اصل العرب كل العرب ♥️♥️

https://m.facebook.com/groups/2053683214928384/permalink/2753380224958676/ لما نتغاضى عن الإجرام لأنه مش حاصل لنا نبقى مجرمين، ولما القسوة هي اللي تحكمنا والسكوت عن الحق هو اللي يمشينا بيجي يوم ونذوق من نفس الكأس ونحس بوجع الناس، والله لا يقدر على قلب يذوق نفس هذا الألم... تخيلوا لما بنت في عمر الورد تنقتل وتنرمي في الحوش، تنزف لما دمها يتصفى وأمام عيون طفلتيها أي قلوب معاهم !!!!! غيداء جلال البيضاني اللي تعذبت وانقتلت بدم بارد وعلى مرأى ومسمع من أهل زوجها اللي سكتوا على قباحة وإجرام ابنهم وأطلقوا له المبررات والأعذار.. غيداء انقتلت أمام طفلتيها سيرين وسلى، طفلات صغيرات ماشبعين من حضن أمهن والمؤلم أكثر كيف بتنسى سيرين منظر أمها المقتوله أمام عيونها؟؟!!! كيف بتقدر تعيش بألم إن أبوها قتل أمها وأمام أهله اللي المفروض يكونوا أمان مش خوف، يكونوا سند مش ند، يكونوا أحباب مش أعداء!!! عن أي بشرية في هؤلاء المجرمين اللي المفروض يساعدوها كأم لبناتهم، ينقذوها كإنسان بيتعذب أمامهم، ولكنهم يتفرجوا لها بصمت وهي بتنازع وبتموت وبتنزف بكل قسوة ولؤم لحد ما جاء الجيران من صوت أنينها.!! وعشان يخارجوا ابنهم المجرم قالوا هي مريضة نفسية و انتحرت، قالوا هي طلقه بالغلط وهو بينظف السلاح، قالوا السلاح كان في يد بنتها وجوا وقد هي مقتوله، وقالوا هي طاحت وتكسرت.. كل الأعذار اللي بتستخدم في حال كانت الضحية إمرأة يمنية وكان القاتل زوجها او أحد أقاربها، استخدموها على أساس يضيعوا حقها بس الله ما بيضيعه ولازم نوصل قضيتها للكل عشان حقها ما يضيع لأن جرائم زي هذه كثرت وزادت وكلما سكتنا عنها كلما انتشرت مثل النار في الهشيم.... تفاصيل القصة بلسان أخت المغدور بها 💔💔💔 بحكيلكم قصة فقيدة قلبي اللي لحد الحين مو مستوعبه رحيلها💔. بجيب لكم نبذه من القهر اللي كانت تعيشه . غيداء اختي عمرها ثلاثه وعشرين سنه، مزوجه لها أربع سنوات ، معها بنتين البنت الكبيره سيرين عمرها سنتين وسبعه شهور، وسلى الصغيره عمرها ثمانيه شهور.. زوووج غيداء جلال البيضاني المجرم (محمد سعد قحيم) طلب منها قبل اسابيع تبيع ذهبها عشان يتابع ل نصيبه من الأراضي، غيداء وافقت وباعوه وكان يصرفه ويلعب بالفلوس وماكان يصرف عليها ولا ريال، حتى انه اخته طلبت منه مبلغ عشان يأخذو بضاعه ويتاجروا واختي تضايقت لانه ما يرضى حتى يعبي لها رصيد تتصل لنا.. في صباح يوم الاثنين الساعه ال11 تقريباً بتاريخ 2022-2-22 اتصل خال الجاني لعمي الكبير وقال بنتكم في المستشفى السعودي الالماني سقطت ف الدرج وتعورت في رجلها.. ابي كان ف العمل اتصل له عمي وراحو ع طووول وهم مرتعبين لأنهم ما قد شافو خير منهم، وللعلم غيداء انضربت من قبل من المجرم زوجها وحصلت مشاكل كبيره وكثيره بس هي كانت تقبر وماهانت العشره وعشان بناتها ما كانت تحكي.. راح ابي واعمامي الاثنين للمستشفى وكانو يقولوا وين غيداء؟!! قال الدكتور غيداء ماتت مقتوله برصاص.. ابوي ماعرف وش يقول مصدوم كان يصيح بووجع وقهر، وشاف الجاني في سيارة الشرطه وخرج كان يشتي يقول له ليش قتلتها.. طبعاً هم ما اسعفوا غيداء إلا بعدما دخلوا الجيران وشتموهم ونزفت كثير.. وكان قد أم الجاني مسحت الدم ونزلوا اختي للحوش ملفوفه ب بطانيه حمراء وخلوها تنزف وتصيح وتتألم وبنتها الكبيره تشوووف.. انتشر خبر قتل غيداء وزوجها متردد في كلامه، يقول انتحرت ومريضه نفسسسسسياً، ويقول كنت انظف السلاح وانطلقت من غير قصد، ويقول كان ف الحمام وخرج ع صوت الرصاص والمسدس في يد بنته تلعب فيه.. الطبيب الشرعي طلع تقرير يوم الخميس وبإذن الله اليوم بينزل التقرير الخطي ونصوره لكم. الرصاصه دخلت ف البطن واستقرت ف العمود، نوع الرصاصه نفس نوع سلاح زوجها والرصاصه انضربت من على بعد، مما يدل انه مو انتحار.. وكمان في آثار خنق وبخوش ف رقبتها، وثيابها مقطعه وشعرها منتف.. وأطلق رصاصتين الأولى ف السرير والثانيه فيها.. جيران القاتل دخلوا البيت بعد الطلق وقالوا كانت تبكي بحرقه ما قدرت تنطق بحرف كانت موجوعه..💔 اااااي قلوب وأي رحمه هذي؟؟!! احرقووووو قلوبنا الله يحرق قلوبهم بنفس الوجع ونفس المصاب واكثر.. احنا راكنين ع الله ينصرنا ونتمنى تنتشر القضيه للرأي العام لأن قلوبنا محرووووقه حرق وموجوووعين على فلذة كبدنا.. دعواتكم ربنا يحق الحق ف اقرب وقت💔 #كلنا_غيداء_البيضاني.