قصص عراقيه حقيقيه (منقولة).

ﻳﺠﻲ ﻉ ﻋﻤﺮ ﻭﺍﺷﻮﻓﻪ ﺑﺲ ﻛﻌﺪﻩ ﻭﺳﻮﺍﻟﻒ ﻣﺎﻛﻮ ﻻ ﺑﺎﻟﻜﻠﻴﻪ ﻭﻻﻣﻦ ﻳﺠﻲ ﺍﺑﻴﺘﻨﻪ ﺑﺲ ﺍﻟﻨﻈﺮﺍﺕ ﺑﻴﻨﺎﺗﻨﻪ ﻭﻣﺮﺍﺕ ﺍﻓﺘﺤﻠﻪ ﺍﻟﺒﺎﺏ ﻳﺴﺎﻟﻨﻲ ﺷﻠﻮﻧﺞ ﻏﻴﺮ ﻫﺎﻟﻜﻼﻡ ﻣﺎﻛﻮ ... ﺑﻴﻮﻡ ﻣﻦ ﻋﺪﻫﻦ ﺍﺟﺘﻨﻪ ﻣﺮﺕ ﺧﺎﻟﻲ ﺍﻡ ﻭﺍﺋﻞ ﻛﺎﻋﺪﻩ ﻭﺗﺤﺠﻲ ﻣﺮﺕ ﻭﺍﺋﻞ ﺗﻌﺒﺖ ﺧﻄﻴﻪ ﻭﺣﺪﻫﻪ ﻭﺟﻬﺎﻟﻬﻪ ﻫﻮﺍﻱ ﻭﺍﺗﻮﺳﻞ ﻟﻐﻴﺚ ﻳﻮﻡ ﺷﻤﻨﺘﻈﺮ ﻟﻴﺶ ﻣﺎﺗﺘﺰﻭﺝ ﻋﺎﺩ ﻭﺍﺋﻞ ﻳﻄﻠﻊ ﺍﺑﻴﺖ ﻭﺣﺪﻩ ﻭﺍﻧﻲ ﻭﻳﺎﻙ ﻧﻈﻞ ﻫﻨﺎ ... ﺍﻡ ﺑﺸﺎﺭ .. ﺍﻱ ﻭﺍﻟﻠﻪ ﺍﺷﻮﻓﻬﻪ ﺑﺲ ﺗﺮﻛﺾ ﻟﻠﺸﻐﻞ ﻭﺍﻟﺠﻬﺎﻝ ﺷﺠﺎ ﻭﺍﺋﻞ ﻭﻳﺎﻫﻪ ﻣﺎﻳﻄﻠﻌﻬﻪ ﺍﺑﻴﺖ ﻭﺍﻧﺘﻲ ﻭﻏﻴﺚ ﻭﺣﺪﻛﻢ ﻭﻫﻮ ﻫﻢ ﻣﺎﻳﻘﺼﺮ ﻋﻨﻜﻢ ﻭﺑﻌﺪﻳﻦ ﻏﻴﺚ ﺭﺍﺗﺐ ﻭﺍﻧﺘﻲ ﻋﻨﺪﺝ ﺗﻘﺎﻋﺪ ﺍﻟﻤﺮﺣﻮﻡ ﻳﻌﻨﻲ ﻣﺎﺗﺤﺘﺎﺟﻮﻥ ﺑﻌﺪ ﺧﻠﻲ ﻳﺮﺣﻢ ﻫﺎﻱ ﺍﻟﻤﺴﻜﻴﻨﻪ .. .. ﻭﺍﻟﻠﻪ ﻳﺪﺍﺩﻩ ﻟﻮﺗﺸﻮﻓﻴﻬﻪ ﻣﺮﺍﺕ ﺗﻜﻌﺪ ﺗﺒﺠﻲ ﻭﺍﺑﺠﻲ ﻭﻳﺎﻫﻪ ﺳﺎﻛﻤﻬﻪ ﺳﻜﻢ ﻭﺍﺋﻞ ﺍﻻﺳﺒﻮﻉ ﺍﻟﻲ ﻳﺠﻲ ﺑﻴﻬﻪ ﻳﺮﻛﻀﻬﻪ ﺗﺮﻛﺾ ﻃﻠﺒﺎﺗﻪ ﻣﺎﺗﺨﻠﺺ ﻭﺟﻬﺎﻟﻪ ﻛﺒﺮﻭ ﻭﻭﻛﺤﻴﻦ ﺑﺲ ﺗﺘﺬﻣﺮ ﻳﻜﻮﻡ ﻋﻠﻴﻬﻪ ﻳﻜﺘﻠﻬﻪ .. ﺍﻡ ﺑﺸﺎﺭ ... ﻟﻴﺶ ﻫﻴﺞ ﺻﺎﻳﺮ ﺷﻮ ﻭﺍﺋﻞ ﺟﺎﻥ ﻋﻠﻢ ﺑﻴﻦ ﺟﻴﻠﻪ ﻭﻛﻠﻨﻪ ﻧﻤﺪﺡ ﺑﻲ ﺷﺒﻲ ﺗﺎﻟﻲ ﻭﻛﺖ ﺗﺨﺒﻞ ﻉ ﺍﻟﺒﻨﻴﻪ ﺍﻟﻤﺴﻜﻴﻨﻪ ﻭﻫﻲ ﺍﺧﺘﻲ ﺍﻟﻤﺮﺣﻮﻣﻪ ﻟﻮ ﻋﺪﻟﻪ ﺗﺨﻠﻴﻬﻪ ﻫﻴﺞ ﺑﺲ ﻇﻠﺖ ﺑﺪﻭﻥ ﺍﻡ .. ﺍﻡ ﻭﺍﺋﻞ .. ﻭﺍﻟﻠﻪ ﺍﺯﻳﺪ ﻣﻦ ﺑﻨﺘﻲ ﻭﺍﺗﻌﺎﺭﻙ ﻭﻳﺎ ﻭﺍﺯﻋﻞ ﺑﺲ ﻣﺎﻳﻔﻴﺪ ﺩﺍﺩﻩ ﻣﻜﺮﻫﻪ ﺑﻌﻴﺸﺘﻬﻪ ﻏﻴﺮ ﻫﻲ ﺻﺎﺑﺮﻩ ﻭﺣﺒﺎﺑﻪ ﺳﺎﺭﻩ ﺟﺎﻥ ﻃﻜﺖ ﻭﺷﺮﺩﺕ ﻣﻦ ﻋﻨﺪﻩ ﺑﺲ ﻟﺨﺎﻃﺮ ﺟﻬﺎﻟﻬﻪ ﺳﺎﻛﺘﻪ ... ﺍﻡ ﺑﺸﺎﺭ .. ﺍﻟﻠﻪ ﻳﻬﺪﻱ ﻋﻠﻴﻬﻪ ﺍﻟﺰﻟﻢ ﻣﻦ ﺗﻜﺒﺮ ﺗﺘﺨﺒﻞ .. ﺍﻡ ﻭﺍﺋﻞ .. ﻫﺴﻪ ﺍﻗﺘﻨﻊ ﻏﻴﺚ ﻳﺘﺰﻭﺝ ﻭﻣﻨﺎ ﻭﻫﻴﺞ ﻧﺨﻄﺒﻠﻪ ﺑﺲ ﻣﻨﺘﻈﺮﻳﻦ ﻭﺍﺋﻞ ﻳﺠﻲ ﻭﻧﺤﺠﻴﻠﻪ ... ﺟﺎﻧﺖ ﺗﺤﺠﻲ ﻭﺗﺒﺎﻭﻋﻠﻲ ﻣﺒﺘﺴﻤﻪ ﺣﺘﻪ ﺧﺠﻠﺖ ﻣﻦ ﻋﻨﺪﻫﻪ ﻭﻛﺎﻧﻮ ﺍﻟﻬﻪ ﻗﺼﺪ ﺑﻬﺎﻱ ﺍﻟﻨﻈﺮﻩ .. ﻛﻤﺖ ﻣﻦ ﻳﻤﻬﻢ ﻭﺍﻧﻲ ﺍﻓﻜﺮ ﺷﻠﻮﻥ ﻳﺠﻲ ﻳﺨﻄﺐ ﻏﻴﺚ ﻭﺍﻧﻲ ﻉ ﺍﺑﻮﺍﺏ ﺍﻣﺘﺤﺎﻧﺎﺕ ﺍﺧﺮ ﺍﻟﺴﻨﻪ ﻉ ﺍﻻﻗﻞ ﺧﻠﻲ ﺍﻧﺠﺢ ﻟﻠﻤﺮﺣﻠﻪ ﺍﻟﺜﺎﻧﻴﻪ .. ﻓﺘﺤﺖ ﺗﻠﻴﻔﻮﻧﻲ ﻭﺩﺯﻳﺘﻠﻪ ﺭﺳﺎﻟﻪ ﻏﻴﺚ ﺻﺪﻙ ﺍﻟﻲ ﺳﻤﻌﺘﻪ ﻣﻦ ﺍﻣﻚ ﻧﺎﻭﻱ ﺗﺨﻄﺐ ﻉ ﺟﻴﻪ ﻭﺍﺋﻞ ﺑﺲ ﺍﻧﻲ ﺑﻌﺪﻧﻲ ﻣﺎ ﻣﻜﻤﻠﻪ ﻫﺎﻱ ﺍﻟﺴﻨﻪ .. ﺩﺯﻳﺘﻬﻪ ﻭﻇﻠﻴﺖ ﺑﺎﻟﻐﺮﻓﻪ ﺷﻮﻳﻪ ﻭﺍﺟﺘﻨﻲ ﺭﺳﺎﻟﻪ ﻣﻦ ﻋﻨﺪﻩ ﻛﺎﺗﺐ ﺍﻱ ﺻﺢ ﻻﻥ ﮔﻠﺒﻲ ﻃﻚ ﺣﺴﺮﻩ ﻋﻠﻴﻪ ﺷﻮﻓﺘﺞ ﻣﻦ ﻳﺠﻲ ﻭﺍﺋﻞ ﺑﺲ ﻧﺤﺠﻲ ﻭﻳﻪ ﺑﺸﺎﺭ ﻭﻣﻦ ﺗﻜﻤﻠﻴﻦ ﺍﻣﺘﺤﺎﻧﺎﺕ ﻧﺠﻲ ﻧﺨﻄﺐ ﺭﺳﻤﻲ .. ﺑﺲ ﻗﺮﻳﺖ ﻫﺎﻱ ﺍﻟﻜﻠﻤﻪ ﻧﺒﺾ ﮔﻠﺒﻲ ﺑﻔﺮﺡ ﺑﺲ ﻓﻜﺮﻩ ﻭﺍﺋﻞ ﻭﻣﺠﺮﺩ ﻣﺎ ﺍﺗﺬﻛﺮﻩ ﻛﻠﺸﻲ ﺑﻴﻪ ﻳﺘﺨﺮﺑﻂ ... ﺑﺸﺎﺭ ﻣﺎ ﺍﻧﺸﻮﻓﻪ ﺍﺑﺪ ﺗﻤﺮ ﺍﺳﺎﺑﻴﻊ ﻫﻮ ﻳﺮﻛﺾ ﻣﻦ ﻣﻜﺎﻥ ﻟﻤﻜﺎﻥ ﻭﺧﺎﺻﻪ ﻫﺎﻱ ﺍﻻﻳﺎﻡ ﻋﺪﻫﻢ ﺩﻭﺭﺍﺕ ﻣﺎﻝ ﺗﻨﻘﻴﺐ ﺑﻜﺮﻛﻮﻙ ﻭﺑﻼﻧﺒﺎﺭ ﻛﻞ ﻣﺤﺎﻓﻈﻪ ﺍﺳﺒﻮﻉ ﻭﺣﺘﻪ ﺩﻭﺍﻣﻪ ﺑﺒﻐﺪﺍﺩ ﺑﻌﺪﻩ ﻣﺎﺩﺍﻭﻡ ﺍﻻ ﻳﻜﻤﻞ ﺩﻭﺭﺍﺕ ﺍﻟﺘﻨﻘﻴﺐ ... ﺧﺎﺑﺮﺗﻪ ﻣﺎﻣﺎ ﻛﺎﻟﻬﻪ ﺑﺲ ﻫﺎﻻﺳﺒﻮﻉ ﺍﻛﻤﻞ ﻭﺍﺟﻲ ﻭﺍﺩﺍﻭﻡ ٣ ﺍﻳﺎﻡ ﺑﺒﻐﺪﺍﺩ ﻭﺍﻟﺒﺎﻗﻲ ﺑﺎﻟﺒﺼﺮﻩ ﻧﺪﺭﻱ ﺑﻲ ﻳﺘﻌﺐ ﺑﺲ ﻫﺎﻱ ﺣﻴﺎﺗﻪ ﺍﺗﻌﻮﺩ ﻋﻠﻴﻬﻪ ... ﻋﻤﺘﻲ ﺑﺴﻤﻪ ﺑﻬﺎﻱ ﺍﻻﻳﺎﻡ ﺑﺎﻋﺖ ﺑﻴﺘﻬﻪ ﻭﺍﺷﺘﺮﺕ ﺑﻴﺖ ﻗﺮﻳﺐ ﻋﻠﻴﻨﻪ ﻭﺻﺎﺭﺕ ﻳﺎﺭﺍﻳﺤﻪ ﻳﺎﺟﺎﻳﻪ ﻫﻲ ﻭﻓﺮﺡ ﻭﻣﺮﺍﺕ ﺍﺣﺴﻬﻦ ﻣﺘﻔﻘﺎﺕ ﺑﺲ ﺣﺘﻪ ﻳﻠﻔﺘﻦ ﺍﻧﺘﺒﺎﻩ ﺑﺸﺎﺭ .. ﻛﻤﻞ ﺍﻻﺳﺒﻮﻉ ﻭﺍﺟﻪ ﺑﺸﺎﺭ ﺯﺍﺩ ﺧﻮﻓﻲ ﺷﻠﻮﻥ ﺭﺍﺡ ﻳﻔﺘﺢ ﻏﻴﺚ ﺍﻟﻤﻮﺿﻮﻉ ﻭﻳﻪ ﺑﺸﺎﺭ ﻭﺧﺎﻑ ﻳﺮﻓﻀﻮﻥ ﺟﺎﻧﺖ ﺍﻟﻬﻮﺍﺟﺲ ﻣﺴﻴﻄﺮﻩ ﻋﻠﻴﻪ ... ﺗﺎﻟﻲ ﺑﻴﻮﻡ ﺍﻟﻲ ﺍﺟﻪ ﺍﻟﻠﻪ ﺟﺎﺏ ﻋﻤﺎﺗﻲ ﺑﺸﺮﻯ ﻭﺑﺴﻤﻪ ﺍﺛﻨﻴﻨﻬﻦ ﻣﻮﺟﻮﺩﺍﺕ ﻭﺍﺳﻤﻊ ﺻﻮﺕ ﻋﻤﺘﻲ ﺑﺸﺮﻯ ﺍﻟﻌﺎﻟﻲ ﻭﻫﻲ ﺩﻛﻮﻝ ﻟﺒﺎﺑﺎ ﻟﻴﺶ ﻣﺎﺗﻘﺒﻞ ﻳﺎﻋﺎﺩﻝ ﺗﺮﻯ ﻛﻞ ﺑﻨﻴﻪ ﻣﺼﻴﺮﻫﻪ ﺍﻟﺰﻭﺍﺝ .. ﻇﻠﻴﺖ ﻛﺎﻋﺪﻩ ﺍﺳﺘﺤﻲ ﺍﻃﻠﻊ ﻛﻞ ﺿﻨﻲ ﺍﻟﺴﺎﻟﻔﻪ ﺗﺨﺺ ﻏﻴﺚ ﺩﺯﻳﺖ ﻓﺎﺩﻳﻪ ﺗﺴﻤﻊ ﺷﻴﺤﺠﻮﻥ ﻭﻫﺎﻱ ﺍﻟﺘﻨﺒﻞ ﻛﻮﻩ ﺗﻜﻌﺪ ﻣﻦ ﻭﺍﺣﺪ ﻳﺪﺯﻫﻪ ﻉ ﺷﻲ ﺗﺴﻮﻱ ﻧﻔﺴﻬﻪ ﺗﻘﺮﻩ ... ﻓﺎﺩﻳﻪ .. ﻋﻴﻨﻲ ﺳﺖ ﺍﻟﺤﺴﻦ ﺟﺎﻳﻴﻦ ﺧﻄﺎﺑﻪ ﻋﻠﻴﺞ ﻭﺍﺑﻮﺝ ﻭﺍﺧﻮﺝ ﻛﺎﻟﻮ ﻣﺎﻋﺪﻧﻪ ﻣﺮﻩ ﻟﻠﺰﻭﺍﺝ .. .. ﻣﻨﻮ ﺍﻟﺠﺎﻱ ﻣﺎﻋﺮﻓﺘﻲ؟؟ .. ﻣﺎ ﺍﺩﺭﻱ ﺑﺲ ﻣﻦ ﻃﺮﻑ ﻋﻤﺘﺞ ﺑﺸﺮﻯ ﻣﺪﺭﻱ ﺷﻴﺼﻴﺮ ﻣﻦ ﺭﺟﻠﻬﻪ ﻭﺍﺑﻮﺝ ﻛﺎﻝ ﻣﺎﺍﺯﻭﺝ ﺍﻱ ﺑﻨﻴﻪ ﻗﺒﻞ ﻣﺎﺗﺎﺧﺬ ﺷﻬﺎﺩﺗﻬﻪ .. ... ﻭﺑﺸﺎﺭ ﺷﻜﺎﻝ؟؟ .. ﻫﻢ ﻛﺎﻝ ﻧﻔﺲ ﺣﺠﻲ ﺑﺎﺑﺎ ﻛﺎﻝ ﻻﺷﺠﻦ ﺑﻌﺪﻫﻪ ﺻﻐﻴﺮﻩ ﻭﻫﺴﺘﻮﻫﻪ ﻣﺮﺣﻠﻪ ﺍﻭﻟﻰ ﺗﻜﻤﻞ ﺩﺭﺍﺳﺘﻬﻪ ﻳﻠﻪ ﺗﺰﻭﺝ ﻳﻌﻨﻲ ﻏﺴﻠﻲ ﺍﺩﻳﺞ ﺑﺼﺎﺑﻮﻧﻪ ﺯﻭﺍﺝ ﻣﺎﻛﻮ ﺍﻻ ﺑﻌﺪ ﺍﺭﺑﻊ ﺳﻨﻮﺍﺕ .. .. ﻭﺍﺷﻔﺘﻴﻨﻲ ﺫﺍﺑﺤﻪ ﻧﻔﺴﻲ ﻋﻮﺑﻪ ﻫﻮ ﺳﺎﻟﺘﺞ ﺷﻌﺪﻫﻢ؟؟ ﻓﺎﺩﻳﻪ .. ﻻﻣﺎﺫﺍﺑﺤﻪ ﻧﻔﺴﺞ ﺑﺲ ﺻﺎﺭ ﺳﺎﻋﻪ ﺗﺴﻤﻌﻴﻦ ﻣﻦ ﺍﻟﺒﺎﺏ ﻭﻭﺟﻬﺞ ﻣﺨﻄﻮﻑ ﺷﺠﺎﺝ ﻣﻔﻠﻔﻠﻪ ﻉ ﺍﻟﻌﺮﺱ ﻳﻤﻪ ﻣﻦ ﻋﻨﺪﺟﻦ ﺍﻟﺒﻨﺎﺕ ﻫﺴﺘﻮﻫﺞ ﺩﺧﻠﺘﻲ ﻛﻠﻴﻪ ﻭﺗﻔﻜﺮﻳﻦ ﺑﺎﻟﺰﻭﺍﺝ .. ﺷﺠﻦ .. ﺍﻣﺸﻲ ﻣﻨﺎ ﻭﻟﺞ ﻻ ﺍﻛﻮﻡ ﺍﺑﺘﻠﻲ ﺑﻴﺞ ﻏﻴﺮ ﺍﻋﺮﻑ ﻋﻠﻴﻤﻦ ﻳﺴﻮﻟﻔﻮﻥ ﺳﻮﻳﺘﻴﻨﻲ ﺫﺍﺑﺤﻪ ﻧﻔﺴﻲ ... ﻓﺎﺩﻳﻪ .. ﺍﻧﺘﻲ ﻛﻮﻣﻲ ﻣﻨﺎ ﺍﺭﻳﺪ ﺍﻗﺮﻩ ﺷﺒﻴﺞ ﻣﺴﺘﺤﻴﻪ ﻣﺎ ﺍﻃﻠﻌﻴﻦ ﺍﺻﻼ ﺟﺎﻱ ﻳﺴﻮﻟﻔﻮﻥ ﺑﻐﻴﺮ ﺳﺎﻟﻔﻪ .. ﺷﺠﻦ .. ﻏﻤﻴﺘﻬﻪ ﻭﻃﻠﻌﺖ ﺍﻟﺴﺎﻧﻬﻪ ﻣﺘﺒﺮﻱ ﻣﻨﻬﻪ ﺍﺑﺘﻠﻴﺖ ﻛﺘﻠﻬﻪ ﺭﻭﺣﻲ ﺳﻤﻌﻲ ﺷﻌﺪﻫﻢ ﺭﺣﺖ ﻟﻠﻤﻄﺒﺦ ﺟﺎﻧﺖ ﻓﺮﺡ ﺗﺴﻮﻱ ﺟﺎﻱ ﺭﺩﺕ ﺍﺧﺬ ﻣﻦ ﻋﺪﻫﻪ ﻋﻮﺩ ﻓﺸﻠﻪ ﺧﻄﺎﺭ ﺑﺲ ﻫﻲ ﻣﺎﺧﺬﻩ ﻉ ﺍﻟﻮﺿﻊ ﻣﺎﻗﺒﻠﺖ .. ﺍﺧﺬﺕ ﺍﻟﺼﻴﻨﻴﻪ ﻭﺭﺍﺣﺖ ﻭﺍﻧﻲ ﺭﺣﺖ ﻭﺭﺍﻫﻪ ﻭﻛﻔﺖ ﺑﺎﺏ ﺍﻟﻤﻄﺒﺦ ﺍﻟﻲ ﻃﺎﻟﻊ ﻉ ﺍﻟﺼﺎﻟﻪ ﺍﺷﻮﻓﻬﻪ ﻗﺪﻣﺖ ﺍﻟﺠﺎﻱ ﻭﺍﻧﻲ ﺍﺑﺎﻭﻉ ﻟﺒﺸﺎﺭ ﻳﺒﺎﻭﻋﻠﻬﻪ ﻟﻮﻻ .. ﺷﻔﺘﻪ ﻣﻦ ﺑﻌﻴﺪ ﺍﺧﺬ ﺍﻟﺠﺎﻱ ﻣﻨﻬﻪ ﻭﺭﻓﻊ ﺭﺍﺳﻪ ﻋﻠﻴﻬﻪ ﺑﺎﻭﻋﻠﻬﻪ ﻃﺎﺭﺕ ﻓﺮﺡ ﺑﻌﺪ ﻣﻨﻮ ﻳﻠﺰﻣﻬﻪ ﺣﻄﺖ ﺍﻟﺼﻴﻨﻴﻪ ﻉ ﺍﻟﻄﺒﻠﻪ ﻭﺍﻻﺑﺘﺴﺎﻣﻪ ﺷﺎﻛﻪ ﺣﻠﻜﻬﻪ .. ﻫﺴﻪ ﺍﻧﻲ ﺷﻌﻠﻴﻪ ﻭﺍﺭﺍﻗﺐ ﺑﻴﻬﻪ ﺑﺲ ﻣﻦ ﺍﻟﻠﻪ ﻓﺮﺡ ﻣﺎ ﺍﺭﺗﺎﺣﻠﻬﻪ ﺍﺗﺬﻛﺮﻫﻪ ﻣﻦ ﺟﻨﻪ ﺻﻐﺎﺭ ﻫﻲ ﺟﺒﻴﺮﻩ ﺗﺘﻔﻴﻚ ﻭﺍﻃﺮﺩﻧﻪ ﻣﻦ ﻧﻠﻌﺐ ﺑﻐﺮﻓﺘﻬﻪ ﻭﻟﺤﺪﺍﻻﻥ ﻣﻦ ﺗﺠﻲ ﺑﺲ ﺗﺤﺠﻲ ﺑﺎﻟﻤﻮﺩﻳﻞ ﻭﺗﻌﻮﺝ ﺑﺤﻠﻜﻬﻪ ﻋﻮﺩ ﻫﻲ ﺗﻌﺮﻑ ﻛﻠﺸﻲ ﺍﺳﺘﻐﻔﺮ ﺍﻟﻠﻪ ﻣﺎ ﺍﺭﻳﺪ ﺍﺷﻴﻞ ﺫﻧﺒﻬﻪ ﺑﺲ ﻣﺎ ﺍﺭﺗﺎﺣﻠﻬﻪ ... ﺭﺟﻌﺖ ﻟﻠﻐﺮﻓﻪ ﺍﺧﺬﺕ ﺗﻠﻴﻔﻮﻧﻲ ﻭﺩﺯﻳﺖ ﺭﺳﺎﻟﻪ ﻟﻐﻴﺚ ﻳﺎﺟﻞ ﻣﻮﺿﻮﺕ ﺍﻟﺨﻄﻮﺑﻪ ﻭﺣﺠﻴﺘﻠﻪ ﺍﻟﺴﺒﺐ ﺟﺎﻥ ﻣﺼﺮ ﺍﻻ ﻳﺤﺠﻲ ﺑﺲ ﻇﻠﻴﺖ ﺍﺗﻮﺳﻞ ﺑﻲ ﻻﻥ ﺍﺫﺍ ﻣﺎﻭﺍﻓﻘﻮﺍ ﻣﻌﻨﺎﺗﻬﻪ ﺭﺍﺡ ﻳﺤﺮﻣﻮﻧﻲ ﻣﻦ ﺷﻮﻓﺘﻪ ﻻﻥ ﻋﺮﻓﻮ ﺑﻨﻴﺘﻪ ...