قصص عراقيه حقيقيه (منقولة).

ابتسم ابتسامه حقيره .....البارحه تونستي ....شلون جانت الليله راح ابقه اتذكرهه واشتاق الحد مترجعين جريت ايدي منه وهو لازمهه مااكدر اوخرهه منه .....وين رايحه اخذي علاكتج ونزلي .....لتخافين اني اقنع ابويه يبقيج هنا وتقرب عليه واني ادفع روحي عنه ....صلف وميخاف ....ومسيطر ....مااعرف شلون باسني بخدي اشمئزت روحي ....شكد شفته حلو اول مشفتهه هسه كمت اشوفه بشع حيل عاف ايدي ركضت على علاكتي وشلت لعابتي وطلعت من الغرفه نزلت جوه .....جان الكل كاعد بغرفة العجوز .......واسمع صوت خوطة الاستكان ....وكفت بباب الغرفه جان خالو علي كاعد بصفهه ......وهيه باوعتلي صفح علي/تعالي خالو يمي كعدي هاي البت متدخل غرفتي وتنجسهه يمه انتي شدتحجين لتسوين هيج هيه طفله طفله بت زنا ....متنجس عوفتي ولا بيتي جنت اعرف كلمة نجس ....غلط محلو بس مااعرف معنا زنا ....بقيت اترقبهم بعيوني وخاله اظفري بيدي أكل بي كام خالو علي بنتره ....ومبين عصبي يمه رحمه الدينج كااااافي انتي مره جبيره .وتصلين وتصومين ....ميصير هيج تحجين ... اسكت عني علي لا تحجيني ..كلت العندي كام خالو من يمهه وبعصبيه احلاااااام تعالي .....وباوع عليه تعالي انتي هم خالو رحت ورا .....دخل للمطبخ ....وكفت بصفه....غديهه بسرعه وجهه اصفر مماكله شي مو احبام/متقبل تاكل فرحه/اصلاً همه محد ذكرني بلكمه من البارحه ..... صبتلي تمن وفوكا مركه .... خالو كلي استعجلي حبيبتي عندي شغل .. انطتني الماعون بنتره علي/خلي الهه بصينيه شنو قصتج احلام احلام/شنو صغيره هيه حتى اني اخدمهه علي/احلاااااام انطتني صينيه وهم بنتره خليت الماعون بيهه وكعدت اكل بالكاع .....جنت جوعانه حيل .....رغم كل الي صار بيه يسد النفس بس اكلت ...الماعون كله .....خليت الصينيه عل سنك وشربت مي ورحت للاستقبال .... كملتي خالو هزيت راسي بمعنى اي يلله لعد خل نتوكل طلعت ورا امشي .....صعد بالسياره .....وكلي يلله صعدي شبيج فرحه/عبالي نروح مشي خالو علي/لا يابه بعيده المسافه بقيت اباوع من الجامه .....من اشوف رجال جبير تدمع عيني على بابا درت على خالو خالو بابا وين مو حجيت وياج فرحه وفهمتج يعني بابا هسه بالسما اي .....انتي جبيره هسه مفروض تعرفين بابا جان يكلي انتي طفله ....اني طفله لو جبيره يعني طفله بس جبيره بنفس الوقت .... خالو ....يعني هسه بابا بالسما .....يباوع عليه من فوك اكيد حبيبتي يباوع عليج ويسمعج من تحجين والله هز راسه بمعنى اي عاديي افتح الجامه واحجي ويا ابتسم.....وكلي احس عمرج ست سنين مو ١٢ سنه .....فجأه وكف السياره وكلي نازل لهذا المحل باوعت وتذكرت دكانة بابا .....بس هاي جبيره حيل فتحت الجامه ....وباوعت للسما وحجيت بكلبي بابا حبيبي اشتاقيتلك هواي تشوفني وسويت هلوو بيدي اني احبك ....هواي ومشتاقتلك خالو علي حباب حيل مو مثل خالو جبار وجعفر ابن خالو جبار انت متعرفه لزم عليه السجينه وأذاني انت شوكت تجي تاخذني اذا تشوفني ليش متجيني اني مااشوفك لو اشوفك جان اني صعدتلك بقيت احجي ويا بكلبي .....باوعت من المرايه كصيبتي مخربطه حيل .....شعري طويل وسرح ولونه مو اسود حيل مايل عل جوزي عيوني كبار ولونهن عسلي وشفتي صغيره بس عندي شويه نمش بخشمي بس خفيفات اضوج منه حيل بس بابا جان يكلي هو اكثر شي احبه بوجهج النمش هذا صعد خالو انطاني علاكه ....كلي لتفتحي هنا ....من توصلين فتحيهه بيهه حلويات الج وبيهه احتياجاتج ابتسمت ....وتجيت روحي عل كرسي .....شويه ووصلنه نزلت دك الباب خالو طلع ولد مو بكد جعفر اصغر منه مبين ابتسم من شاف خالو هلوو خالو شلونك هلو حمودي شلونك تفضل خالو ....تفضل ...لزمت ملابس خالو اني ....خفت ....ذولي هم عدهم ولد .....مثل جعفر علي/تعالي خالو حبيبتي دخلي لتستحين اجت خاله انتصار ....تشبه ماما حيل .....بس اضخم منهه واطول معصبه .....مسحت ايدهه بثوبهه ... ومدتهه ال خالو وباسته هله خويه ....هله بيك تفضل ....باوعت عليه وابتسمت هلو فروحه شلونج تعالي ماما دخلي لتستحين وبوستني انوب طلعت بنيه اكبر مني ....ابتسمت ال خالو ....هلو خالو شلونك مجبت وياك مريومه جبتلكم فروحه ....تبقه يمكم كم يوم انتصار/هله بيهه ....تفضل ادخل ليش واكف بالباب علي/مستعجل والله مرروه اخذي بت خالتج دخليهه جوه ....دخلي فروحه باوعت على خالو .....اخاف ابقه واخاف اروح ويه خالو واصلاً مو مخيره بالحالتين مشيت بس بطيء وسمعتهه كالتله انتصار/علي فالح مقبل ابقيهه يكول مالي خلك بنيه والبنيه مسؤليه كوه قنعته يومين تبقه علي/والله يا انتصار محتار عيوني دمعت .....مالي مكان اروحله .....ومحد يريدني .....واني اصلاً مااريدهم بس وين اروح اني ......وبابا بالسماء عايش