قصص عراقيه حقيقيه (منقولة).

#سلاسل_ذهب .. فاطمة_العبادي #البارت١٤ قرائة ممتعه كيكاتي 🖤.. لتنسون وصلو البارت ٨٠٠ تصويت احبكم شلع 😍 ( جماعه التعليقات السلبيه انقرضو الخاطر محمد ، ترا مو حلوة تسبوني وتسبون الابطال اذا ما يعجبكم رجاءا لا تقرون ) اتوجه ع معرض ياخذ السويج بدون مايباوعلي واصلا ما انتبه ع وجودي وحاجة امي وكال .. خابروني علي .. مااااات .. اني يعني صافنه علي شلون اخذ السويج وطلع واصلا ما منتبهة ع نفسي وبعدهة ما وصلت اليه يا علي؟؟ اباوع الامي تبجي وتدك ع وجهة .. ... صخام يبوووي هوا هذا حظج يا ذهب عليمن يطلع امدا حظج يمة هم ما ترتاحين صخام بوجهج موج ع هاي المصيبه ذهب .. يمةةة!!!! لا .. لا تكولين علي؟؟ علي خطيبي مات!!؟؟ كولي لا فدوة كولي لااااا... موج .. اي يمة اي مات يبووي هاي جانت عايزة التمت ع روسنه المصايب .. كمت بسرعه مصدومة ما مصدكة فتحت الباب وطلعت اركض بلشارع وين رايحة ما اعرف ؟ شنو صار بيه ما اعرف .. كل الي اعرفة اني دا اواجه مصيبه جبيرة وطاحت ع راسي .. جنت اركض ودموعي تنزل بقهر واشهك .. من جهة هذا الشخص الاول بحياتي حبيته من نخطبنه عيشني اجمل لحضات وصرت متعلقه بي وصار اماني وحبي .. ومن جهة اني مو بنيه وخطيبي مات ، منو راح يصدك اني ما مسوية شي حرام .. منو راح يصدك اني نجبرت اصلا من قبل علي .. اركض جنت اريد اوصل لبيت عمتي سوسن لان قريب علينه اريد اوصل وأتأكد من معن لان صديق علي .. ما احس الة نصدمت بشي صدمة قوية نشمرت بلكاع وفقدت .. ........................................ وجع ابطني مو طبيعي وراسي صار ثگيل حيل ، اريد افتح عيوني ماكدر احس الجفن ثكيل حيل ما اكدر افتحه .. اسمع أصوات ما اعرف اذا حلم لو حقيقه ، اسمع صوت اخوي ايي هذا صوت سراج اخوي!! بس شنو جاي يكول .. سراج .. وحك هوا العباس اذا ما اذبحهة اطلع مو ابن ابوي ، وأكبر دليل ع علمتهة السودة جانت صاحبة هاجر مرت سليمان اتوقع كلشي منهة اذبحهة واغسل عاري .. ذهب .. ايي هذا سراج اخوي ، يذبح منو؟؟؟ منو صديقة هاجر الي يذبحهة؟ معقولة اني؟؟؟ بس اني شنو مسوية حتى يذبحني؟ علي وين شو ما جاي اسمع صوته يمهم؟! معقولة تخلى عني لو كال لسراج اخوي ع صار ودار السالفه ضدي .. شنو هذا الوجع القاتل الي جاي احس بي ، احس روحي جاي اتكطع من كل مكان .. ...لو سمحتو طلعو برا ترا هاي مستشفى مو لعب لو ساحة مصارعه كلشي عدكم تكدرون تناقشونه برا المستشفى كلهة .. سراج .. راح اسويلهة تسجيل خروج ع مسؤليتنه عود ناخذهة لغير مستشفى .. ... شنو تحجي انته ترا انته هددت بقتل البنيه والشرطة هنا والسالفه صارت بيهة قانون رجاءا اتفضل اطلع برا .. ما اسمع اله سراج يسب ويشتم وعمو شوقي يكلة مو بكيفك اطلع والله اطيح حظك .. صار هدوء ما اعرف ليش من شفت الهدوء اجتني القوة افتح عيوني حتى اعرف شنو جاي يصير من حولي .. فتحت عيوني بلكوة احاول استوعب اباوع للمكان وللبنيه الي يطلع عمرها بداية الثلاثين لابسه ملابس دكتورة .. يعني كلشي حولي يثبت اني بلمستشفى . زين شنو جابني شنو وصلني هنا وليش امي ماكو وعلي وين؟.. نصعقت من قوة الوجع الي براسي ردت ارفع ايدي احطهة ع راسي جانت ملفوفة بلفاف .. تقربت الدكتورة هيه بعيونهة نظرة حذر وكالت .. الحمدالله ع سلامتج ذهب .. هزيت راسي الهة لان الصوت ماكو مايطلع .. عدلت كعدتي ونطتني ماي شربت .. شوية كدرت استرجع قوتي كأن الماي رجع الحياة الجسمي بعد ما جنت فاقدتهة .. ذهب .. اني شسوي.... هنا ... احس بوجع ..و....و....قاطعتني وهيه تكمل ع كلامي .. ..تحسين بوجع هاي لان مسقطة طفل ومسوية حادث يعني طبيعي هذا الوجع .. هسه نطيتج إبرا مسكن شوية وتصيرين احسن عليهة ان شاءالله .. اني مثل الي نصعقت وحسيت او تذكرت المصيبة لا لا اتذكرت كومة المصايب الي واسمعه ع راسي .. اني مو بنيه! وعلي مات! وفوكاها الدكتورة تكول مسقطه طفل! وسراج اخوي!!!! اكيد هسه عرفو كلشي وسراج يقصدني اني ، اني الي يريد يذبحني .. هاي المصايب كلهة فوك راسي ، حسيت بلوية بداخلي من كد ما صعب الموقف عليه .. نار شتعلت ، صارت بداخلي نار تلهب بركان وثار بداخلي هيج جنت احس نفسي ماكدر أوصف نفسي بغير كلمة بركان بداخلي وحرك الأكو والماكو ، حترك بداخلي الأخضر واليابس .. حاجتني الدكتورة .. ذهب اهدي شوية لازم تسمعيني زين ، انتي صارلج اسبوع كامل هنا بلمستشفى .. شوفي يردون اهلج يقتلونج وصار عليهم تبليغ وهسه سالفتج صار بيهة شرطة .. انصحج نصيحة لا تخافين واحجي كلشي واحجي الحقيقه بلكت ولعل احد يكدر يساعدج .. اني مجبورة اكلج هذا الكلام رغم اعرف هوا صعب ، بس انتي هسه مهددة بلقتل يعني اني راح ادخل الضابط عليج انتي كولي سمعت صوت اخوي يريد يقتلني وجان يهدد .. بلكي ولعل يكدرون ياخذونه وحد ما يكمل ويطلع بلكي هادية النار الي بي ..