قصص عراقيه حقيقيه (منقولة).

#المتسولة بقلمي ام مصطفى البارت السادس عشر مساء الخير ع عيونكم متابعيني ❤❤❤❤❤ ربع ساعه وصل الضابط احنه مفتحنا الباب ابد بس نسنط من وره الباب من وصل يله سليمة فتحت الباب كاله شعندك هنا ليش تتهجم ع البيوت كاله هاي عمتي وذيج خطيبتي سليمة جاوبته عماك البين وطكك بعصتين يوميه متهجم علي وسكران شرايد ولك ماتريدك البت كوه خوما كوه وسام ضربه راشدي كلب حقير تتهجم ع نسوان صعده بالسياره ورجع حاجانه كل بس اكرص اذانه واطلعه لا تخافون كالتله ع راحتك مريم كال شلون صرتي فتحتي الاخياط اي اليوم فتحته اي الحمد لله بس لا توكفين عليها بعده الجرح اخضر كتله اي هي توجعني عبالك مورمه اي شفتي ارتاحي ولا اطلعين كال اني رايح محتاجين شي لا سلامتك راح بس ولا جنه وسام متغير وشايل الدنيا ع راسه ومهموم رجعت ع فراشي سليمة كالت باجر اطلعين كافي عشرة ايام كاعده يمه شلون اطلع رجلي توجعني اي عادي اكعدي كعده مااكدر الدنيا بارده وخاف الكاع تصل علي اكلج مو حلتلج الكعده باجر اطلعين ورجلج فوك راسج سمعتي لولا شنو كاعده اصرف عليج جبتج عون لو فرعون منين جبتيني احجي من بطني جبتج لا اني مو بتج كليلي اهلي وين ريحيني كافي ولج اكلج اني امج وذولاك الناس بقيتج عدهم ورجعت اخذتج كم مره اعيده الج الف مره مااصدكج اجت ضرتني ولزمتني من ايدي حيل غصبن عليج اصدكين سمعتي لولا وباجر اطلعين كافي صرفت الفلوس كلها عليج والضابط ابتعدي منا سمعتي لولا لا تخليني ازوجج للويث واخلص منج شبيج علي ليش هيج انكلبتي شجاج من تصرفاتج غير شعدج وي الضابط هااا شجنتوا اتسون سوه وبنفس المكان وانتوا الوحيدين الي مامتأذين هواي جنت اجدي وجابلي اكل ماعدي شي وياه الف مره اكلج كافي كافي ياربي اني ليش مامتت وخلصت ليش بقيتني جان بدلتني بمرتضى هو صاحب عايله واني شعدي متسوله بالشوارع والله متت كرهت روحي كرهت عيشتي تعبت تعبت كمت اصرخ وابجي كالت هاي عيشتج وهذا الموجود والي يباوع ليفوك تنكسر ركبته خايبه حتى لو صدك يحبج الضابط شنو اهله راح يقبلون ياخذ مجدايه من الشوارع اصحي بابا اصحي هذا مبين عليه ابن خير شوفيه احتركت سيارتة وثاني يوم جاب غيرها من كد ما فلوسه زايده خيبه ميتيت عليج ياخذوج لابنهم كتلها ادري افتهم الف مره اكلج ماعدي شي وياه ساعدني وكافي ذبحتيني نشوف بالله يجي يوم وتنكشفين وباجر اطلعين سمعتي لولا لفيت راسي ونمت سلمت امري لله سليمة وحده ظالمه ماعدها مخافت الله صدك تعلقت بيه بس اتبيع ابوها ع الفلس ومرات احسها بيها حاله نفسيه مال فلوس تجمع وماملحكة... الصبح كعدت اجر برجلي جر ورحت رجعت لمكاني اووف كلشي متغير بانين مسقف جديد امشي واشوف خالين صورة مرتضى مسوين جداريه وخالين صورته وصور الشهداء البقيه اووف شلون ضاحك وكفت يم الصوره كمت ابجي الله يرحمك مرتضى مبري الذمه ليوم الدين ربي يرزقك الجنه اوووف شلون راح اشتغل وصورتك كبالي متت بجي وقهر ادنيت من الصوره وفرشت كارتونه خليتها بالكاع وكعدت اجدي ماده رجلي وابجي ومنو فات يشمر علي ساعة هيج وشافني وسام بسرعه اجه هاي شجاي سوين ليش اجيتي كتله امي جبرتني اجي ليش يمعوده جرحج بعده اخضر كتله شسوي حكم القوي ع الضعيف صدك جذب بله هاي امج هم ام متخاف عليج اني كلت يجوز متخليج بعد اجدين وتكعدين بالبيت انوب طلعتج وانت مريضة شسوي ماعدها احساس تريد فلوس كل همها الفلوس كال كومي كومي وين خليني كاعده هنا مااريد اشوف صورة مرتضى شبعت بجي عليه شكد قبل اذاني ويتحرش بيه بس وراها تسامح مني ووعدني يصير اخ وسند وكال ابريني الذمه اووف ياربي ليش هيج صاحب عايله كال مريم هنياله مات شهيد تدرين مرتضى هو جان يفتش بالسياره من شاف المتفجرات ركض فتح الباب راد ينزل الارهابي الي فجر روحه بس مالحك بسرعه فجر نفسه جان يكدر يشرد ويبتعد بس هو بطل راد يحمي اهله وو شعبه ضحى بروحه لاجل احنه نعيش هنيأ اله الجنه وسفه ابطال تموت وانذال تعيش وسفه كومي كومي عدي حجي وياج تعالي هناك اكعدج يم المسقف اخذيلج كرسي احسن شدعي ع امج هاي مو ام عدوه الي تكعد بتها بهيج وضع مو ام هاي كمت من المكان لزم ايدي واني اعرج اي مو امي لو امي جان مكعدتني بالشارع مو امي هاي احجي وي روحي دخلت يم المسقف قوه جديده جايه وجنود جدد سئلته ع عمو ابو غايب ومحمد شلون صاروا كال زينين بس منطينهم اجازه مفتوحه خلي يتعافون وانت ليش مااخذت مو مضروب هم بكتفك اني زين اصابتي خفيفه وليبره اذا اكعد منو الهم اشو كلها اصوبت واستشهدت بعدين اني مااحب اكعد بالبيت اختنك من كعدت البيت هسه تعاي لا تنسيني البارحه من اخذت ابن خالج كتلته كتله محترمة وبعدين فتشناه طلع بجيبه حبوب كبسلة وحشيشه وكبرت السالفة