أكتب لأجلك

صديق يسولف جنت صاعد ويه واحد ابو تكسي شکله وأسلوبه مال ابن ناس ، كلي إذا ترید تدخن عادي ، کتله لا ممنون ماادخن فاتت من يمنه سيارة يمکن موجود منها ۲ لو ۳ بالعراق کال ماشاء الله الله ينطينا مثلها ، کتله مو شرط صاحبها يطلع مرتاح ، يمکن يطلع مبتلي بواحد من جهاله او زوجته او نفسه . رد عليه كلي اهم شي بالدنيا هي الزوجة، كلي صارت مشاکل بيني وبين زوجتي وانفصلنا سنة، هالسنة کرهتها من وره الخلافات ، ، بقیت سنة ماکدر اشوف أولادي غير إذا يصدف يوم او عید میلادهم ، عندی توأم ، خابرتها ردت اشوفهم وجابتهم ، شفتهم ورجعنا لخاطر الجهال ، ماجنت کدر اتعامل ویاها ولا اصفالها لحد ایام کورونا من صار بيه ، كتلها اخذي الجهال وروحي لبيت اهلج لتنعدون لحد مافترة العزل تخلص وارجعي ، كلتلي ماشي اخذت الجهال لبیت اهلها الغير مصابین ورجعت يمي بالبيت ، حارت شتسوي بأیام مرضي آخر شي انعدت مني والحمد لله طلعنا من الأزمة علی خیر اقسم بالله كلي اخوتي من دروا بیه مصاب محد اجاني محد ظل باله يمي بس هي ، حجاها وهو مبتسم حبیتها من جدید صارت عندي اغلى شي بالحياة حتى غلى من جهالي الرجعت لخاطرهم ، ماکو شي بالدنیا يوكفلك ويصبر لك غير ام جهالك اي واحد ثاني وكت الجد يختار نفسه محد يبقى وياك تالي عمرك بس ام جهالك ومحد يختارك مرتین بالحياة بس هي