1
النزف يحلالهن ماريدك اشدهن
ناوي تغيضهن ماتبي تضمدهن
بعد ماصيرلك مثل الافلوس الدين
اعله كد الحاجه من تاخذهن تردهن
انه الخاطرك طينت جم غربيل
خاطر ماطيح وطحت من عدهن
وماسديت باب بوجهك اهلي شيوخ
بيبان العتب مانعرف نسدهن
تبعدني شعجب مو جنت عكازات
حته بنومتك يم راسك تمدهن
بس هو الغصن فزاعه من يصير
العاشن فوك متنه يكوم يطردهن
اجيت ومو بوكتك جيتك شضيف
كتلي انطيني شاهد هاك شاهدهن
هيبتها الجرايد بأول المصباح
ويصفن للمسح لو فات موعدهن
بعد مو ذاك انه اليعذر السجين
العميه البالعضام سنونها تحدهن
ومو كل مره تسلم منها يالنعام
الحيايه البالرمل جيتك رزق عدهن
ربك مايضيع حوبت المتعوب
المشابج جروحه ومايوجدهن
الحك فانوص سحري شمايدثره تراب
الجفوف تمسحه من تعتاز ماردهن
مو كتلك ترد من الحرب مصيوب
سواترهم خشب لاتلبد بسدهن
مدامك عاندت ضل لابد بسدهن
.......
ماحلل الي ياخذها بدون اشترك لان تعبت بلكتابه💔😔