896
على كيفك بعدلي برگبتك ذمة
وگبل لتروح هاگ الجرح واللچمة
ومن تنطيني ظهرك بعد لا تندار
واذا اشتاگلك يعني اني موزلمه
وابد لتكلي لا تشمر نعمتك عيب
انت تصير زين وتنحسب نعمه؟
ياكلمن حجيت بلحضة استهزاء
ماترجع بعد من تطلع الكلمه
مستغرب عليمن؟ ليش؟شو محتار؟ اشرحلك الصاير حتى تفتهمه؟
موذاك الحزن حاسب حساب تخون
لان بعض البشر ؏ الشينه يتوازه
وصحيح اعتازلك بس هيه حسبه ليل
الصبح يفرجها ربك ماتضل عازه
ماميت عليك هواي عندي اعزاز
اذا ينقص چتف متطيح الجنازه
شال هواي غيرك كلبيہ ماجازوه
ماينتظر منك راح يتجازه
وحتى الاعمى اذا فات بدرب مرتين
ثالث مره مايحتاج عكازة
ثالث مره اذا فات وعثر زحمة
كبل ماانجرح حضرت اليداوون
يابس جرحي خلي تفيدك اللچمه
اول ماخنت رخصت روحك حيل
المايحترم نفسه تريدني احترمه
تتنفس وتمشي وانت شابع موت بعيوني وبعد متجوزلك رحمه لو غالي انقهر
بس شي رخيص وراح مااهتم لان ماتستحق همه روح وراح ترجع نادم ومذلول واكلك دنكتلك ماكدرت تطول وتبقى تعلي صوتك خاطر اسمع شي واضل مامنتبه مااسمعك شتكول
واصير كبال عينك واحضن اليسواك ومن تدير ظهرك تمشي بس مشلول واصيح وتلتفت لفت الطفل ل امه وتذب الذنب واللوم ع القسمه
واضحكلك واكلك يلا سهله تصير
بس لاتنسى عندي بركبتك ذمة
-مهـند العزاوي🥀🔥