مَأوىٰ 🤍.

تحدىٰ مخاوفَك اليوم مَحد يكدّر يتحَرك خطوة للأمام إذا مو يتغَلب على مَخاوفة بدون شَك ، هذا القلق والخوف والتوتُر إذا تلازم وياك للأبد ثق متكدّر تنجح بحياتك سواء بعَمل أو بدِراسة أو بعِلاقةَ عامة أو نشاط مُعين ، الخوف والتَوتر من أسباب فُقدان الثِقة بالنَفس والعَكس صَحيح كونَك ماعندّك ثقة بنفسَك وبقُدراتك وإصرارك راح يصاحبك أنواع القلق والمَخاوف والتخبُطات "خاف أفشل" "خاف ما ادبُرها" إلخ... ، لتنظُر للأمور بمَنظورها السّلبي والأسود والصَعب أو المُستحيل بالعَكس ضع إيجابيات الخطوة المُقبلة واتقدّم لأجلها وقاوم ومارس نشاطَك والتَحدي المَطلوب ، أني ما اكُلك ادخُل واتعامَل مع كُل الأمور وأنتَ مَغمض ولكن أحذر والحَذر واجب طبعًا بس لتخلي حَذرك يصير سَلبي ويتغَلب على شخصيتَك وذاتك وبالاخير متكدّر تتقدم للخطوة القادمة وتفشَل ، مَطلوب من عندّك الإيجابية اولًا ثُم الحَذر ثُم المُقاومة والإصرار والعَزيمة والثَباب وبهذا الشكل تكدر تنجز أكثر من الي كُنت متوقعه فقط ثق بنفسَك تمام ؟ ، كُلنا نكدّر ولكن الفرق بين الشخُص الضَعيف إراديًا والشخُص القوي إراديًا وهذا مو عيب المَفروض نكون واعيين ونصحح الأخطاء وناخُذ نصائح الأكبر من عندنا ونباشر بأي عَمل كان وبالنِهاية كلكُم أبطال وكُل شخص عندةَ القوة حتىٰ يتغَلب على مَخاوفةَ وشكرًا .