قصص عراقيه حقيقيه (منقولة).

فصلية لشيوخ(فصلية الزمن) بارت .20 يمر طيفك ابالي واصرخ ..... الله چن صورة شعر لو مرت ابيت تمنيتك نفس..... وية شهگة الروح وانة ادريها صعبببة بس تمنييييت اعدلك... بالاصابع صارلي هواي تجيني وما تجيني.... وعمر عديت ردت اعرف البيك .... وين ما وين ورسايل ع الغيوم شكثر وديت وناذر لو تجيني بگلب مفتوح اطش روحي ع دربك كوووم چكليت 😍🌹😘 ___________________________________ العم: هااا دكتور بشر شلونها المريضة الدكتور: الحمدالله نجحت العملية بس بعدهي ممعدية مرحلة الخطر وحتكون تحت المراقبة لمدة 48 ساعة اذا تعدتهم يزول الخطر عنها بس اذا لا العلم عند الله لانو اصابتها عميقة وقريبة على بيت الرحم ولهذا اعراض جانبية المهم الحمدالله ع سلامتهة العم: مشكور دكتور متقصر حور: بقينة مصدومين يعني يومين تحت المراقبة يارب يعديهة ع خير وتگوم بالسلامة دعوة يتيم يارب..... بقينة بالمستشفى بس راحو بيت عمام وخوال زمن بقينة اني وامي وخالتي والبنات وعمي وزمن وبسام وحسام وحسين والبقية راحوا المهم مرت ساعة واثنين وتلاثة وبعدنة منتظرين بس كلها بأديها القران وتدعي وتنخي الله يسهل علينا وعلى حوراء ويگومها بالسلامة خطية... لشوي اجة زمن گال.... زمن: رحت الامي وحوري گتلهن... يمة حوري يالله خلي اوديچن للبيت وانشاءالله باچر اجيبكم الام: لا يمة اني ابقى اخذ حورية وروحوا حور: لا يمة ابقى يمچ الام: لا يمة روحي احسن لان غيوثي مو زين علي ريحتة المستشفة تمرض يالله يمة زمن اخذ مرتك وروح وانشاءالله ربك يحلها ولا تخلي حورية الوحدها بالبيت يمة ما اوصيك زمن: انشاءالله يمة.... يالله حوري تعالي حور: صار اجيت.. يالله يمة مع السلامة وطمنيني يمة مو تنسين اذا صار شي الام: انشاءالله يمة .... يالله روحوا هسة حور: ودعناهم كلهم وصعدنا بالسيارة گعدت بالصدر وغيوثي بحضني وزمن يسوق خطرت بالي سمية شحيصير وياها وشنو مصيرها ومصيرنا گلت خلي اسأل زمن.... احم اگول زمن زمن: عيونة وگلبة وروحة گولي حور: خجلت هواية من كلامة احنة وين وهو وين شوف انة شلون المهم گتلة.... احم تسلم عيونك بس عندي سؤال زمن: جواب حور: شيصير وية سمية وشنو مصيرها واحنة اقصد غيوثي مهما يكون سمية امة شنو حيكون مصيرة وشلون حتتصرف فهمني لانو اني هواية خايفة علي تعرفي اموت اذا تأذة زمن: اشششش اسم الله عليچ حياتي.... اووووف اوووف من سمية سمية حالياً موقفة بالقسم وحتكون محاكمتها ورى متگعد حوراء بس هسة توقيف واذا حكموا عليها اقل شي تاخذ 6 الى 7 سنوات بتهمة القتل المتعمد مع وجود شهود ودلائل وبصمات واحنة بس تاخذ سمية حكمها حاخذكم كلكم خارج العراق انعيش هناك احسن لانو الاوضاع بالعراق هذي الايام كلش مو زينة (( هذا الكلام بسنة 2014)) بسبب دخول داعش والمنظمات الارهابية للعراق..... وهسة وانزلي لانو وصلنا يالله حور: صار... گتلة هيچ ودخلنا للبيت بس بالي بقى مشغول بكلام زمن...... صحيح المنظمات الارهابية دخلت الانبار والرمادي وبغداد وغيرهم والجيش العراقي مجاي يگدر يناضل وحدة لهذا صار عدنة هسة الشباب العامة يرحون يجاهدون ويضحون بحياتهم ويتركون وراهم ناس تحبهم وتموت عليهم وهذا الي يكون وحيد امة ويتركها وهذا الي يكون سند اخواته وتركهن وهذا الي ترك مرتة واطفالة ويكونون اطفالة صغار ومشابعين من حنانة وينكتب عليهم يكونون اطفال الشهيد يعيشون حياتهم من دون اب ويكون الحمل ع امهم چبير وخاصة اذا ما عدهم معيل او مساعد يساعدهم ويعينهم تكون هوووواية هووواية صعبة العيشة وتربية الاطفال وفوگ هذا تكون شفقة الناس عليهم واذا اي شخص انطة شي ولو حتى اذا ميريدة او مشگگ يصير منة وين ميروح يگول والله اني انطيت لفلان هالگد وانطيتة البارحة هذا وانطيتة قبلة هيچ حتى اذا منطي شي قليل يروح يسوي بكبر بغداد وللاسف هذا واقعنا المرير بهذي الايام الانانية والطمع وحب الذات والوضع السادي صار فوق الكل و الجميع..... هذا اذا امهم بقد موجودة وياهم مراح اگول توفت لانو بالنسبة للبعض تكون امهم متوفية ولا الخذلان الي بقتة والي سوتة الهم كفيل بأنو يعتبروها ميتة وهي ع قيد الحياة.... يمكن البعض منكم مفهم مغزى كلامي بس اقروا زين وحتفهمون المغزى منة... لهذا حافظوا على نفسكم ادور حافظوا على حياة اطفالكم.... هسة تگولون انتي طفلة واسكتي احنة اكبر واوعة وافهم منچ... بس احب اگوللكم انتو انتو غلطانين هووووواية الفهم والوعي والاستيعاب والكبر كبر العقل مو العمر لانو العمر مجرد رقم زمني لا اكثر الي جاي تحچي اليوم بنية عمرها الزمني 16 سنة بس عمر عقلها بعمر جال عمرة 90 سنة هسة تگولون انتي تبالغين وكذا لا اني ما ابالغ واي مرأة او بنية تگدر تكون مثلي او مثل اي مراة او بنية غيري كوني فاهمة واعية اكثر وتگدرين تبنين حياتچ ومستقبلچ من جديد حتى اذا چنتي مكسورة او مخذولة ابني انثىجديدة من حطام انثى