ستوري انستا كلام حزين نكت♥╣[-_-]╠♥ تحشيش حب صور فيديوات رومانسيه أفلام جريئه قصص ملصقات ألعاب وصفات جمال أغاني معلومات طب تعليم اكل رياضه رمزيات خواطر♥╣[-_-]╠♥ بوت زغرفه عبارات قتباسات حكم
وكح ياعيد تركض تاخذ الزين
أجانه العيد واهل العيد ميتين
العيون اضل على الدرب تنطر دوم
بلكت بالحلم بالطيف حيين
تأملنه الاحباب اليوم ياعيد
أشو لي هسه يمكن تكذب العين
الدمع سال وعلى الخدود اليوم نهران
وشيفيد الدمع والغياب ناسين
جان العيد وي ذولاك يشفي الروح
الملابس بيض والاحباب طيبين
وهسه اللبس اسود صار ياعيد
وكلبي من الألم والحزن صوبين
اعياد هواي مرت والاحباب بعيد
وصورهم وسط الكلب بروح سجين
حزنهم وسط الكلب مرمرني والله
من يوم رحلو صارلهم اسنين
اصبر الروح واضحك جذب ياناس
ومن افرح تفضحني دمعة العين
شبقالي من دنيتي غير الاوهام
تفززني صورهم مو ذوله غالين
صبرا ياهلي اعرف حزنكم دوم
الله اليجازي السبب ملعون دارين
عساها ابخت من خلانه طشار
وخلانه من اعزاز الروح خالين
شألبس من هدوم اليوم ياعيد
بس أسود ألبسه وصار لي سنين
أنشدك عن اصحاب الدار ياعيد
هم يلفون وكت الصبح فرحين
لوهم اليوم جوه اتراب ياعيد
وحسافه الكبر ياخذ طيبين
اشوفه امي حزينه ودمعهه يسيل
تريد من الله ينطي الكلب صبرين
حزنهه اليوم يشبه حزن يعقوب
بعد افراك يوسف شابت العين
وسلملي على الطال فراكهم ميتين
😔😔😔😔😔😢😢😢😢😢