Go to channel

بيج بنت الناصريه

1033
قَصِـة لَآرآ وُآلَنقَيـبّ قصة حقيقية100% عن بنت تتعرض للخطف بلا ذنب....شراح يكون تأثيره على حياتها...ادخلو واقروا #البداية مساء الخير حبايبي حبدي وياكم هل مرة قصة حقيقية100% اول مرة بقصصي راح يكون السرد بلسان البطلة😌 قبل ما ابدي بيها احب انبهكم اصحاب القصة كولهم حيتابعون ويانه القصة وراح يقرون التعليقات... القصة تحجي عن خطف....حب...رفض... #البارت الاول #البارت_الاول مرحبا اني صاحبة القصة اولا راح اعرفكم نفسي وبعدها ابدي قصتي وياكم.... اني اسمي لارا عامر وعمري١٧ سنة صف رابع علمي...خل اوصفلكم شكلي.... شعري بني على شكار طووويل كلش وعيوني كبار لونهن بني بس ميبينن كلش حواجبي ثغان ومااحفهن شفايفي ورديه وزغيره ومدنفشات وخشمي زغير فصعون... وصاحبه خدود وطولي وسط... ونبي هذا الوصف مالتي بالظبط واهلي يكلولي هالصوره هاي👇 يكولون تشبهج كلش بس العيون شوي تختلف عايشه ويه عائلتي تتكون من امي اسمها هديل ربة بيت وبابا اسمه عامر وهو ضابط... عندي اخوان ثنين مازن ومعتز ... مازن عمره ٢٣ كمل كليته ودخل نادي طوبه...حلو يخبل اخويه شعره اشكر عيونه بنيه وصاحب عظلات لان يروح يلعب حديد وهو مامزوج اني وياه حييل مقربين وهو هادئ وحباب...فديته... ومعتز عمره ١٩ جاي يدرس...اني وياه مكافش من الروس معارك وكتل ومكاتل ومالخ هههههه مثل توم وجيري (فديت مكافش الاخوان يخبل يعبر عن الحب 😂😂☝️☝️) خلي اعرفكم ع اهل بابا.... عندي ٦عمام وعمات ثنين اولاً عمي الكبير اسمه جلال عنده 4 اولاد... بنته دره اكبر اخوانها بكدي..وصديقتي المقربة وامووت عليها وهي هم يعني فد ثنين من نتجمع تصير سوالف وضحك...ويبووو حش حش حش يعني مانخلي حجارة ما نكلبها ههههه...وسوالف ماتخلص...المهم هي قريبة من كلبي حيييل وهي حلوة تجنن... وهي تشبه الممثلة التركية هاندا ارتشيل وسرى اختها عمرها ١٦... ومسلم عمره ١٥.. واخر العنقود اسمه مرتضى عمره سنتين...يعني عمو جلال ماناطي فرصة لمرته هههههه واحد فوك واحد ماشاء الله... (هاي ماكو عطلة مشايفتها هههههه) وصدوك مرت عمو جلال اسمها نور... وهاي خلصت عائله بيت عمو جلال نروح على عائلة عمو وائل عنده بس بنيه وحده عمرها ١٧ سنة اسمها نرجس وبعد ماعنده غيرها ومرت عمو وائل اسمها ايناس خلصنه من عائله عمو وائل... نروح على اخر العنقود الي هما تؤم حسن وحسين عمرهم ٣٠ سنة... عمو حسن مزوج وعنده بنيه عمرها ٥سنوات ومرته هسا حالياً حامل... وعمو حسين مزوج وعنده ابنيه اسمها روان عمرها ٦ سنوات وعدها اخو واحد اسمه محمود... الباقين تتعرفون عليهم بالتفصيل بالبارتات الجاية...حتى لا تتلخبطون... بيبي(الجده) عايشه الله يحفضها فديتها بيبي دمها عسل تجنن وجدو مات من واني كللللششش زغيره الله يرحمه وهاي اهل بابا وبعد تتعرفون عالباقين بالجايات... المهم نبدي القصة بعد ماتعرفنه على قسم من الشخصيات... قبل فتره رحنه لبيت جدو صادف عيد واهناك شفت ابن عمتي العكره اكرهه اموت منه ياربي ياناس فد عصبي نااار وميتحاجه هوه اسمه عمر عمره ٢٧ سنة نقيب ومتكبر كلش وعصبي عصبي عصبي وهوه هم يعرفكم ع نفسه... عمر:مرحبا اسمي اعتقد عرفتوه ☝️ اني نقيب... اعصاب ماتحمل كلش ودمي حاااار ودوم افوور على اقل شي..لتكولون مغرور بس هاي اني عصبي مو بيدي...اني اسمر شعري اسود...لحيتي خفيفة شواربي بس اقصرهن...طوييل وصاحب عظلات لأني جنت اروح نادي...عمري ٢٧سنة ما متزوج انتظر..فراشة قلبي...وهاي الي بالصورة يشبهني لارا:خلي اكمل الكم اول مدخلت لبيت جدو رحت سلمت ع بيبي وعايدتتها...... بيبي وهي كاعده: شعجب اجيتي ولج لارا لارا بأبتسامة: اجيت حتى اعايدكم عندج مانع..وخصوصاً انتي فديتج حبوبه.... وارمش بعيون ببراءة.... بيبي رفعت حاجب: انجبي انجبي لو صدك تحبيني جان اجيتيني وسئلتي ع صحتي متخربطه ميته عايشه ودوني للنجف لو بعدني لارا ضحكت: بيبي مبيج شي اصحه مني والله شوفي بعدج قويه ماشاء الله بيبي عصبت: ولي ولي من يمي جبح وجهج هم حاسديني هو منيلي صحة كلها راحت من وراكم لارا: ضحكت رحت حته اسلم ع الباقين اجتي دره من فوك.... لارا بحماس:هلاااا ولج وكل كل عام وانتي بخير يروحي...ورحت بوستها بحب... دره بحب: هلا بروحي كل عام وانتي بألف بألف خير يارب.. شخبارج لارا: الحمدلله شنو شو ماكو الباقين وين عمو حسن وحسين دره: اجوي بلاستقبال... لارا: رحت ركض ع حسن وحسين شبكتهم واسلم عليهم واعايدهم..... حسن بحنية: هلا بروحي لارووو حسين: لج هلا شلونج صخله لارا ضحكت:زينه زينه وتمام شلونكم حسن وحسين:اي نشوفج تزهين زهووو... اني اضحك همه متعودين هيج حنية على حب على تطيح حظ يعني صخلة عاديه بالنسبة الهم هههههه اصلاً عدهم مدح هاي😂😂😂.... دره وهيه تكنس الكراج: اجوي بيت عمتي