قصص عراقيه حقيقيه (منقولة).

#عراقي_الهوى للكاتبة ام مصطفى البارت الثامن مع الاسف طلعتي هيج -يعني شنو هيج -يعني وسكت امشي يله لا ابتلي بيج امشي مشيت واني ميته قهر وخوف حاولة ابررله -هادي ترة والله -اسسس صوتج مااسمعة حرامات فكرت بيج بيوم امشي لا ابتلي بيج بالشارع هسه كمت امشي وابجي بسرعة حكم علي بدون ميفتهم مني والله مسويت شي اني ابد وصلت للبيت كال -مااريد احد بعرف بالي صار ومدامني بالبيت لا شوفيني وجهج لحد ماترحين لبيتكم -كتله من هسه اروح -ياريت لان كرهت شوفتج بعد -انت ليش متخليني افهمك ليش حكمت علي -شتفهميني شفتج بعيني مع الاسف كلجن نفس الشي واني اكول اخذ بنت عمي اعرفها -طلعت غلطان من السمى للكاع -كافي هادي ترة زودتها جرني من ايدي لزمها حيل -وتراددين شكد صلفة فوك شينج كواة عينج لهالحجي احنه بالحوش مالت اهلة جريت ايدي حييل وفتت جوه مسحت دموعي وتقويت لكيت عمتي تصب غده ها عمة الله يساعدج -هلا بيج حبيبتي عمو كاعد ع ميز الطعام يم مرت عمي دنكت عليه وبستة وفتت جوة صادق جاي ها حبيبي شلونك بشر انطوك دروس -ايي هواية مواضيع فايتتني ديله فوت لغرفة البنات حتى نتغدة واكتبهم الك فتت مااعرف شلون صرت قوية متماسكة بس الدمع تنزل وحدة امسحها حيل بداخلي مقهورة لان احس نفسي انظلمت غيرت ملابسي البنات هم جايات كالوا نتغدة نطلع اني مااشتهي بس غدوا صدوقي وياكم شنو متشتهين دكومي يمعودة لا مااريد اكلت بالحانوت عود اذا جعت اكل من الثلاجة -ع راحتج بقيت بالغرفة عزلت ملابسي اخذت قميصي وقميص صدوقي وجواريبنا رحت غسلتهم بالحمام جان بصف الغرفة وشريتهم بالترك رجعت فتحت الكنتور لكيت رقية داكة علي جاوبتها شلونج مرتاحة يعني نص ونص شبيج زينب احسج مخنوكة -اي كلش -اكولج ماكو اخبار ع الولد -لا والله بس اليوم انباع بيتنه -صدك -اي والله بالليل يتكاتبون وراهب راح يشوفلنه بيت قريب ع المحل مالته -ها زين يعني قريب هم عةالمدرسه حتى لو اصعد نفرات -اي هم كال راهب احجي وي رقيه فات هادي ويامن تحجين وخزرني -يله بعدين اخابرج سديته -ليش سديتيه وجر مني منو هذا الشفتيني وسديته ومستغلتها فرصة وكت الغدة تحجين وياه -شبيك هاد اشرلي باصبعه اششش ولا كلمه فتح المبايل وطلع سجل المكالمات والرسائل فتشهم وشمر المبايل مالت راغب بوجهي وطلع بله ميحجي اختنكت بعبرتي اتمنيت ارجع بهاي اللحظه لبيتنا عساها ابخت من طشرنا كمت شلت المبايل قفلته وشمرته بالكنتور ونمت ع وجهي مقهورة اتمنى احجي لاحد بس المن اريد ابجي اريد اروحلة اوكلة اني مو هيج ماعندي شي وياه والله بس جانت كرامتي ماتسمحلي اكثر ......... راهب بالليل رحنا اني وابوي للدلال وتكاتبنا ع بيعة البيت يعز علينا نبيع البيت بس اخواني اعز من كولشي جبنا الفلوس واجينا اخذنا مهلة شهر ع ما نلكة بيت ونفرغ البيت مالتنا لان غراضنا كولها بالبيت جانت رجعنا لبيت اختي امي ها يمةة بشر انباع البيت يوم -عليه العوض ومنه العوض فدوه الكم البيت يمةة يمة اني السبب اني بهذلتكم -لا يمةة هذا قدرنا مو بس احنه هو العراق كله شابع ضيم يايوم ارتاحينه احنا خلصنلها حروب بحرب وحصار وضيم وهسه الامريكان علينا اجونا عون طلعوا فرعون -هسة شراح تسوون -اكو بيت قريب ع المحل بالشارع الثاني الكبال المحل ١٥٠ متر غرفين جوه واستقبال ومطبخ وصاله وفوك هم غرفتين محمد صاحبي كال اهله يردون يهاجرون خارج العراق ويردون بس يبيوعوه حتى لو بكسران باجر اروح اشوفه اخذ ابوي ونروح -اي خوش صيدة بلكت الله -والقاضي شوكت ترحولة -يمة هو كال اسبوعين -هسه صار اسبوع بس هم اخابر فضل يتصل عليه يكله دبرت الفلوس انطيه نص المبلغ ومن يطلعون الولد نص المبلغ اي يمةة فدوه تره تعبت ع فراك اخوتك ومابيه حيل بعد دنكت ع ايدها وبستها كله بسببي ادري سامحيني يمةة زينب ثاني يوم الصبح لبست وكلت اطلع بله ماايشوفني بسرعة طلعت اترخصت من عمي وطلعت وصلت باب الحوش وصوت وراي اوكفي اني اوصلج التفتت عليه لا شكرا اندل طريقي تره مو لسواد عيونج اوصلج بس عمي موصيني بيج واني جبتج ع مسؤوليتي عبالي .. وسكت -شعبالك كول -خل البس سترتي واجيب كراستي انتضري اووف شلون يربي تعبت اجة يله امشي امشي وهو كدامي لما شفت اسماء جايه رحت مشيت وياها صباح الخير صباح النور هو هذا ابن عمج اي يله امشينا شبيج شو جنج ضايجه منه -لا مو هيج ابد مالتفتت علي ضليت امشي وي اسماء دخلت للمدرسة كالت البارحة سعد خبلي ولج اجاني للبيت يكولي منو هذا كتله ابن عمها اووف اسماء فدوه ابن خالج خل يبتعد من طريقي تره سوالي مشكله اني لا بيها ولا عليها فدوه خلي يبتعد تره ابن عمي مثل مشفي يوميه يجيبني