قصص عراقيه حقيقيه (منقولة).

وحذام بعده عل علاقته بهديل ويمكن اقوه اسمعه يخابرهه وكم مره فتح كامره وجاب الفون يشوفهه الجهال ومرات تسلم عليه جهالي كبرو وكثرت طلباتهم كلشي شايفي رايدي الايام تركض ركض وكلهه متشابهه واليوم السنه مال سلام وام رقيه من اليل خابرتني كالت باجر من الصبح تجين راح نسوي ثواب وعازمين جنت متردده لن ماريد اشوف بارق بعدني مناسيه سالفته بس دافنتهه بكلبي بس لازم اروح شدكول عليه العالم من الصبح رحت اني وامي وصدك جانو كرايبهم موجودين وعمتي نفس وضعهه ويمكن اسوه من قبل بس تباوع بلوجوه وجهالي من ايد الايد مكيفين بيهم وهمه هم منطلقين لن جانو محبوسين ام رقيه وايناس محزمات ويركضن عل طبخ وعل بيت بس اني مادري شبيه بيتهم تخيططت ونعادت كل ذكرياتي لاكمت ولاتحركت كاعده حالي حال الخطار وشريط حياتي بهذا البيت كله يمر من كدامي لاتغديت ولاالي نفس حتى أحلام نتبهتلي بس ماحجت وبعد الغداء كلتلي اصعدي لبيتج تره عل حطته من عفتي اذا تردين اخذي امج وممدي فوك مقبلت وردت ارجع بس هيه أصرت كالت حاره عل جهال عود العصر اصعدي نيمهم تعبو صحت امي ملتهيه ويه النسوان تسولف شلت جهالي وصعدت صدك البيت عل حطه وكلشي بمكانه فتحت غرفتي شغلت المكيف طفيت الضوه جبت الجهال حطيتهم بصفي عل جربايه همه يغفون واني افكر شوف الهدوء لاهوسه ولا اساور ولاجهاله حتى الجهال من التعب بسرعه نامو يوميه يشلعون كلبي وكلما غفو جفتو الجهال عليهم وفزو سرحانه وعيني عل جهالي وأيدي تمشي بشعر نور تحب هاي الحركة وجان تندك الباب راسن كلت فواتي يمه عبالي امي صعدت لحكتني الكنتور كدام الباب والجربايه وماشوف غير تنفتح الباب ويدخل بارق كمزت بسرعه وسحبت الشال عل راسي وهوه دنك كمت امتمت بلحجي من الخوف ا ا ا انت شعندك بغرفتي مجاوب بس يباوعلي واني صرت وره الجهال من الصفحه الثانيه كتله بارق اطلع الدتسوي موصحيح همس وهوه لازم الحائط وكيلون الباب شمسوي شنو شمسوي اي احد يجي يشوفك هنا يأخذه بغير قصد لعد تعاي داحجاجيج بلهول حجاهه وطلع واني بدون وعي طلعت اركض ونزلت جوه لاكاني خلدون جوه ويم الدرج يسلم عليه لن اني من جيت مشفتهم هم جانو عازمين زلم وملتهين وياهم هوه يسلم واني جسمي يختض ومادري شلون جاوبته رحت ركض عل امي يمه كومي دنروح يمه دنيه الضهر خل يكسر الجو حاره عل جهالج يمه هنا ختنكت كومي ندروح يله بكيفج اني شعندي هاي عباتي بس البسه انتي لمي غراض جهالج كمت من يمهه عقلي فاصل مدافكر بي شي ولااكدر احلل الصار فوك واحاول اصلن مافكر حتى اكون طبيعيه كمت الم بغراضي وايناس ورايه يولي وين رايحه بعدنه ماكعدنه جنت ملتهيه بلهوسه دكعدي دشوفج مجاوبته هيه تحجي واني اضم بحذيه الجهال ومندكه عل جنطه ياهبه وموياج هديل كبالي كتله هديل عفيه نزلي الجهال نايمين فوك ياء هاي شبيهه اني موداحاجيج اسفه ايناس مادري شبيه بس يمكن هبوط صار عندي لن دايخه حتى الدرج ماكدر اصعده واجيب الجهال عفيه هديل جيبيهم صار هسه اجيبهم كمت وكفت وايناس ممقنتعه زين خل اقيسلج الضغط اصبري خل اجيب جهاز عمتي ايناس الله يخليج كلشي ماريد بس اريد اروح للبيت هبه عليه كولي شبيج اشو حتى لونج مخطوف محاجيتهه عفته وطلعت لن اذا بيقيت شويه بعد راح ابجي وافضح نفسي هديل نزلت الجهال يبجون كالت بس شلت واحد فز وكعد الثاني وثنيتهم عاطو اخذتهم نور بجيهه عباره عن عياط يوسف اهون بقت هديل شايلته وامي كامت طلعنا وام رقيه تحجي عليه وين بهل ضهريه وين وصلنا باب الشارع وماشوف إل بارق مشغل السياره ومحضره صديت عل إم رقيه هاي شنو بارق يوصلنا اي لعد قابل ترحين تكسي وسياراتنه موجوده الشمس بعيني وهوه عينه علينه وايده عل ستيرن والجهال لجو لن توهم كاعدين بوست البنات وسلمنه وطلعنا صعدنه السياره ندار عليه مد ايده خزرني وكال بنتر حتى امي جانت تلم بعباتهه رفعت راسه ونتبهت جيبي يوسف تعال بابا اخذه حيل خلاه بحضنه وشغل ومشه السياره ثلج نور رجعت نامت ويوسف واكف عل رجليه ويفر بلسياره ويه طول الطريق عينه منزلت مني بس نضره غضب يباوعلي ويوسف ذبحني كل شويه وكال ماما عن عن هوه يكوله اي بابا اي من كله هاي الكلمه روحي حتركت هذا شايف نفسه شديفكر شنو باله لحد ماوصلنا بيتنه نزلنا وهوه هم نزل نطيت نور ال امي وداسحب يوسف ميقبل مجلب بي من تشيرته ويكمز برجليه ودافن راسه بركبته يريد يبقى بسياره هوه يكوله بابا حبيبي روح عل ماما اني موجبتلك عن مثلها انوب تشعوطت تليت يوسف حيل اجه كله بيدي وهوه زمخ عل كيفج وياه بنت ال وسكت خزرته وطبيت ويوسف مفرفح وصلت المطبخ اساور لابسه دشداشه تخزي مشرشبه ومدلعه من شافتني كالت ممممم شبي يبجي يبوووو شلون جنه خلصانين دا حجي طلع عصام بلشورت والفانيله تعديتهم ورحت للغرفه نزلت يوسف ودازع ملابسي وامي تحجي عل كيفهه