274
.. ﻋﺮﺏ ﻓﺪﻭﺓ ﻟﺘﺴﺘﺨﺪﻡ ﺳﻼﺣﻚ ﺑﻌﺪ ﻟﻮ ﺟﺎﻥ ﻣﻴﺖ ﺟﻨﺖ ﻣﺴﺘﺤﻴﻞ ﺗﻄﻠﻊ ﻣﻦ ﺍﻟﺴﺠﻦ
.. ﺗﺨﺴﻲ ﺍﻋﻮﻓﺔ ﻋﺎﻳﺶ ﻭﻣﺮﺗﻲ ﻭﺍﺧﻮﻳﺔ ﺑﻨﺺ ﺍﻟﻌﻤﻠﻴﺎﺕ ﻣﺎﺑﻴﻦ ﺍﻟﺤﻴﺎﺓ ﻭﺍﻟﻤﻮﺕ ﻣﺎﺍﻗﺒﻠﻬﺔ ﻋﻠﻰ ﺭﻭﺣﻲ ﺍﻟﻘﺎﺗﻞ ﻳﻤﺸﻲ ﻭﺑﺮﺍﺣﺘﺔ ﻭﻋﺰﺍﺯ ﻛﻠﺒﻲ ﻧﺎﻳﻤﻴﻦ ﻭﺍﻧﻲ ﺍﺧﺬﺕ ﺛﺎﺭﻛﻢ ﻭﻣﻦ ﺣﻘﻲ ﻃﻠﻘﺔ ﺑﺮﺟﻠﺔ ﻣﻜﺎﻥ ﺿﺮﺑﺔ ﻋﻠﻲ ﻭﻃﻠﻘﺔ ﺑﺒﻄﻨﺔ ﺑﻤﻜﺎﻥ ﺿﺮﺑﺘﺞ
.. ﺣﺒﻴﺒﻲ ﺭﺑﻲ ﻳﺤﻔﻈﻚ ﺍﻟﻨﺔ ﺍﻥ ﺷﺎﺀﺍﻟﻠﻪ ﻭﺗﺒﻘﻰ ﺧﻴﻤﺔ ﺍﻟﻨﺔ ﺍﻧﻲ ﻣﻦ ﺧﻮﻓﻲ ﻋﻠﻴﻚ ﻣﺎﺍﻗﺒﻞ ﺗﺴﺘﺨﺪﻡ ﺍﻟﺴﻼﺡ ﻻﻥ ﻳﻀﺮﻙ ﺍﻛﺜﺮ ﻣﻦ ﻣﺎﻳﻀﺮﺓ ﻭﺍﻥ ﺷﺎﺀﺍﻟﻠﻪ ﺭﺑﻲ ﻳﺒﻌﺪ ﻋﻨﻚ ﻛﻞ ﻣﻜﺮﻭﻩ .
.. ﺍﻳﻲ ﺍﻧﺖ ﻛﻮﻟﻲ ﺷﻠﻮﻧﺞ ﺧﻮ ﻣﺎﺗﺄﻳﺞ ﺍﻟﻌﻤﻠﻴﺔ ﺣﺘﻰ ﺍﺫﺍ ﺗﺄﺫﻳﺞ ﺍﺧﺬﺝ ﻟﺪﻛﺘﻮﺭ
.. ﻻ ﻻ ﺯﻳﻨﺔ ﻣﺎﺑﻴﺔ ﺷﻲ
.. ﺯﻳﻦ ﻟﻴﺶ ﻫﻞ ﺣﺰﻥ ﺍﻟﻲ ﻣﺎﻟﻲ ﻭﺟﻬﺞ ﺗﺮﺓ ﻣﺎﻣﺘﻌﻮﺩ ﻋﻠﻴﺞ ﻫﻴﺞ ﺍﻧﻲ ﻣﺘﻌﻮﺩ ﻋﻠﻰ ﺍﻡ ﺍﻟﻀﺤﻜﺔ ﺍﻟﺤﻠﻮﺓ ﻭﺍﻡ ﺍﻟﺮﺍﺱ ﺍﻟﻴﺎﺑﺲ
.. ﻫﻬﻬﻪ ﻻ ﻣﺎﺑﻴﺔ ﺷﻲ
.. ﻻ ﺑﻴﺞ ﺷﻲ ﺍﻋﺮﻑ ﺑﻴﺞ ﺍﻧﻲ ﺍﺣﺠﻲ
.. ﻋﺮﺏ ﻣﻌﻘﻮﻟﺔ ﺑﻌﺪ ﻣﻴﺼﻴﺮ ﻋﺪﻧﺔ ﺍﻃﻔﺎﻝ
.. ﻟﻴﺶ ﺗﺤﺠﻴﻦ ﻫﻴﺞ ﺣﺒﻴﺒﻲ ﺍﻥ ﺷﺎﺀﺍﻟﻠﻪ ﻳﺼﻴﺮ ﻋﺪﻧﺔ ﻭﻣﻮ ﺑﺲ ﻭﺍﺣﺪ ﻻ ﺩﺭﺯﻥ
.. ﺍﻥ ﺷﺎﺀﺍﻟﻠﻪ
.. ﻟﺘﺨﺎﻓﻴﻦ ﺍﺣﺒﻠﺞ ﺑﻌﺸﺮﺓ ﻫﻢ ﻗﺤﻂ ﻫﺬﺍ ﻣﻮ ﺟﺒﺪﺓ ﺩﻡ ﻭﻃﺎﺣﺖ
.. ﺑﺲ ﻣﺎﺑﻘﻰ ﻏﻴﺮ ﺍﻳﺎﻡ ﻣﻌﺪﻭﺩﺓ ﻭﻳﺠﻲ ﻟﻠﺪﻧﻴﺎ
.. ﺍﻱ ﻋﺎﺩﻱ ﺍﻛﻮ ﻳﺠﻲ ﻟﻠﺪﻧﻴﺎ ﻭﻳﺎﺧﺬﺓ ﺭﺑﺞ ﺑﺬﻳﺞ ﺍﻟﺴﺎﻋﺔ ﺍﻧﺘﻲ ﺷﻨﻮ ﺍﺳﻮﻳﻦ ﻭﺷﻴﻠﻲ ﻫﺬﻧﻲ ﺍﻻﻓﻜﺎﺭ ﻣﻦ ﺑﺎﻟﺞ ﻭﻟﺘﺨﺎﻓﻴﻦ ﻣﺎﺩﺍﻣﺞ ﺗﺮﺩﻳﻦ ﺟﻬﺎﻝ ﻑ ﺍﻧﻲ ﺍﻟﺞ 😉
.. ﻻ ﻻ ﻣﻮ ﻫﺴﺔ
.. ﻣﻮ ﺑﻜﻴﻔﺞ ﻫﻞ ﻣﺮﺓ ﺍﻧﻲ ﺑﺄﺧﺘﻴﺎﺭﻱ ﺍﺭﻳﺪ ﺍﺣﺒﻠﺞ ﻟﻮ ﻻ ﻣﻮ ﺩﻛﻮﻟﻴﻦ ﺍﻟﻲ ﺩﺭﺍﺳﺔ ﻭﻣﺎﺍﻋﺮﻑ ﺷﻨﻮ
.. ﻋﻠﻰ ﺍﻻﺳﺎﺱ ﺍﻧﺖ ﺍﺧﺬﺕ ﺭﺃﻳﻲ ﺑﺎﻭﻝ ﻣﺮﺓ
.. ﻫﻬﻬﻬﻪ ﻋﺎﺩﻱ ﻋﺎﺩﻱ ﻏﻠﺴﻲ
.. ﺍﺻﺒﻠﻚ ﻏﺪﺓ
.. ﻭﻳﻦ ﺑﺎﺑﺎ ﺷﻨﻮ ﺍﺻﺒﻠﻚ ﻏﺪﺓ ﺍﻧﺘﻲ ﻻﺯﻡ ﻣﺘﺘﺤﺮﻛﻴﻦ ﺍﺑﺪ ﺗﺒﻘﻴﻦ ﻧﺎﻳﻤﺔ ﺑﻔﺮﺍﺷﺞ ﻟﺤﺪ ﻣﺎﺻﻴﺮﻳﻦ ﺯﻳﻨﺔ ﺷﻨﻮ ﻏﺎﻭﻳﺔ ﻣﺮﺽ ﺍﻧﺘﻲ
.. ﻣﺎﺑﻴﺔ ﺷﻲ ﻭﺍﻟﻠﻪ
.. ﻗﻨﻌﻲ ﺭﻭﺣﺞ ﺑﺬﻧﻲ ﺍﻟﺴﻮﺍﻟﻒ ﻳﻤﺮﻥ ﺷﻬﺮﻳﻦ ﻳﻼ ﺩﻛﻮﻣﻴﻦ
ﺣﻴﻴﻴﻞ ﺍﺗﻜﺴﺮ ﻏﻴﺮ
.. ﻣﻴﺨﺎﻟﻒ
.. ﻫﺴﺔ ﻳﻘﻴﻦ ﺗﺼﺒﻠﻲ ﺍﻧﻲ ﺭﺍﺡ ﺍﺳﺒﺢ ﻭﺍﺗﻐﺪﻯ ﻳﻢ ﺍﻟﻮﺍﻟﺪﺓ ﻭﺍﺟﻲ ﺍﻟﺞ
.. ﺗﻤﺎﻡ ﺑﺎﻟﻌﺎﻓﻴﺔ ﻣﻘﺪﻣﺎ
.. ﺍﻟﻠﻪ ﻳﻌﺎﻓﻴﺞ ﻭﻟﻮ ﺑﻴﺞ ﺣﻴﻞ ﺷﻮﻳﺔ ﺟﺎﻥ ﻛﺘﻠﺞ ﺳﺒﺤﻴﻨﻲ ﻻﻥ ﺗﻌﺒﺎﻥ ﺑﺲ ﻭﻳﻦ ﻫﻮ ﺍﻧﺘﻲ ﺳﻜﺮﺍﺏ ﺻﺎﻳﺮﺓ
.. ﻫﺎﺍﺍﺍ ﺍﻧﻲ ﺳﻜﺮﺍﺏ .. ؟؟
.. ﺍﻱ ﺳﻜﺮﺍﺏ
.. ﺭﻭﺡ ﺯﻋﻠﺖ
.. ﻟﻮ ﻫﻴﺞ ﻭﺟﻪ ﺍﻟﺰﻋﻼﻥ ﻟﻮ ﻻ ﻋﻤﻲ ﺍﻧﻲ ﺍﻟﺴﻜﺮﺍﺏ ﻣﻮ ﺍﻧﺖ ﻳﺎﻋﺴﻞ
ﻳﻘﻴﻦ .. ﻳﻤﻤﻤﻤﻌﻮﺩ ﻋﺮﺏ ﻭﻳﻨﻚ ﺣﺘﻰ ﺍﻻﻛﻞ ﺑﺮﺩ . ﻭﺍﺟﻮ ﺣﻨﻴﻦ ﻭﻓﺮﺍﺱ ﻭﻋﻠﻲ
.. ﻧﺎﺍﺍﺍﺯﻝ ﻧﺎﺍﺍﺯﻝ
ﺭﺍﺡ ﻋﺮﺏ ﺳﺒﺢ ﻭﻧﺰﻝ ﺟﻮﺓ ﻭﺻﻮﺕ ﺳﻼﻣﻬﻢ ﻫﻮ ﻭﺍﺻﺪﻗﺎﺋﻬﺔ ﻭﺍﺧﺘﺔ ﺟﺎﻥ ﻛﻠﺶ ﺣﻠﻮ ﺗﺤﺴﻴﻬﻢ ﻋﺎﺋﻠﺔ ﻣﻮ ﺍﺻﺪﻗﺎﺀ
ﻓﻌﻼ ﻋﺮﺏ ﻣﺎﺧﻄﺄ ﻣﻦ ﺻﺎﺩﻕ ﻋﻠﻲ ﻭﻓﺮﺍﺱ ﻻﻥ ﻭﻧﻌﻢ ﺍﻻﺻﺪﻗﺎﺀ ﻭﺍﻧﻲ ﻫﻢ ﻣﺎﺧﻄﺄﺕ ﻣﻦ ﺻﺎﺩﻗﺖ ﻳﻘﻴﻦ ﺷﺎﻳﻠﺘﻨﻲ ﺑﻌﻴﻮﻧﻬﺔ ﻫﻞ ﺍﻳﺎﻡ ﺑﺲ ﺍﺩﺍﺭﻳﻨﻲ ﻭﺗﻮﻛﻠﻨﻲ ﻋﺒﺎﻟﻚ ﻃﻔﻠﺔ ﺯﻏﻴﺮﺓ
ﺷﻮﻳﺔ ﻭﺻﻌﺪﻥ ﻳﻤﻲ ﺣﻨﻴﻦ ﻭﻳﻘﻴﻦ
ﻳﻘﻴﻦ .. ﻫﺴﺔ ﻧﻔﺘﺢ ﻭﻭﺭﺩ ﺍﻟﻮﺟﻪ ﺍﺛﺎﺭﻱ ﺟﺎﻥ ﻣﻌﺒﺲ ﻻﻥ ﺣﺒﻴﺐ ﺍﻟﮕﻠﺐ ﻣﺎﻣﻮﺟﻮﺩ
ﺣﻨﻴﻦ .. ﺍﻱ ﻟﻌﺪ ﺷﻌﺒﺎﻟﺞ ﻭﺍﺣﻨﺔ ﻣﻨﻘﻬﺮﻳﻦ ﻋﻠﻴﻬﺔ ﻭﺻﺎﺭ ﺍﻟﻨﺔ ﺷﻜﺪ ﺑﺲ ﻧﺮﻳﺪ ﻧﻀﺤﻜﻬﺎ ﺗﺎﻟﻲ ﻛﻠﻤﺔ ﻣﻦ ﻋﺮﺏ ﻛﺎﻣﺖ ﺗﻜﺮﻛﺮ
.. ﻟﻌﺪ ﻟﻴﺶ ﺍﻧﻲ ﺿﺎﻳﺠﺔ ﻏﻴﺮ ﻻﻥ ﻫﻮ ﺑﺎﻟﺴﺠﻦ
.. ﺍﻱ ﺍﻱ ﻳﻤﺔ ﺍﻟﺤﺐ ﻳﻤﺔ
ﻳﻘﻴﻦ .. ﺗﻌﺎﻟﻲ ﺧﻠﻲ ﺍﺣﻄﻠﺞ ﺷﻮﻳﺔ ﻣﻜﻴﺎﺝ
ﺟﻤﺮﺓ .. ﺍﻱ ﻭﺍﻟﻠﻪ ﺗﻌﺎﻟﻲ
ﺑﺪﺕ ﺗﺤﻄﻠﻲ ﻣﻜﻴﺎﺝ ﻭﻧﺴﻮﻟﻒ ﻟﺤﺪ ﻣﺎﺻﺎﺭ ﺍﻟﻤﻐﺮﺏ ﻭﺭﺍﺣﺖ ﺣﻨﻴﻦ ﻭ ﻳﻘﻴﻦ ﺻﻌﺪﻟﻲ ﻋﺮﺏ ﻭﻫﻮ ﻣﺤﻠﻖ ﺳﺘﻮﺓ ﻭﺍﻻﺑﺘﺴﺎﻣﺔ ﻣﺎﻟﻴﺔ ﻭﺟﻬﺔ ﻛﻠﺔ
ﻋﺮﺏ .. ﺷﻮﻛﺖ ﺗﺮﺟﻌﻴﻦ ﻭﺗﻨﻮﺭﻳﻦ ﺑﻴﺘﻲ
.. ﺑﻜﻴﻔﻚ
.. ﺑﺎﺟﺮ ﺍﺟﻲ ﺍﺧﺬﺝ ﺗﻤﺎﻡ
.. ﺗﻤﺎﻡ ﻭﻳﻦ ﺭﺍﻳﺢ ﻫﺴﺔ ﺍﻧﺖ
.. ﺍﺟﻴﺖ ﺣﺘﻰ ﺍﺷﻮﻓﺞ ﻭﺑﻌﺪﻳﻦ ﻃﺎﻟﻊ ﻻﻥ ﺍﻟﻮﻟﺪ ﻋﺰﻣﻮﻧﻲ
.. ﻫﺎﺍ ﻋﻮﺩ ﺟﻴﺒﻠﻲ ﺟﺒﺲ
.. ﻭﻻ ﺗﻤﻠﻴﻦ ﻣﻨﺔ
.. ﻻ ﻣﺎﺍﻣﻞ
.. ﺍﺩﻟﻠﻲ ﺗﺮﺩﻳﻦ ﺷﻲ ﺑﻌﺪ
.. ﻻ ﺳﻼﻣﺘﻚ ﺣﺒﻴﺒﻲ
ﻣﺮﻥ ﺍﺳﺒﻮﻋﻴﻦ ﻭﺣﺠﺰ ﻋﺮﺏ ﺣﺘﻰ ﻧﺮﻭﺡ ﻟﺘﺮﻛﻴﺎ ﺍﺣﻨﺔ ﻭﺑﻴﺖ ﻓﺮﺍﺱ ﻭﺑﻴﺖ ﻋﻠﻲ
ﻭﺍﻡ ﻋﺮﺏ ﻣﺎﻗﺒﻠﺖ ﺗﺠﻲ ﺷﻜﺪ ﺗﻮﺳﻠﻨﺔ ﺑﻴﻬﺔ ﺑﺲ ﻫﻲ ﻣﺘﺤﺐ ﺍﻟﺴﻔﺮ ﻭﺍﻧﻘﻬﺮ ﻋﺮﺏ ﻛﻠﺶ ﻻﻥ ﺭﺍﺩ ﻳﺎﺧﺬﻫﺎ ﻭﻳﺎﻧﺔ
ﺗﺎﻟﻲ ﺍﺧﺬﻫﺎ ﻭﻭﺩﻫﺎ ﺑﺒﻴﺖ ﺧﺎﻟﺘﺔ
ﺟﻬﺰﻧﺔ ﺍﻟﺠﻨﻂ ﻭﺭﺣﻨﺔ ﻟﻠﻤﻄﺎﺭ ﻭﺻﻌﺪﻧﺔ ﺑﺎﻟﻄﺎﺋﺮﺍﺕ ﻟﺤﺪ ﻣﺎﻭﺻﻠﻨﺔ ﻟﺘﺮﻛﻴﺎ ﻧﺰﻟﻨﺔ ﻛﻠﻨﺔ ﻭﻓﺮﺣﺎﻧﻴﻦ ﻻﻥ ﻣﺎﺍﻛﻮ ﺍﻱ ﻣﻌﺮﻗﻞ ﻟﺤﻴﺎﺗﻨﺔ ﻭﺍﺧﻴﺮﺍ ﺻﺎﺭﺕ ﻃﺒﻴﻌﻴﺔ
ﺍﻧﻲ ﺻﺢ ﺍﻛﻮ ﻧﻐﺰﺓ ﺑﻜﻠﺒﻲ ﻋﻠﻰ ﺍﻟﻄﻔﻞ ﺑﺲ ﻣﺎﺍﺑﻴﻨﻬﺔ ﻻﻥ ﻣﺎﺍﺣﺐ ﺍﻧﻜﺪ ﻋﻠﻰ ﻋﺮﺏ ﻭﺍﺻﻴﺮ ﻧﻜﺪﻳﺔ ﻭﺣﺰﻳﻨﺔ ﺑﺎﻟﻌﻜﺲ ﻣﻦ ﻳﺠﻲ ﺍﻛﻀﻴﻬﺔ ﺿﺤﻚ ﻭﺳﻮﺍﻟﻒ
ﻳﻘﻴﻦ .. ﺧﺮﺏ ﻳﺠﻨﻦ ﺍﻟﺠﻮ
ﻋﻠﻲ .. ﻣﺜﻠﺞ ﻳﺠﻨﻦ
ﻋﺮﺏ .. ﻫﺎﺍﺍ ﻫﺎﺍ ﺗﺘﻐﺰﻝ ﺑﻴﻬﺎ
.. ﺍﻱ ﺟﺎ ﻏﻴﺮ ﻣﺮﻳﺘﻲ
ﻋﺮﺏ .. ﻳﻼ ﻫﻨﺎ ﺳﻤﺎﺡ ﺍﻟﻚ
ﻋﻠﻲ .. ﺍﻧﺖ ﺷﻮ ﻻﺯﻙ ﻳﻤﻲ ﺩﺭﻭﺡ ﺭﻭﺡ ﺧﻠﻲ ﺍﺗﻮﻧﺲ ﺍﻧﻲ ﻣﻦ ﺍﺷﻮﻑ ﻭﺟﻬﻚ ﺗﻨﺴﺪ ﻧﻔﺴﻴﺘﻲ
ﻋﺮﺏ .. ﻻ ﻳﺎﺍﻟﻠﻪ ﺷﻨﻮ ﻫﻞ ﺻﺪﻓﺔ ﺍﻧﻲ ﻣﻦ ﺍﺭﻳﺪ ﺍﺻﻮﻡ ﻣﺎﺍﻋﺮﻑ ﺷﻠﻮﻥ ﺍﺳﺪ ﻧﻔﺴﻴﺘﻲ ﺑﺄﻱ ﻃﺮﻳﻘﺔ ﻑ ﺍﻃﻠﻊ ﺻﻮﺭﺗﻚ ﻣﺎﺷﺎﺀ ﺍﻟﻠﻪ ﻣﻔﻌﻮﻟﻬﺔ ﻛﻠﺶ ﻗﻮﻱ ﺣﺘﻰ ﺗﺴﺪ ﻧﻔﺴﻴﺘﻲ
.. ﻻ ﻳﺎﺳﻜﻂ
ﻓﺮﺍﺱ .. ﺑﻬﻞ ﺣﺎﻟﺔ ﻳﻌﻨﻲ ﺑﺲ ﺍﻧﻲ ﻭﺟﻬﻲ ﻳﺮﻳﺪ ﺍﻟﺮﻭﺡ
ﻋﺮﺏ .. ﻳﺎﻫﻮ ... )) ﻋﻴﺐ 😂️♀臘 ﻏﻠﺴﻮ ((
ﺟﻤﺮﺓ .. ﻣﺨﺘﺼﺮ ﺍﻟﻜﻼﻡ ﻣﺎﻛﻮ ﺭﺟﺎﻝ ﺣﻠﻮ ﺍﺣﻨﺔ ﺍﻟﺤﻠﻮﺍﺕ 😌
ﻓﺮﺍﺱ .. ﻋﺎﺩ ﺍﺣﻨﺔ ﻭﺭﺛﻨﺔ ﺍﻟﺠﻤﺎﻝ ﻣﻦ ﻳﻮﺳﻒ ﺍﻧﺘﻦ ﻛﻠﺸﻲ ﻣﺎﻛﻮ
ﺟﻤﺮﺓ .. ﺍﻟﻨﻮﻭﻭﻭﻡ
.. ﻋﻔﻴﺔ ﻋﻠﻴﺠﻦ
ﻋﺮﺏ .. ﻫﺴﺔ ﺭﺍﺡ ﺗﺘﻌﺎﺭﻛﻮﻥ ﻫﻨﺎ ﻣﻮ . ؟ ﻳﺎﺑﺔ ﺑﺲ ﺍﻧﻲ ﺍﻟﺤﻠﻮ ﻳﻼ ﺳﺪﻭ ﺍﻟﺴﺎﻟﻔﺔ
.. ﻫﻬﻬﻬﻬﻪ
ﺟﻤﺮﺓ .. ﺭﺣﻨﺔ ﻟﻠﻔﻨﺪﻕ ﻫﻨﺎﻙ ﺭﺗﺎﺣﻴﻨﺔ ﺷﻮﻳﺔ
ﻭﻃﻠﻌﻨﺔ ﺑﺮﺓ ﻧﻔﺘﺮ
ﺿﻠﻴﻨﺔ ﻫﻨﺎﻙ ﺳﺒﻮﻋﻴﻦ ﻛﻞ ﻳﻮﻡ ﻧﻄﻠﻊ ﻧﻔﺘﺮ ﻭﻧﺘﻮﻧﺲ ﻭﺍﻃﻚ ﺻﻮﺭ ﻳﻌﻨﻲ ﻣﻦ ﺻﺪﻙ ﺗﻐﻴﺮﺕ ﻧﻔﺴﻴﺘﻲ ﻭﻧﻔﺴﻴﺘﻨﺔ ﻛﻠﻨﺎ
ﻭﺻﺎﺭﺕ ﺍﻟﻄﻠﻌﺔ ﺍﺣﻠﻰ ﻻﻡ ﻛﻠﻨﺎ ﺭﺣﻨﺔ
ﺧﻠﺼﺖ ﻣﺪﻯ ﺍﻟﺴﻔﺮﺓ ﺭﺟﻌﻨﺔ ﻟﻠﻌﺮﺍﻕ
ﻣﻦ ﺭﺟﻌﻨﺔ ﻳﻘﻴﻦ ﻭﺣﻨﻴﻦ ﺣﻠﻠﻦ ﻭﻃﻠﻌﻦ ﺣﻮﺍﻣﻞ
ﺣﻴﻴﻞ ﻓﺮﺣﺖ ﺍﻟﻬﻦ ﻣﻦ ﺻﺪﻙ ﻓﺮﺣﻰ ﻻ ﺗﻮﺻﻒ ﻭﺍﺧﻴﺮﺍ ﺭﺍﺡ ﻳﺠﻮﻥ ﺍﻃﻔﺎﻝ ﻟﻠﺒﻴﺖ
ﻭﻫﺎﻱ ﻳﻘﻴﻦ ﻣﺘﺨﺒﻠﺔ ﺭﺍﺡ ﺗﺼﻴﺮ ﺍﻡ ﻭﺍﺧﻴﺮﺍ
ﺍﻧﻲ ﺍﺧﺮ ﺳﻨﺔ ﺑﺎﻟﻜﻠﻴﺔ ﻭﻣﺘﺤﻤﺴﺔ ﻛﻠﺶ ﻟﻠﺘﺨﺮﺝ