قصص عراقيه حقيقيه (منقولة).

اني من يمي اباوع عليهه ومدري ليش انعوج حلكي وراسي هم رحت للمطبخ كعدت عل ميز اجتي مريم تتبسم شكو شبيج من كلتلي اووي شكراً والله كوه سيطرت على حلكي ....شكد تمط بالحجي اباوع عليهه تحجي وساكته مااعلق كعدت كبالي وجابتلي عصير هاج بردي كلبج يابعد كلبي ادي بي احترك وعطب من شاف غزل عليمن ....عليمن يحترك كلبي والله ياربي تتهنه بي هيه هم سألت علي كالت عفيه شلون نريد نتحمدله والله والله لا وضحكت ووجع بااع هاي ياربي اخذت العصير وكمت رحت كابلتهم وكعدت احس راسي من كثر مط الكلام صار صفح وراد يوكع بالكاع مااحس اله قيصر دخل سلم وصاح ازل وصعدو احس كلبي عطب وهاي العوجه كامت راحت للمطبخ اني كمت وراهه غزل/مريوم محتاجه مساعده ساعدج البين ان شاء الله مريم/لا شكراً شهد راح تصب الجاي ....شهد تعالي بسرعه امي وصتني اغسل عبايتهه ونسيت رحت اصب الجاي وهاي الحيه فوك راسي شعجب رجعتي ال فارس لان منستغني عن بعض ابد ممممم يعني كأخت اعتبريهه ديري بالج على رجلج حبيبتي اني رجلي ميباوع الغيري ابد لتخافين واثقه منه روحي انتي شوفي رجلج حبيبتي اني تطلكت وخلصت من زوجي لان مو ادمي وبعدين رجلج الواثقه منه هواي كم مره زحفلي..بيج قصص عراقيه حقيقيه من واقعنا.روعه الطائي ضحكت ....همزين شفت زحفج الرجلي وهو يحظر بيج ومملحك وانتي مجلبه حبيبتي رجلج الي خابصه الدنيا علي تره اني بمزاجي لو اريد جان خليته يتقربلي .....بس اني مااريد فهمتي لو لا يتقربلج شنوووو هاي ......لج بابا فارس ميكلب حثاله مثلج شلت صينية الجاي الشيطان لعب بعقلي اكلبهه عليهه بس اعرف هاي وحده بت شوارع وهسه تلم الناس واني اطلع غلطانه دخلت دكيت الباب ..... ام قيصر/شهوده قيصر فوك لو مأجلته شويه للجاي. ماادري رجعت الصينيه ورجعت للمطبخ وهيه على نفس وكفتهه خيرررج اكو شي نسيتي تحجي باعي حبي لو للباجر تحجين وتكولين فارس هيج سوه هم مااصدكج بكيفج حبي لتصدكين اني قابل شخاله بجيسي انطيت نصيحه مثل ماانصح اختي لعد منصحتي روحج اذا انتي تقدمين نصائح رجعت الجاي وعفتهه بالمطبخ وكعدت يم امي وامهه شو امهن من كلامهه حبابه حسيتهه بس ماادري بعد نزلت مريم ونزل وراهه قيصر شايل كيان ويبتسمون ابتسمت باستهزاء مبينه السالفه رجعهه ....للأسف عليك قيصر رجعت ازل كعدت وبصفهه غزل ويسولفن ويضحكن واني الكلام الحجته ياكل ويشرب ويايه رحت صبيت الجاي لكيت مريم كاعده ضايجه شبيج احس نفسي تعبت من الشغل الله يساعدج حبيبتي راح تبجيني انجبي لج مو اني وياج كايمه اي بس انتو عدكم بدائل ثانيه مثلا ساعه تتعاركون ساعه تترامسون بس اني بس اكل شرب زرب نام نظف ماكو حبيب يزعلني ويرجع يصالحني تترامسون شنو هاي اني تعلمت اجمع وانتي بعدج هزيت ايدي وغميتهه والله تضحكين انتي شفايتلي اصير مثلج ولج انتي بنعمه دمشي خل نضحك شويه على الحيايه هفففف تباً لكم يا ال مجيد ممم وتحجين على ال مجيد وتريدين من ال مجيد والله انتي مدري شلونج بابا عوفي محمد واخذيلج غريب احسن لا عيني اني اريد حماده حبيبي لو هو لو ماريد اي علساس جايج غير حماده جيره بكصتج دكومي شويه واجه قيصر كال يلله يريدوكم شهد/اكو احد غرريب جوه خل نسلم على فارس عيب غير نكوله الحمدلله على سلامتك بكلبي /اووي تعرف بالعيب خررب ...غير تكعد العلويه فيصر/لا ماكو احد غريب كامو كلهم واني رحت وراهم واترقب من بعيد سلام فارس عليهه خاتله وره عمه خوله لان مااريد هاي الحيه تكول تغار لو تخاف الكلبه اااخ لو ذابه القوري عليج جان هسه فوخت كلبي اخخخخ الحمدلله على سلامتج اندشاء الله بعدوينك يارب والله من سمعت تخبلت الحمد لله من طلعت سالم شكراً رحمه الله والديج وانوب امهن هم وازل الكلبه سلمن وطلعو يارب كون لوري يجي سريع يدعم السياره وكلهم ينجون اله هاي الحيه الكلبه وراهه من طلعو كعد الكل يم فارس عمه كالت الـ مريم شيلي الاستكاين مريم/روحي انتي شهد بطني راح تموتني ورجلي صارت سلابات وراحت كعدت بالصاله ولزمت الريمونت رحت اني عزلت الاستقبال واسمع قيصر يكول باجر راح ارجع ازل ام قيصر/الحمدلله والشكر من الله هداك يمه رحاب/عين العقل حبيبي عندك طفل منهه الطفل شنو ذنبه لازم يتربى بينكم فارس/قيصر بس مرتك علمهه اي شي يصير بهذا البيت او اي شي يخص هاي العائله ميطلع ابد اخذت الاستكاين وطلعت بس كلبي احترك يعني ازل موتت ابويه وترجع تتجول يمي ....شلون اتحملهه وديته ورجعت كدت بس صوتهم جان واضح ام قيصر/اكيد هسه تأدبت قيصر/يمه اني ازل لو ما كيتن والله ماارجعهه وبعدين انطيتهه شروط وهاي اخر جنص الهه وكلتلهه هذا الشي وراهه لو عندي اربعه منهه اطلكهه