1350
بقمة ضياعي جنت محتاج عنوانك
ومن صار ضلمة العمر حنيت لألوانك
مامقتنعلك رحت من احس روحـي طحت تلزمني قمصانك
انة اليعوف الهوة على حساب دخانك
اليفتح جفوفة الك من تسد بيبانك
شيفيد بيه البعد من افقد الذاكره يذكرني نسيانك
حاير واحس بخطر حيرة حمامة بمطر
لوما لكيتك وطن ماضال بغصانك
ماحاولت تلتفت تفتقد حنيتي
لو جنت كلشي الك لميتك من الهوه وضميتك بريتي
وذاك النطيتة الك مو وقتي عافيتي انة
الكبالك قوي ومكتمله شخصيتي
من راح خوفك كلت راحت اهميتي
هاي تاليتي تبتعد عني بسبب حرصي وانانيتي
تبتعد عني بوقت تعبانه نفسيتي
موكافي تضحيتي كلشي امتلكتة الك واولها حريتي
ومن تالي صرت انحسب سجنك وسجانك
من بـ؏ـد ذاك الوفه تشوفني خذلانك
المهم خصم الجرح
منا وجاي انتهت من كلبي ولسانك
ذاك الفراغ انملة وغيرك خذة مچانك
ماريد ترجع بعد هزيتة فنجانك
في امان الله من بشر مازعلك مرة
كلما تغثك شمس يوكف الك شجرة
وبأول دعائة جنت من يدخل بحضرة
في امان الله من بشر ماتعب عيونك
تلكة بلهفته حضن من يكتب شلونك
كلما يلوحك تعب دك ايدة بمتونك
في امان اللله من بشر يوكع قبل دمعك
انسان قبل الحجي يحس بيك ويسمعك
وجي تنتقد بي جنت عايش حسب طبعك
المهم لاتعتقد بجروحي ينسنك
ولاتحجي عني تره ماحاجي شي عنك
لا تستفزهن تره دمعاتي يأذنك
ودعوات امي الي باجر يعثرنك
من يحتويني البجي ويحضن السكتة الحجي چنك ولا جنك
وتسألني شو مختنك
هوه اني صح مختنك بس مختنك منك
والمهم خصم الجرح
منا وجاي انتهت من كلبي ولسانك
ماريد ترجع بعد هزيتة فنجانك💔👍🏻