مَأوىٰ 🤍.

شهر الحزن "شهر مُحرم الحرام" ،أذكروُ هَـذول الأشياء علمود تستفادون وتوعون أكثر . أولًا : اليبچي ، اليخدم ، اليطبر ، اليطين ، اليلطم شور ، اليمشي علىٰ الجمر ، اليوزع ماي ، اليصب چاي ، اليسوي أكل ، الينظف الشارع ، مالكُم علاقة بي كُل شخص عندة طريقة خاصة يخدم بيها سيد الشُهداء .. ثانيًا : الإمام الحُسيَن (عليهِ السَّلام) للفقير ، للغني ، للمُذنب ، للعاصي ، للمغرور ، للمُتواضع ، لكُل العالم ، لرُبما دمعه وحدة أو خدمة بسيطة لسيد الشُهداء راح تغير حياة أحد الأشخاص إللي ذكرتهُم وراح تنقله مِن عالم إلىٰ عالم ثاني .. ثالثًا : رجاءًا مو ياهوَ الأجه وصار مرجع ويظل يگول مثلًا : هذا حرام ، هذا مَيصير ، هذا شلابس ، هاي شلابسة ، هذا گال فلان شي هذا ما أدري شنو .. عوفوا هذا الحچي كُله وصدگوني حرام إللي يحچي علىٰ زوار الحُسين (عليهِ السَّلام) لأن الزاير مَحسوب علىٰ الإمام وأنتَ هنا راح يُبطل كُل تعبك ، أحنا مالنه علاقة بي ومِن يجي مَجاي علينه ، جاي علىٰ عزيز قَلب الزَّهراء (عَليها السَّلام) فَـ مالكُم علاقة كلمن عليه بنَفسة ، غظوا بصركُم عَن أي شي ، واسوا أُم عون وصاحِب الزَّمان بهذا المُصاب .. رابِعًا : بالإضافة إلىٰ كُل هذا إن الله رَحم أمرًا جَب الغيبة عَن نفسهُ ، يعني أنتوا مِن يمكُم لا تسوون شي تعرفونه حَق المعرفة ، راح ينحچي عليكُم بِسببه مثلًا : البنات حبيباتي مكياجكُم بهيچ شهر يأذي قَلب الحُجة (عَجل الله فرجهُ) وتره أنتوا حلوات بدون مكياج وهاي السوالف ، أتركوا اللبس الضيق وبَلا الضحك بصوت عالي بِحيث تجذبين الأنتباه والأنظار ، أتركوا الأغاني لُطفًا علىٰ الأقل بَس بهذا الشهر ، والشَباب عيوني غضوا بصركُم تره هالشيء هم توجرون عليه ، حاولوا أي شي چنتوا تسووا أتركوا قُربةُ وطاعةً للحُسَين بِن عَلي (عليهُما السَّلام) بالأخير يارَب التوفيق لكُل الخُدام ولكُل شخص محروم مِن الخدمة ويبچي دم علىٰ هذا المُصاب ، عسىٰ كُل سنة وكُل عام أحنا علىٰ طريق الإمام الحُسين وأهلِ بيتهِ (عليهُم السَّلام) 🤍.