471
ﻣﺎﻋﻨﺪﻱ ﺻﺪﻳﻘﻪ ﺍﺭﻛﺾ ﺍﺣﺠﻴﻠﻬﻪ ﻭﻻ ﻋﻨﺪﻱ ﺟﺮﺃﻩ ﺍﺣﺠﻲ ﻻﺧﻮﺍﺗﻲ ﻫﻮ ﻫﺬﺍ ﻃﺒﻌﻪ ﺍﻟﻤﻮﺣﻠﻮ ﻛﻠﺸﻲ ﺍﺣﺘﻔﻆ ﺑﻲ ﻟﻨﻔﺴﻲ ﻭﻣﺎ ﺍﺷﺎﺭﻙ ﺍﺣﺪ ..
ﺗﻌﺸﻴﻨﻪ ﻭﺭﺟﻌﻨﻪ ﻟﻠﺒﻴﺖ ﺟﻨﺖ ﺗﻌﺒﺎﻧﻪ ﺣﻴﻞ ﺑﻮﺟﻬﻲ ﻟﻠﺤﻤﺎﻡ ﺳﺒﺤﺖ ﻭﻃﻠﻌﺖ ﺷﻮﻳﻪ ﺳﺎﻟﻔﻪ ﻭﻳﻪ ﻓﺎﺩﻳﻪ ﻭﺑﻨﺎﺕ ﻋﻤﻲ ﻋﺎﻣﺮ ﻟﺤﺪﻣﺎ ﻣﺪﺩﺕ ﺑﻔﺮﺍﺷﻲ ﻭﻋﻴﻨﻲ ﺑﺎﻟﺴﻜﻒ ..
ﺟﺎﻥ ﻣﺎﻋﻨﺪﻱ ﺗﻠﻴﻔﻮﻥ ﺑﺲ ﻋﻨﺪ ﺍﺧﻮﺗﻲ ﻭﻣﺎﻣﺎ ﻭﺍﻧﻲ ﻣﻮﺍﻋﻴﺪﻧﻲ ﻳﺸﺘﺮﻭﻟﻲ ﻭﻏﻠﺴﻮﺍ ..
ﺣﺎﻭﻟﺖ ﺍﻧﺎﻡ ﻣﺎﻛﺪﺭﺕ ﺑﺎﻭﻋﺖ ﻟﺴﺎﻋﻪ ﺏ١٢ ﻭﻧﺺ ﻭﺟﺎﻥ ﺍﻟﺠﻮ ﺑﺎﺭﺩ ﻭﺷﺘﻪ ﺷﻬﺮ ﺍﻟﻮﺍﺣﺪ ٢٠١١ ﻫﺬﺍ ﺍﻟﺘﺎﺭﻳﺦ ﺍﺑﺪ ﻣﺎ ﺍﻧﺴﻰ ..
ﻛﻤﺖ ﻣﻦ ﻓﺮﺍﺷﻲ ﻭﺭﺣﺖ ﻋﻠﻰ ﺗﻠﻴﻔﻮﻥ ﺑﺎﺑﺎ ﺍﻟﻲ ﺩﺍﺋﻤﺎ ﻳﻌﻮﻓﻪ ﺑﺎﻟﻤﻄﺒﺦ ﻣﻮﻛﻠﺶ ﻭﻳﻪ ﺍﻟﺘﻠﻴﻔﻮﻥ ..
ﻃﻠﻌﺖ ﺭﻗﻢ ﻏﻴﺚ ﻭﻛﻠﺒﻲ ﻳﺪﻙ ﻗﺒﻞ ﻻ ﺍﺗﺼﻞ ﻣﺘﺮﺩﺩﻩ ﺍﺗﺼﻞ ﻟﻮﻻ ﻭﺧﺎﻑ ﻋﻴﺐ ﻭﺧﺎﻑ ﻫﻴﺞ ﻭﻗﺖ ﻧﺎﻳﻢ؟؟
ﺑﻨﺺ ﺗﻔﻜﻴﺮﻱ ﻭﺿﻐﻄﺖ ﻉ ﺍﻻﺗﺼﺎﻝ ﺩﻛﺎﺕ ﻛﻠﺒﻲ ﺍﻗﻮﻯ ﻣﻦ ﺩﻛﺎﺕ ﺍﻟﺘﻠﻴﻔﻮﻥ ﻃﻮﻟﺖ ﺍﻟﺪﻛﻪ ﻳﻠﻪ ﺟﺎﻭﺏ ﺍﻟﻮﻭﻭﻭ
ﻣﺎﻛﺪﺭﺕ ﺍﺣﺠﻲ ﻣﺨﻠﻴﺘﻪ ﻉ ﺍﺫﻧﻲ ﻭﺳﺎﻛﺘﻪ ﻭﺍﻧﻲ ﻛﻠﺴﺎﻉ ﺍﺑﺎﻭﻉ ﻟﻠﺼﺎﻟﻪ ﻻﻳﺠﻲ ﺍﺣﺪ ﺍﻛﺜﺮ ﻣﻦ ﻣﺮﻩ ﻛﺎﻝ ﺍﻟﻮﻭﻭ ﻭﻣﺎﺣﺠﻴﺖ ﺑﺲ ﺻﻮﺕ ﺍﻧﻔﺎﺳﻲ ﻋﺎﻟﻲ ..
ﺻﻮﺗﻪ ﺍﻟﺤﻨﻴﻦ ﻭﺍﻟﺒﺤﻪ ﺍﻟﻲ ﺑﺼﻮﺗﻪ ﺧﻠﺘﻨﻲ ﺍﻧﻄﻖ ﺍﺳﻤﻪ ﺗﻠﻘﺎﺋﻴﺎ ﻭﻛﺘﻠﻪ ﻏﻴﺚ !!!
ﻭﺳﻜﺘﺖ ﻛﺎﻝ ﺷﺠﻦ ﺍﺣﺠﻲ !!! ﻛﻮﻩ ﻛﺪﺭﺕ ﺍﻧﻄﻖ ﻛﻠﻤﻪ ﺍﻧﻲ ﻣﻮﺍﻓﻘﻪ ﻭﺳﺪﻳﺘﻪ ﺑﺴﺮﻋﻪ ..
ﻣﺴﺤﺖ ﺍﻟﻤﻜﺎﻟﻤﻪ ﻭﺑﻮﺟﻬﻲ ﻟﻠﻔﺮﺍﺵ ﻭﻋﺒﺎﻟﻚ ﺟﻨﺖ ﺑﻤﻌﺮﻛﻪ ﻭﻓﻌﻼ ﻫﻲ ﻣﻌﺮﻛﻪ ﻧﻤﺖ ﻭﻏﻄﻴﺖ ﺭﺍﺳﻲ ﻭﺍﺗﻨﻔﺲ ﺳﺮﻳﻊ ﻭﺷﻠﻮﻥ ﻛﺪﺭﺕ ﺍﺣﺠﻲ ﻫﻴﺞ !!!
ﺑﻬﺬﺍ ﺍﻟﻴﻮﻡ ﻣﺎﻧﻤﺖ ﺍﺑﺪ ﻟﺤﺪ ﺍﻟﻔﺠﺮ ﺻﻠﻴﺖ ﻭﻛﻤﺖ ﺳﻮﻳﺖ ﺭﻳﻮﻙ ﻭﺑﻴﻦ ﻣﺎﺑﺪﻟﺖ ﻭﺍﺟﺎﻧﻲ ﺍﻟﺨﻂ ﻋﺒﺎﻟﻲ ﺍﺷﻮﻓﻪ ﺑﺎﻟﺒﺎﺏ ﻣﺜﻞ ﻛﻞ ﻣﺮﻩ ﺑﺲ ﺍﻟﻈﺎﻫﺮ ﺑﻌﺪﻩ ﻣﺎﻛﺎﻋﺪ ﻻﻥ ﺳﻴﺎﺭﺗﻪ ﺑﺎﻟﺒﺎﺏ ...
ﺑﺎﻟﻜﻠﻴﻪ ﻛﻮﻩ ﺍﻓﺘﺢ ﻋﻴﻮﻧﻲ ﻣﻦ ﺍﻟﻨﻌﺎﺱ ﻭﻃﻮﻝ ﺍﻟﻤﺤﺎﻇﺮﻩ ﺍﻟﺪﻛﺘﻮﺭ ﻳﺸﺮﺡ ﻭﺍﻧﻲ ﺗﺠﻴﻨﻲ ﺍﻟﻐﻔﻪ ﻭﺍﻓﺰ ﻉ ﻋﻠﻮ ﺻﻮﺗﻪ ..
ﺻﺎﺭ ﺍﻟﻴﻮﻡ ﺷﻄﻮﻟﻪ ﺑﺲ ﺍﺭﻳﺪ ﺍﺭﺟﻊ ﻭﺍﻧﺎﻡ ﻣﺘﺖ ﺗﻌﺐ ﺍﺗﺨﻴﻞ ﺍﻟﻤﺨﺪﻩ ﺍﻟﻲ ﺻﺎﺭﺕ ﺑﻴﻦ ﻋﻴﻮﻧﻲ ...
ﺑﺲ ﺭﺟﻌﺖ ﻟﻠﺒﻴﺖ ﺑﺪﻟﺖ ﻭﺟﺮﻳﺘﻬﻪ ﻧﻮﻣﻪ ﻟﺜﺎﻧﻲ ﻳﻮﻡ ﻛﻌﺪﻭﻧﻲ ﺍﻫﻠﻲ ﻉ ﺍﻟﻌﺸﺎ ﻣﺎﻛﻌﺪﺕ ﺑﺲ ﻛﻌﺪﺕ ﺻﻠﻴﺖ ﻣﺘﺎﺧﺮﻩ ﻭﺭﺟﻌﺖ ﻧﻤﺖ ...
ﺛﺎﻧﻲ ﻳﻮﻡ ﺻﺎﺩﻓﺖ ﺟﻤﻌﻪ ﻭﺍﺟﺖ ﺍﻡ ﻭﺍﺋﻞ ﻣﻦ ﺍﻟﺼﺒﺢ ﻛﺎﻟﺖ ﺳﺎﺭﻩ ﺍﻟﻴﻮﻡ ﺟﺎﻳﺘﻨﻪ ﺧﻠﻲ ﻳﺠﻦ ﺍﻟﺒﻨﺎﺕ ﻳﻤﻨﻪ ﺳﺎﺭﻩ ﻣﺘﺰﻭﺟﻪ ﺑﺪﻳﺎﻟﻰ ﻻﺑﻦ ﺧﺎﻟﻲ ﺍﻟﺜﺎﻧﻲ ﻭﻛﻞ ﻓﺘﺮﻩ ﺗﺠﻲ ﺷﻜﻢ ﻳﻮﻡ ﻭﺍﻧﺮﻭﺡ ﺍﻧﺸﻮﻓﻬﻪ ...
ﺍﻧﻲ ﺭﺩﺗﻬﻪ ﺣﺠﻪ ﺣﺘﻪ ﺍﺷﻮﻑ ﻏﻴﺚ ﻭﻧﺴﻴﺖ ﻭﺍﺋﻞ ﻭﺳﻮﺍﻟﻔﻪ ﺑﺪﻟﻨﻪ ﻉ ﺍﻟﺴﺮﻳﻊ ﻟﺒﺴﺖ ﺑﻨﻄﺮﻭﻥ ﺟﻴﻨﺰ ﻭﻓﻮﻛﺎ ﻗﻤﻴﺺ ﻟﻠﺮﻛﺒﻪ ﻭﺭﺣﻨﻪ ﺍﻧﻲ ﻭﻓﺎﺩﻳﻪ ﻭﻫﺪﻯ ﺍﻟﻴﻮﻡ ﻫﻢ ﺗﺠﻲ ﻛﺎﻟﺖ ﻣﺎﻣﺎ ﺗﺠﻲ ﻭﺭﺍﻛﻢ ..
ﺑﺲ ﻣﺮﺕ ﻭﺍﺋﻞ ﺑﺎﻟﺒﻴﺖ ﻭﻫﻲ ﺳﺎﺭﻩ ﻭﺟﻬﺎﻟﻬﻪ ﻋﺪﻫﻪ ﺗﻮﻡ ﻭﻟﺪ ﻭﺗﻮﻡ ﺑﻨﺎﺕ ﺗﺴﻮﻟﻔﻨﻪ ﻉ ﻋﻴﺎﻟﻬﻪ ﻭﺳﺎﻋﻪ ﻉ ﺻﺪﻳﻘﺎﺗﻬﻪ ﺑﺎﻟﻤﺴﺘﺸﻔﻰ ﻻﻥ ﻫﻲ ﻣﻮﺿﻔﻪ ﻭﺧﻄﻴﻪ ﻣﺮﺕ ﻭﺍﺋﻞ ﻛﻞ ﺍﻟﺸﻐﻞ ﺑﺮﺍﺳﻬﻪ ..
ﻛﻤﺖ ﺍﺳﺎﻋﺪﻫﻪ ﻣﺎﻗﺒﻠﺖ ﻛﺎﻟﺖ ﻣﺘﻌﻮﺩﻩ ﺑﺲ ﺍﺻﺮﻳﺖ ﺍﺳﺎﻋﺪﻫﻪ ﺍﺧﺬﺕ ﺍﻟﺰﻻﻃﻪ ﻛﻤﺖ ﺍﺳﻮﻱ ﻻﻥ ﺟﻬﺎﻟﻬﻪ ﻭﻛﺤﻴﻦ ﺣﻴﻞ ﻭﻫﻢ ﺣﺎﻣﻞ ﺧﻄﻴﻪ ﻫﺬﺍ ﺭﺍﺑﻊ ﻃﻔﻞ ...
ﺑﺲ ﺍﻧﻲ ﻭﻳﺎﻫﻪ ﺑﺎﻟﻤﻄﺒﺦ ﻫﻲ ﻭﺍﻛﻔﻪ ﺗﻄﺒﺦ ﺍﻟﺘﻤﻦ ﻭﺍﻧﻲ ﻛﺎﻋﺪﻩ ﻉ ﻣﻴﺰ ﺍﻟﻄﻌﺎﻡ ﺍﺳﻮﻱ ﺯﻻﻃﻪ ﻭﻣﺪﻧﻜﻪ ﻭﻓﺰﻳﺖ ﻉ ﺻﻮﺕ ﻭﺍﺋﻞ ﻭﻫﻮ ﻳﺴﻠﻢ ..
ﺭﺩﻳﺖ ﺍﻟﺴﻼﻡ ﻭﻫﻮ ﻓﺎﺕ ﻟﻴﺠﻮﻩ ﺑﺪﻭﻥ ﻣﺎﺍﺭﻓﻊ ﺭﺍﺳﻲ ﻭﻻﺷﻔﺖ ﻭﺟﻬﻪ ﺍﺳﻤﻊ ﺻﻮﺗﻪ ﺟﻮﻩ ﻳﻠﻌﺐ ﺑﺎﺑﻨﻪ ﺍﻟﺼﻐﻴﺮ ...
ﻣﺮﺗﺎﺣﻪ ﻣﻦ ﻧﺎﺣﻴﺘﻪ ﻻﻥ ﻣﺜﻞ ﺍﻟﻲ ﺣﺲ ﻉ ﻧﻔﺴﻪ ﻭﻏﻠﻄﻪ ﺍﻭ ﺍﻧﻲ ﻣﺎ ﺍﻧﺘﺒﻪ ﻋﻠﻲ ﻭﺍﺷﻮﻓﻪ ﻳﺒﺎﻭﻉ ﺍﻭﻻ ...
ﻛﻤﻠﺖ ﺍﻟﺰﻻﻃﻪ ﻭﻭﺍﻛﻔﻪ ﺍﻏﺴﻞ ﻳﻢ ﺍﻟﺴﻨﻚ ﻭﻣﺮﺕ ﻭﺍﺋﻞ ﻃﻠﻌﺖ ﻣﺪﺭﻱ ﻭﻳﻦ ﺭﺍﺣﺖ ﻭﻃﺐ ﻏﻴﺚ ﺑﺲ ﺷﻔﺘﻪ ﺩﻧﻜﺖ ﺍﺗﺬﻛﺮﺕ ﻣﻦ ﺧﺎﺑﺮﺗﻪ ...
ﺳﻠﻢ ﻋﻠﻴﻪ ﻭﺧﻼ ﻋﻼﻛﻪ ﻉ ﺍﻟﻜﺎﻭﻧﺘﺮ ﻭﻫﻤﺲ ﻳﻢ ﺍﺫﻧﻲ ﺑﻬﺪﻭﺀ ﺷﻠﻮﻧﺞ ﻳﺎﺣﻠﻮﻩ؟؟
ﺧﺠﻠﺖ ﻣﻦ ﻛﻼﻣﻪ ﺑﺲ ﻣﺒﺘﺴﻤﻪ ﻭﻣﺪﻧﻜﻪ ﺑﺲ ﻓﺎﺗﺖ ﻣﺮﺕ ﻭﺍﺋﻞ ﻭﻃﻠﻊ ﺟﻨﺖ ﻃﺎﻳﺮﻩ ﻣﻦ ﺍﻟﻔﺮﺡ ﻭﺍﻧﻲ ﺍﺷﻮﻓﻪ ﻛﺪﺍﻣﻲ ..
ﺍﺣﻼﻣﻲ ﺣﻴﻞ ﺑﺴﻴﻄﻪ ﺍﺗﺨﻴﻞ ﻧﻔﺴﻲ ﺍﺻﻴﺮ ﻣﺮﺕ ﻏﻴﺚ ﻭﻣﻮﺟﻮﺩﻩ ﺑﻬﺬﺍ ﺍﻟﺒﻴﺖ ﺍﺗﻠﻔﺖ ﺑﺎﻟﺒﻴﺖ ﻭﺍﺗﺨﻴﻞ ﻧﻔﺴﻲ ﻭﺭﺣﺖ ﻟﻠﺒﻌﻴﺪ ﻭﺍﻻﺑﺘﺴﺎﻣﻪ ﻣﺮﺳﻮﻣﻪ ﻉ ﻭﺟﻬﻲ ..
ﺍﻧﺘﺒﻬﺖ ﻣﻦ ﺻﻔﻨﺘﻲ ﺟﺎﻥ ﻳﺼﻴﺮ ﻭﺍﺋﻞ ﻛﺪﺍﻣﻲ ﻭﺻﺎﻓﻦ ﻋﻠﻴﻪ ﺑﺴﺮﻋﻪ ﺩﻧﻜﺖ ﻭﻫﻮ ﻫﻢ ﺩﺍﺭ ﻭﺟﻬﻪ ﻣﺠﺮﺩ ﻣﺎ ﺍﺗﺬﻛﺮ ﺍﻟﺼﺎﺭ ﻛﻠﺒﻲ ﻳﻮﺟﻌﻨﻲ ..
ﻭﺧﺎﻑ ﻳﻌﺘﺮﺽ ﻭﺍﺋﻞ ﻉ ﺣﺒﻨﻪ ﻭﺧﺎﻑ ﻳﻤﻨﻊ ﻏﻴﺚ ﻣﻊ ﺍﻟﻌﻠﻢ ﻣﺮﺕ ﺧﺎﻟﻲ ﺗﺤﺒﻨﻲ ﺣﻴﻞ ﻭﺍﺷﻮﻑ ﻋﻴﻮﻧﻬﻪ ﺷﻠﻮﻥ ﺻﺎﻓﻨﻪ ﻋﻠﻴﻪ ...
ﺗﻮﻧﺴﺖ ﺣﻴﻞ ﺑﻬﺬﺍ ﺍﻟﻴﻮﻡ ﻣﻊ ﺍﻟﻌﻠﻢ ﻏﻴﺚ ﺑﺲ ﺗﻐﺪﻩ ﻭﻃﻠﻊ ﺑﺲ ﻭﺟﻮﺩﻩ ﺑﻬﺎﻟﺴﺎﻋﺘﻴﻦ ﺧﻼﻧﻲ ﻣﺜﻞ ﺍﻟﻄﻴﺮ ﺍﻟﻄﺎﻳﺮ ﻭﻓﺮﺣﺎﻥ ﺑﺤﺮﻳﺘﻪ ..
ﺭﺟﻌﺖ ﻟﻠﺒﻴﺖ ﻟﻜﻴﺖ ﻣﺎﻣﺎ ﺗﺴﻮﻱ ﺩﻭﻟﻤﻪ ﻟﻠﻌﺸﺎ ﻛﺘﻠﻬﻪ ﺷﻌﺠﺐ ﻣﺴﻮﻳﺘﻬﻪ ﺩﺍﺋﻤﺎ ﺗﺘﻌﺎﺟﺰ ﻣﻨﻬﻪ ..
ﻣﺎﻣﺎ .. ﻣﻮ ﺑﺸﺎﺭ ﺭﺍﺡ ﻳﺠﻲ ﺑﺎﻟﻄﺮﻳﻖ ﺑﻌﺪ ﺍﻣﻪ ﺍﺫﺍ ﺍﻟﻪ ﻣﺎ ﺍﻛﻮﻡ ﺍﻟﻤﻦ ﺍﺳﻮﻱ ﻟﻌﺪ ..
ﺍﺑﺘﻬﺎﻝ .. ﻫﺎﺍ ﺍﻡ ﺑﺸﺎﺭ ﺍﻟﺒﺎﺭﺣﻪ ﻛﺘﻠﺞ ﻣﺸﺘﻬﻴﺘﻬﻪ ﻛﺘﻴﻠﻲ ﻣﺎﺑﻴﻪ ﺣﻴﻞ ﺍﻟﻴﻮﻡ ﻃﺎﻳﺮﻩ ﻣﺎﺗﻠﺤﻜﻴﻦ ﺗﻠﻔﻴﻨﻬﻪ ..
ﻣﺎﻣﺎ .. ﺩﺍﺩﻩ ﻣﻮﺗﺘﺪﻟﻠﻴﻦ ﺷﻠﻮﻥ ﻣﺎ ﺍﺳﻮﻳﻠﺞ ﺑﺲ ﺍﻧﻲ ﺍﺩﺭﻱ ﺑﺒﺸﺎﺭ ﻳﺠﻲ ﺍﻟﻴﻮﻡ ﻭﻛﻠﺖ ﻓﺪﻣﺮﻩ ﺍﺳﻮﻳﻬﻪ ..
ﺍﺑﺘﻬﺎﻝ .. ﺍﻛﻠﺞ ﺍﻡ ﺑﺸﺎﺭ ﺍﺫﺍ ﺍﺟﻪ ﻻﺗﺤﺠﻮﻟﻪ ﻉ ﺳﺎﻟﻔﻪ ﺑﻨﺖ ﺭﺿﺎ ﺍﻟﻠﻪ ﻳﺮﺣﻤﻪ ﺗﺮﻯ ﺑﺸﺎﺭ ﻣﺎﻳﺴﻜﺖ ..
ﺧﺎﻑ ﺭﺟﻠﻲ ﻭﺭﺟﻠﺞ ﻓﺎﻫﻴﻦ ﻭﺫﺍﺑﻴﻬﻪ ﻫﻴﺞ ﻭﻋﺪﻫﻢ ﺍﻟﻨﺎﺱ ﻛﻠﻬﻪ ﺯﻳﻨﻪ ﻭﻳﺸﻮﻓﻮﻥ ﺍﻟﻌﺎﻟﻢ ﺑﺎﺣﺴﻦ ﺻﻮﺭﻩ ﺗﺮﻯ ﺑﺸﺎﺭ ﻣﺎﺭﺍﺡ ﻳﺴﻜﺘﻠﻬﻪ ﻭﺍﻧﺘﻲ ﺗﺬﻛﺮﻳﻦ ﺍﺟﺖ ﻳﻤﻨﻪ ﺳﻨﻪ ﻭﺷﻠﻮﻥ ﺟﺎﻥ ﺿﺎﻳﺞ ﻣﻨﻬﻪ ..
ﺍﻡ ﺑﺸﺎﺭ .. ﻭﺍﻟﻠﻪ ﻳﺎ ﺍﺑﺘﻬﺎﻝ ﺍﻧﻲ ﺧﺎﻳﻔﻪ ﻣﻦ ﻫﺎﻟﺴﺎﻟﻔﻪ ﻭﺍﻟﺒﺎﺭﺣﻪ ﺣﺠﻴﺖ ﻭﻳﻪ ﺍﻟﺤﺠﻴﻪ ﺩﻛﻠﻲ ﻻﺗﺤﺠﻮﻟﻪ ﻭﻭﺻﻴﺖ ﻋﺎﻣﺮ ﻣﺎﻳﺤﺠﻴﻠﻪ ﺑﺲ ﺍﻧﻲ ﺍﺩﺭﻱ ﺑﺎﺑﻨﻲ ﻣﺎﻧﺎﺳﻴﻬﻪ ﻭﻳﺪﻭﺭ ﻋﻠﻴﻬﻪ
ﺍﺑﺘﻬﺎﻝ .. ﺍﻧﻲ ﺳﻤﻌﺖ ﻣﻦ ﻋﺎﻣﺮ ﻛﺎﻝ ﺑﺸﺎﺭ ﻳﺘﻤﻨﻰ ﻳﻠﻜﺎﻫﻪ ﻭﺩﺍﺋﻤﺎ ﻳﻜﻠﻬﻢ ﺍﻧﺘﻢ ﺷﻠﻮﻥ ﺗﺎﻣﻨﻮﻥ ﺑﻜﻞ ﻭﺍﺣﺪ ﻳﻀﺤﻜﻠﻜﻢ ﻭﻣﺎﺧﺬﻳﻦ ﺍﻻﻣﻮﺭ ﺑﺒﺴﺎﻃﻪ ..
ﺷﺠﻦ .. ﺟﻨﺖ ﺍﺳﻤﻌﻬﻦ ﻭﻣﺎﻋﺮﻑ ﺷﺒﻴﻬﻪ ﻗﺒﺲ ﺳﺎﻟﺘﻬﻦ ﻣﺎﻣﺎ ﺷﺒﻴﻬﻪ ﺑﻨﺖ ﻋﻤﻲ ؟؟