قصص عراقيه حقيقيه (منقولة).

كلبي خفك وعيوني تسعت بدون شعور نهضت منتفضه كفيت الغطه وسويت الدرج بايتين وهيه ورايه وصلت الباب الله نطاني الصبر حتى مادفره تصنطت هدواء وكل صوت ماكو باوعت عليها صامه حلكه تضحك عرفته نصبه خزرته ضحكت ونزلت تركض نزلت اهرور وروحي تركض قبل رجليه قبل ميطلع ويشوفيني شيكول عليه لزمته بلغرفه موتته تكرص وضرب وهيه تضحك ودكول اريد اصالحكم والله عفته ورجعت لفراشي اغم بنفسي شبيه اني مو علساس مالي شغله بي وميهمني شبيه ندفعت ورحت اركض اي هوه اني معليه بي بس رحت حتى اكشفه واخزي اكله شوف بعدك على سوالفك اسئل وجاوب نفسي ابرر عملتي إلى أن نمت أيام مرت واني متجاهلته رجعنه نكعد عل اكل سوه عيونه واريه واني بنضره ماعبره كمت اهتم بنفسي لنفسي مواله حتى ليكول جانت مرتبه علمودي هذا الشي خلاه يتشعوط يباوع ورايه وميكدر يوصلني تصدف يحاجيني عل جهال حتى مااجاوبه شهرين شوفته الويل عمتي طكت روحه عمه ميصير موكافي تره الرجال يمل ويزهك وفهد روحه زغيره عاقبتي كافي كل يوم انام يمها دكول كومي اصعدي لغرفتج وين يروح الرجال اعوفه والف راسي وانام مرتين راسلني بليل يكلي اريدج اطفي الفون وانام مابطل ولا عافني كل جيه من الدوام يشوف ماكو احد يحاجيني همس اريدج كافي عاد ماسمعله من يلتحق أفكر اكول خاف طوخته وارجع اكول لا حتى يعرف اني ماريده جزت نفسي منه حاول عدت مرات وياي يكلي كسرت كلمتي ودست على نفسي حتى الوعد تبخر من كتلج مالي شغله بيج بس ماكدر حسي بيه أعوف المكان واكوم بردت حيل من ناحيته وكلبي تحجر ليوين والى متى مادري مره نزل من الدوام روحه بخشمه وعاكد حواجبه صعد مانزل للمغرب بدل وطلع صعدت وراه للغرفه لكيته كالبه عزلته ونزلت قبل جيته بلعشه كعد عل اعصابه وسمر دكلي كافي فكيهه فهد مبين بده ينفذ صبره لليل واني نايمه اني وجهال بجهه وعمتي بجه الثاني عمي ينام بلهول حسيته ورايه نايم يبوس بجتفي كومي عندي حجي وياج غطيت راسي سحب الغطه... لاطلعين صوتي الجهال نايمه هزيت راسي اي روح واني اجي وراك بتسم وكام كمت وراه بس طلع قفلت الباب ورجعت نمت راسلني فشر وغلط وكفر لحد ماتعب مهتميت ثاني يوم جان بوده يكطعني بنهارهه حصرني بغرفه عمتي جانت بره هيه والجهال يمها ردت ابعده وافتح الباب ضرب عل حايط شرايده شرايده بس فهميني راح يصير ٣اشهر ابويه سمطي ماريد شي بس عوفني بحالي افتح الباب خل اطلع لج يابه يا امه الدنيه يا امه الكائنات مو شعلتي اهلي ارسيلج عل بر كليلي اكرهك يعني لومادري تحبيني جان كلت هيه اصلا تكرهني وهيج دسوي سكتت احجي جاوبي كولي اكرهك حتى امل منج واضرب كلبي بلقندره وابطل منج ليش انت تحبني حتى تضرب كلبك؟ لتكفريني بربج لعد هذا الداسوي شنو مو هاي الشهور كله شوفتيني النبي عربي موعلمودي علمود نفسك وماتصور منتضرني ادري بيك متصبر روح شوف شلون مشبعها بدوام ضيك عينه دك عل دماغي... انتي مخبله بس كليلي يعني اني داصالحج علمود النومه انتي غبيه لو تتغابين شنو بنضرج اني حيوان محشوم بس دذكرني ليش رجعت العبير يجوز جان بيها شي تحبه وشتاقيتله وهل رحت تعالجه بلكت تحصله لا انتي ابد موصاحيه فيوزاتج ضربن وراح تطيرين فيوزاتي واهجم الدنيه لج وين الخوف البعيونج من توكفين بوجهي شنو هل صلافه وهذا الكلام راااح ببببح مدام تسوي شغلات ومتحسبلي حساب اني هم بعد ماحسبلك حساب حجيته وطلعت ركض وصلت يم باب المطبخ لتفت شفته يضحك متخوصر حتى جتافه تهتز رفعت حاجبي ضحك أعلى لازم بطنه ومن بين ضحكته كال اي مبين متخافين  عفته ورحت يم عمتي وخلص اليوم كر وفر اني وياه حرب بنضارت العيون حتى نمر علمه يكله كول الماما خل نام بغرفته والفطير يجي يكلي ماما روحي لغرفتكم يم بابا هاي غرفته اني ويوم اعرفه هوه يكله تكررت هاي الحاله كل نزله من الدوام ينزل نص اليل من الغرفه الكاه حاضني ونايم لو حاضن الجهال عمتي مرتين رزلتني كالت عيب عليكم لاطش بصفج اليل كله اخذي واصعدي لغرفتح تره بهذلتي ومن يخونج دكولين ليش خاني آخر شي هيه عافت الغرفه وراحت للهول يم عمي اني مادري بس بليل لكيت فهد نايم فوكايه تخبلت كمت ادفع بي وووخر شجاك انت كل عقلك عمتي نايمه وخرر عيب عليك ضام الضحكه يكلي ... مشكلتج مرتي وبكيفي صار كومه اتوسل بيج تجين للغرفه وانتي معنفصه فهد لا انت موصاحي عزززه راح نتخزه وخر ولايمه نزع يجرجر بهدومي ردت ابجي من الفشله واتخيل عمتي تباوع علينه من سواه صدك وتقرب دفن رأسه بركبتي باسه برقه همس اجذب عليج امي ماكو والباب مقفوله اسكتي عاد مومشتاقلج سكتت وهدات وهوه اخذ راحته بس اني تيبست خبلته صرت جثه هامده خليته يسب بنفسه ويغلط كمل وعافني وطلع من الغرفه بجيت عليه وعلى نفسي شكد بردت من ناحيته وين جنت اذوب بين اديه مثل الثلج من يتحول مي