427
احمد
/اتشاقه وياج والله اصلا جسمج يخبل كعدني عل قنفه اجتي كبل خاله ام احمد ونور يركضن وعمو ابو احمد
يمه شبيهه البنيه شسويتلهه هاي ليش رجلهه ملفلفه هيج
باوعت عل احمد حاير بالاجابه
سمير ابو احمد/احمد شبيهه البنيه اكو شي صاير مندري بي فهمني
احمد/يابه مابيهه شي دخل كزاز الرجلهه
ام احمد/كزاز وين لكته اصلا طلعتكم كلهه ممقتنعه بيهه ابني اكو شي ضامي علينه
احمد/يمه ماكو اي شي
ام احمد/بلله هسه اني الناس من تجي وتجوف البنيه هيج شيكولون
والله ياربي كلشي مداافهم من وراك كلشي غموض عندك
نور/الحمدلله على سلامتج منار
منار/الله يسلمج
بعدهه تفرقو كل واحد مكانه
سمير/احمد تعال وياي رايدك
احمد/جايك يابه
بعدهه طلع احمد ضليت كاعده عل قنفه بالاستقبال وحدي صارت بالنص ساعه كمت اسحل برجلي سحل والوجع موتني من اظغط عليهه
وصلت الباب المطبخ جان صوت نور وام احمد واضح
نور/ماما والله هاي البنيه مو طبيعيه يمكن مخبله
ام احمد/شلون شعرفج بيهه شو اني مشفت شي
نور/ماما مرات اشوفهه تحجي وحدهه والله شبيج
ام احمد/ادري واخوج شنو يعني يعرف اكيد ميعرف وبعدين اني مااحكم عليهه الا اشوف بعيني
يجوز انت متوهمه
جنت دااريد ارجع بس درت لكيت احمد ورايه
احمد/شتسوين ليش واكفه
منار/عطشانه ورجلي وجعتني ومكدرت اكمل
احمد/جان صحتيلي
منار/مااعرف بعيد عليه انت
احمد/اوكفي خل اجيبلج مي حتى اصعدج
ظليت واكفه انتظر احمد جابلي المي ورجع شالني
نور/يمه يمه لو شايفه اللقطه هسه فاتتج
ام احمد /شنيه شبيج خرعتيني
نور/تدرين احمد شالهه وصعدهه هههخ
ام احمد/هنا بنات هالوكت بس يتعايرن لعد شعبالج وبعد وبعد
نور/والله عمي الدنيا حظوظ
منار/من شالني احمد حسيت نفسي بمسلسل الله شكد حلو هالشي
صار وجهي قريب على وجهه نظرات بيناتنه وكومه مزيج من المشاعر كلبي يدك سريع ونبضات كلبه هم مسموعه وصلت للجربايه نزلني وصار قريب عليه
قرب شفته من شفتي
وفزيت من تخايل عقلي بصوته
احمد/منارر شبيح ولج ليش هيج تباوعين وتتبسمين خوفتيني
منار/ههههه لا ماكو شي ممتعوده على هذا الاهتمام
احمد/هسه بس تطيب رجلج اطلعه من خشمج ههههه
منار/هههههه
بعدهه نزل احمد عززه بعينج منار هسه حتى احمد عباله انت مخبله مو بس اهله
شمدريني تخيلت خيال حلو هسه شكو بيهه لو حقيقه
تمددت عل جربايه وكمت اتخايلانو احمد يحبني اللحظه سكتت عقلي هااا منار بعدج مطايبه من ادهم تريدين تورطين روحج بجني ثاني
انفتح بابا الغرفه ودخل احمد الايات القرآنيه الجابهن واني كاعده اباوع علي واتأمل وتذكرت بالبدايه من مرتاحيتله
وهسه كلشي بيه يتمنا
مع العلم صار يومين بس
مرت الايام وحاربنه اني واحمد سوه بالقران جان ويايه يصلي ويقرا قرآن مرت ١٠ يوم وكاكو شي مظهرلي اي شي بس مو بسبب السيد لان مقتنعت بي بسبب الصلاة والقرآن لان قبل لا ابلش بالصلاه والقران هم طلعلي بس بصوت بدون مااشوفه يعني علاج السيد قليل بس القرآن والتقرب الرب العالمين هو سلاحي ضده
سويت سبعه وحيل فرحت بوقتهه بس احمد الحد هاي اللحظه ممتقربلي ابد
احمد/منار
منار/نعم
جنه نايمين عل جربايه
احمد/ تدرين بفضلج اني تقربت الرب العالمين
منار/وتعرف اني بداخلي اكول انو بفضلك تقربت الرب العالمين
احمد/هههههه هي الحقيقه بفضل ادهم هههههخ
منار/🙄
احمد/منار سولفيلي ليش هيج صار عندج
منار/شنوو وشمدريني اني هو طلع وحده
احمد/مممم
زين هم اكو جنيه عاشقه
زين اذا طلعتلي جنيه عاشقه هم تضوجين
منار/شنووو وشمدريني اني شكالولك عليه
احمد/مممم كالولي تحبين جني وعندج علاقه ويا
منار/احب جني شبيك احمد ليش دتخوفني
احمد/منار البارحه سمعتج
منار/شسمعت
احمد/سمعتج تكولين احبك ادهم
منار/اني اكيد متوهم انت
احمد/لا ممتوهم
كام وكعد
منار/اباوع هذا ديحجي صدوك لو يتشاقه احمد
شكو منار
انت دتتشاقه مو
لا مااتشاقه
منار/عززه هذا يحجي صدوك لو يتشاقه
احمد/منار صليتي اليوم
منار/اي صليت
باوعت شو هذا كام
شنو هذة يغار من جني
وره شويه رجع اظاهر رايح للحمام اجه متنك وزعلان
احمد/باعي منار تره مالي خلك هاي الءوالف
منار/اي سوالف
احمد/مال جو مدري شنو
منار/واني شمسويه
احمد /تحلمين بي
منار/مااتذكر حلمت بي
احمد/ منار صار ١٠ يوم متزوجين
منار/يعني
احمد/يعني ١٠ يوم واحنه ولا كانما متزوحين هاي بجامتج العريضه مال مستشفى المجانين هي وتشيرتج كرهتن
باوعت على بجامتي طبيعيه واصلا خلوه هذا شبي يتحجج عليه
احمد لعد شلبس وبعدين اني هاي اول مره اللبسه
احمد/اي نفس التراكسودات يوميه تلبسين يعني
يعني نامي منار نامي