ ﻭﺟﺎﻭﺑﺘﻬﻪ ﻭﻟﻮﺗﻈﻞ ﻋﻠﻴﻪ ﺗﺎﻛﻠﻨﻲ ﻭﻣﺎﻋﺮﻑ ﺷﺤﺠﻲ . ﻗﺒﺲ ... ﻣﻦ ﺭﺧﺼﺘﺞ ﺧﺎﻟﻪ ﻭﻳﻦ ﻛﺎﻋﺪﻩ ﺍﺑﻴﺖ ﻟﻮﺧﺎﻥ ﺟﻐﺎﻥ ﺷﻨﻮ ﻫﺎﻟﻔﺸﺎﺭ ﻫﺬﺍ ﻣﻮﻣﺜﻞ ﺑﻨﺎﺗﺞ ﻫﻲ ﻣﻮﻋﻴﺐ ﺗﻘﺒﻠﻴﻦ ﻭﺣﺪﻩ ﺗﺘﺠﺎﻭﺯ ﻉ ﺑﻨﺘﺞ؟؟ ﺍﻡ ﻭﺍﺋﻞ .. ﺍﻣﺸﻲ ﺍﻧﺘﻲ ﺍﻟﺜﺎﻧﻴﻪ ﺑﻨﺖ ﺳﻤﻴﻪ ﺍﻟﺐ ...... ﺟﺎﻳﻪ ﺗﻌﻠﻤﻨﻲ ﺍﻟﻌﻴﺐ .. ﻗﺒﺲ .. ﺍﺣﺘﺮﻣﻲ ﻧﻔﺴﺞ ﻻ ﻭﺣﻖ ﺍﻟﻠﻪ ﺍﺳﻤﻌﺞ ﺷﻲ ﺍﺧﻠﻴﺞ ﺗﺴﺘﺤﻴﻦ ﻉ ﺷﻴﺒﺎﺗﺞ ﺍﻣﻲ ﻧﺎﻳﻤﻪ ﺑﻜﺒﺮﻫﻪ ﺷﻨﻮ ﻫﺎﻱ ﺍﻟﻨﻔﺴﻴﻪ ﺍﻟﻲ ﻋﻨﺪﺝ ﻭﺗﻔﺸﺮﻳﻦ ﻋﻠﻴﻬﻪ ﻳﻤﺞ ﻋﺎﺷﺖ ﻭﻳﺎﺝ؟؟ ﻭﻭﺍﻛﻔﻪ ﺑﻨﺺ ﺑﻴﺘﻨﻪ ﻭﺗﻬﺪﺩﻳﻦ ﺑﻴﻬﻪ ﻭﺗﻔﺸﺮﻳﻦ ﻣﺮﻩ ﺟﺒﻴﺮﻩ ﺍﻧﺘﻲ ﻭﺍﻟﻠﻪ ﺍﻟﻌﻈﻴﻢ ﺍﺫﺍ ﻣﺎﻃﻠﻌﺘﻲ ﺑﻜﺮﺍﻣﻪ ﻫﺴﻪ ﺍﺳﻮﻱ ﺳﻮﺍﻳﺎﺕ ﺍﺧﻠﻴﺞ ﻃﻮﻝ ﻋﻤﺮﺝ ﺗﺬﻛﺮﻳﻬﻪ ... ﺍﻡ ﻭﺍﺋﻞ ... ﻃﺎﺡ ﺣﻆ ﻫﺎﻟﺘﺮﺑﻴﻪ ﺍﻟﺴﻔﺮﻩ ﺍﻟﻲ ﺗﺨﻠﻴﺞ ﺗﺤﺠﻴﻦ ﻭﻳﻪ ﻣﺮﻩ ﺟﺒﻴﺮﻩ ﻫﺎﻟﺤﺠﻲ .. ﻗﺒﺲ .. ﺍﻟﻤﺮﻩ ﺍﻟﺠﺒﻴﺮﻩ ﺗﻜﻮﻥ ﻣﺤﺘﺮﻣﻪ ﻣﻮ ﺗﺤﺠﻲ ﻛﻼﻡ ﻣﺎﻳﻨﻜﺎﻝ ﻟﺒﻨﺖ ﺑﻴﺖ .. ﺍﻡ ﻭﺍﺋﻞ ... ﺭﺍﻳﺤﻪ ﺍﻧﻲ ﺑﺲ ﺍﻧﻄﻴﻨﻲ ﺻﺒﺮ ﺍﻻ ﺍﻫﺪﻡ ﺍﻟﺒﻴﺖ ﻉ ﺭﺍﺳﺞ ﻳﺎﺷﺠﻦ ﻭﺍﻧﻲ ﺍﻟﻲ ﻭﺍﻛﻔﻪ ﻭﺭﺍ ﻭﺍﺋﻞ ﻫﺎﻟﻤﺮﻩ ﺍﻻ ﺍﺧﻠﻲ ﻳﺸﻮﻑ ﺷﻐﻠﻪ ﻭﻳﺎﺝ؟؟ ﺷﺠﻦ .. ﻃﻠﻌﺖ ﻭﻃﺒﻜﺖ ﺍﻟﺒﺎﺏ ﻭﺭﺍﻫﻪ ﺍﻟﺘﻔﺘﺖ ﻗﺒﺲ ﻋﻠﻴﻪ ﻛﺎﻟﺖ ﺷﻨﻮ ﺍﻟﺴﺎﻟﻔﻪ ﺷﺒﻲ ﻫﺬﺍ ﻭﺍﺋﻞ ﻣﺪﺭﻱ ﻧﻌﺎﻝ ﺷﻮ ﺗﻬﺪﺩ ﺑﻴﻪ ﺧﺎﻑ ﺣﺎﺑﺴﺘﻪ ﻓﺪ ﺷﻲ ... ﺷﺠﻦ .. ﻣﺎﻛﻮ ﺷﻲ ﻣﺎﻳﺮﻳﺪﻧﻲ ﺍﺗﺰﻭﺝ ﺍﺧﻮ ﻭﻣﺤﺎﺭﺑﻴﻨﻲ ﻋﻔﻴﻪ ﻻﺗﺤﺠﻴﻦ ﻻﺣﺪ ﺟﻨﺖ ﺍﺣﺠﻲ ﻭﺍﺭﺟﻒ ﻭﻫﺎﻟﻤﺮﻩ ﻣﻮﻣﺜﻞ ﻛﻞ ﻣﺮﻩ ﺍﺭﺟﻒ ﻣﺎﺍﺳﻴﻄﺮ ﻉ ﻧﻔﺴﻲ ﻭﺷﻲ ﺑﺪﺍﺧﻠﻲ ﻣﺎﻋﺮﻑ ﺍﻭﺻﻔﻪ ﻗﺒﺲ .. ﺷﺠﻦ ﺍﺣﺠﻲ ﺷﺒﻴﺞ ﺍﺳﺎﻋﺪﺝ ﻻﺗﻈﻠﻴﻦ ﺳﺎﻛﺘﻪ ﺷﻮ ﺟﺎﻳﻪ ﺗﻬﺪﺩ ﻭﻛﻔﻴﻬﻪ ﻋﻨﺪ ﺣﺪﻫﻪ ﺗﺪﺭﻱ ﺑﻴﺞ ﻓﻘﻴﺮﻩ ﻭﻣﺴﺘﻐﻠﻪ ﺿﻌﻔﺞ ... ﺷﺠﻦ .. ﻋﻔﻴﻪ ﺳﺪﻱ ﺍﻟﻤﻮﺿﻮﻉ ﺭﺍﺡ ﺍﺭﻭﺡ ﺍﻧﺎﻡ ﺑﺲ ﺍﺭﻳﺪ ﺍﻫﺮﺏ ﺍﺭﻳﺪ ﺍﺧﻠﺺ ﻣﻦ ﻫﺬﺍ ﺍﻟﺸﻌﻮﺭ ﺍﻟﻲ ﺑﺪﺍﺧﻠﻲ ﻭﻫﺎﻟﻤﺮﻩ ﻣﺎﺭﺍﺳﻠﺖ ﻏﻴﺚ ﺑﺴﺮﻋﻪ ﻧﻤﺖ ... ﻛﻌﺪﺗﻨﻲ ﻗﺒﺲ ﻗﺒﻞ ﺍﻻﺫﺍﻥ ﺍﻛﻌﺪﻱ ﺷﺠﻦ ﺍﺑﻮﺝ ﻭﻋﻤﺞ ﻋﺎﻣﺮ ﻳﺮﻳﺪﻭﺝ ﻭﻳﻜﻮﻝ ﺧﻠﻲ ﺍﺗﺠﻴﺐ ﺗﻠﻴﻔﻮﻧﻬﻪ ﻛﻮﻣﻪ ﺑﺴﺮﻋﻪ ﺍﺫﺍ ﻋﻨﺪﺝ ﺷﻲ ﻣﻦ ﻏﻴﺚ ﺍﻣﺴﺤﻲ .. ﺷﺠﻦ .. ﺍﻧﻬﺒﻄﺖ ﻫﺒﻄﻪ ﺑﺲ ﺍﻟﻠﻊ ﻳﺪﺭﻱ ﺑﻴﻬﻪ ﺑﺪﻭﻥ ﺷﻌﻮﺭ ﻭﺍﻟﺨﻮﻑ ﻣﺴﻴﻄﺮ ﻋﻠﻴﻪ ﻣﺴﺤﺖ ﻛﻞ ﺍﻟﺮﺳﺎﺋﻞ ﺣﺘﻪ ﻣﺎﻝ ﺍﻟﺸﺮﻛﻪ ﺍﻧﻄﻴﺖ ﻣﺴﺢ ﻟﻠﻜﻞ ... ﺍﺭﻳﺪ ﺍﻛﻮﻡ ﺍﻭﺻﻞ ﻟﻠﺒﺎﺏ ﻭﺍﺭﺟﻊ ﺍﻛﻴﺪ ﻋﺪﻫﻢ ﺷﻲ ﺍﻭﻝ ﻣﺮﻩ ﺑﺎﺑﺎ ﻳﻄﻠﺐ ﺗﻠﻴﻔﻮﻧﻲ ﺍﻛﻴﺪ ﺣﺠﺘﻠﻬﻢ ﺷﻲ ﺟﺎﻧﺖ ﻗﺒﺲ ﻭﻳﺎﻱ ﻭﻫﻲ ﺍﻃﻤﻨﻲ ﻻﺗﺨﺎﻓﻴﻦ ﺑﺲ ﺧﻮﻑ ﺑﺪﺍﺧﻠﻲ ﻣﻮﻃﺒﻴﻌﻲ .. ﺭﺣﺖ ﻟﻜﻴﺖ ﺑﺎﺑﺎ ﻭﻋﻤﻮ ﻛﺎﻋﺪﻳﻦ ﻭﻣﺎﻣﺎ ﻛﺎﻟﻮ ﺗﻌﺎﻟﻲ ﻭﺟﻴﺒﻲ ﺍﻟﺘﻠﻴﻔﻮﻥ ﻣﺪﻳﺖ ﺍﻳﺪﻱ ﺍﻧﻄﻴﺘﻪ ﻟﺒﺎﺑﺎ ﻭﺍﻳﺪﻱ ﺗﺮﺟﻒ .. ﻋﺎﺩﻝ .. ﺷﺒﻴﺞ ﺑﻨﺘﻲ ﻟﻴﺶ ﺗﺮﺟﻔﻴﻦ؟؟ ﺍﻡ ﺑﺸﺎﺭ .. ﻫﻲ ﺻﺎﺭ ﻣﺪﻩ ﻫﻴﺞ ﻣﻮﻛﺘﻠﻚ ﻳﺮﺍﺩﻟﻬﻪ ﻣﺮﺍﺟﻌﻪ ﻟﻄﺒﻴﺒﻬﻪ ﺑﻠﻜﻲ ﻳﻨﻄﻴﻬﻪ ﻋﻼﺝ .. ﻋﺎﺩﻝ .. ﺑﻨﺘﻲ ﺍﻧﻲ ﺭﺑﻴﺘﺠﻦ ﻭﺗﻌﺒﺖ ﻋﻠﻴﺠﻦ ﻭﻣﺎﻳﻮﻡ ﻗﺼﺮﺕ ﻭﻳﺎﺟﻦ ﻭﻻ ﺍﺳﻤﺢ ﻟﻮﺍﺣﺪ ﻳﺤﺠﻲ ﻋﻠﻴﺠﻦ ﻭﺧﺎﺻﻪ ﺍﻧﺘﻲ ﻻﻥ ﻭﺿﻌﺞ ﻳﺨﺘﻠﻒ ... ﺑﺲ ﻣﺎﻝ ﻳﺠﻴﻨﻲ ﻭﺍﺋﻞ ﻭﻳﺸﻤﺮ ﻛﻼﻡ ﺫﻡ ﺑﺤﻘﺞ ﻫﺎﻱ ﻣﺎ ﺍﺭﺿﺎﻫﻪ ﺍﻧﻲ ﺍﺑﻮﺝ ﺍﺣﺠﻴﻠﻲ ﺍﻟﺼﺪﻙ ﻭﻻﺗﺨﻠﻴﻦ ﺍﻟﺸﻚ ﻳﻨﺰﺭﻉ ﺑﻴﻨﺎﺗﻨﻪ ﻭﻫﺎﺍﺍ ﺑﺸﺎﺭ ﻣﺎﻳﺪﺭﻱ ﻻﻥ ﻣﺎﺭﻳﺪ ﺗﻮﺻﻠﻪ ﻭﺗﻌﺮﻓﻴﻦ ﺍﺧﻮﺝ ﺷﻜﺎﻙ ... ﺷﺠﻦ .. ﺣﺠﻴﺖ ﺑﺘﻌﻠﺜﻢ ﺷﻨﻮ ﺻﺎﻳﺮ ﺑﺎﺑﺎ ؟؟ ... ﻭﺍﺋﻞ ﺟﺎﺑﻠﻲ ﺭﺳﺎﺋﻞ ﺑﺎﻥ ﺍﻧﺘﻲ ﻋﻨﺪﺝ ﻋﻼﻗﻪ ﺑﺼﺪﻳﻘﻪ ﺍﻧﻲ ﻻ ﺍﺟﻴﺖ ﻫﺪﻳﺖ ﻋﻠﻴﺞ ﻭﻻﺿﺮﺑﺘﺞ ﻻﻥ ﺍﻋﺮﻑ ﺗﺮﺑﻴﺘﻲ ﺷﻨﻮ ﺑﺲ ﺍﺭﻳﺪ ﺍﻋﺮﻑ ﺍﻟﺼﺪﻙ ﻭﻳﻦ ﻭﺷﻠﻮﻥ ﻭﺻﻠﺖ ﻫﻴﺞ ﺭﺳﺎﺋﻞ ﺍﻟﻪ ﻭﻫﺎﻱ ﻛﺪﺍﻡ ﻋﻤﺞ ﺻﺎﺭ ﺍﻟﺤﺠﻲ .. ﺷﺠﻦ ... ﺑﺎﺑﺎ ﺟﺬﺏ ﻭﺍﻟﻠﻪ ﻣﺎﻋﻨﺪﻱ ﻫﻴﺞ ﺍﻧﻲ ﻭﻳﻦ ﺍﻋﺮﻑ ﺻﺪﻳﻘﻪ ﻭﺍﺻﻼ ﻣﺎ ﺍﻃﻠﻊ ﻣﻦ ﺍﻟﺒﻴﺖ ﺑﺎﺑﺎ ﻭﺍﻟﻘﺮﺍﻥ ﺟﺬﺍﺏ ﻭﻛﻤﺖ ﺍﺑﺠﻲ ﻣﺎ ﺍﺗﺤﻤﻠﺖ ﻫﻴﺞ ﺗﻬﻤﻪ .. ﻋﺎﻣﺮ ... ﺷﺠﻦ ﻻﺗﺒﺠﻴﻦ ﺭﺑﻴﻨﺎﺝ ﺍﺣﺴﻦ ﺗﺮﺑﻴﻪ ﻭﻋﺎﺭ ﻋﻠﻴﻨﻪ ﺍﻧﺸﻚ ﺑﻴﺞ ﺑﻜﺪ ﺍﻟﺸﻌﺮﻩ ﺑﺲ ﻳﺎﺑﻮﻳﻪ ﺭﺳﺎﺋﻞ ﻣﻦ ﺧﻄﺞ ﺷﻮﺻﻠﻬﻦ ﻟﻮﺍﺋﻞ ﺍﻛﻌﺪﻱ ﻭﺍﺣﺠﻴﻠﻨﻪ ﺟﺎﻱ ﻭﻳﺴﻮﻱ ﺑﻄﻮﻻﺕ ﺑﺮﺍﺳﻨﻪ ﻣﺎﻧﻘﺒﻠﻬﻪ ﺍﺣﻨﻪ ﻭﺍﻟﻴﻮﻡ ﻫﺎﻱ ﺑﺎﺟﺮ ﺍﻛﺒﺮ ﻣﻨﻬﻪ .. ﺷﺠﻦ .. ﻋﻤﻮ ﻭﺍﻟﻠﻪ ﻣﺎﻋﻨﺪﻱ ﺷﻲ ﻫﺬﺍ ﺗﻠﻴﻔﻮﻧﻲ ﻳﻤﻜﻢ ﻭﺍﻟﻠﻪ ﻣﺎ ﺍﻋﺮﻑ ﻣﻨﻮ ﺩﺍﺯ ﺍﻧﻲ ﻣﺎﺳﻮﻱ ﻫﻴﺞ ﻭﺍﻟﻠﻪ ﻣﻮﺍﻧﻲ ﺍﺣﺲ ﺑﻼﻋﻴﻤﻲ ﺭﺍﺡ ﻳﻄﻜﻦ ﻭﻛﻤﺖ ﻣﺎ ﺍﺳﻴﻄﺮ ﻋﻠﻰ ﻧﻔﺴﻲ ﺍﻧﺘﺒﻬﻮ ﻋﻠﻴﻪ ﻛﺎﻝ ﺑﺎﺑﺎ ﻟﻤﺎﻣﺎ ﻛﻮﻣﻲ ﺍﺧﺬﻳﻬﻪ ﻭﻋﻮﻓﻲ ﺗﻠﻴﻔﻮﻧﻬﻪ ﻳﻤﻨﻪ ... ﺑﺲ ﻛﻮﻣﺘﻨﻲ ﻣﺎﻣﺎ ﻭﻛﻌﺖ ﺑﺲ ﻣﺎﺍﻧﻐﻤﻪ ﻋﻠﻴﻪ ﺍﺭﺟﻒ ﻣﺜﻞ ﺍﻟﺴﻌﻔﻪ ﻭﺍﺟﺎﻫﻪ ﺍﻟﺮﻳﺢ ﺍﺳﻤﻊ ﺻﻮﺕ ﺍﺳﻨﺎﻧﻲ ﻭﻫﻲ ﻃﻚ ﻭﺍﺣﺪ ﺑﺎﻟﺜﺎﻧﻲ ﺑﺎﺑﺎ ﻭﺍﻛﻒ ﻉ ﺭﺍﺳﻲ ﻭﻋﻤﻮ ﻭﻣﺎﻣﺎ ﺗﺼﻴﺢ ﺍﺳﻢ ﺍﻟﻠﻪ ﺑﺲ ﺍﺣﺲ ﻧﻔﺴﻲ ﻣﺬﻧﺒﻪ ﻭﺭﺍﺡ ﺍﺗﻌﺎﻗﺐ ... ﺻﺎﺣﺖ ﻣﺎﻣﺎ ﻗﺒﺲ ﺗﻌﺎﻟﻲ ﺑﺴﺮﻋﻪ ﻭﺍﺟﺖ ﻗﺒﺲ ﻫﻲ ﻭﻣﺎﻣﺎ ﻛﻮﻣﻨﻲ ﻭﺍﺧﺬﻧﻲ ﻟﻠﻐﺮﻓﻪ ﻭﺭﺟﻠﻴﻪ ﺗﺴﺤﻞ ﺑﺎﻟﻜﺎﻉ ﻭﺑﻴﺒﻲ ﻃﻠﻌﺖ ﻣﻦ ﻏﺮﻓﺘﻬﻪ ﺗﺼﻴﺢ ﺷﺒﻴﻬﻪ ﺷﺠﻦ ﻣﻨﻮ ﻭﻳﺎﻫﻪ ...