" ⁦" حـ۠ؗـيـاتـي كّٰلـهـا لـلّـه⁦

عنا ببلاد الشام شو بنحكي ؟! الحب دقتين دقة على القلب ودقة على الباب وغير هيك إحكيلوا الله معك ... للبنات إعتبروني أختكم وخذوا هاي النصيحة مني على محمل الجد تمام . صدقيني إلي بحبك عنجد ماراح يطلب منك صورة لرجلك وعينك وإلى آخره ... إلي بحبك عنجد ماراح يشعل نار الغيرا يلي جواتك لأنو الغيرا جد نار بتحرق قلب البنت . إلي بحبك ماراح يضل ٢٤ ساعة يحكي كلام حب وغزل ويضل يبعث مقاطع وكلام حلووو لأنو من المفروض لو بحبك وناوي يتزوجك راح يأجل هالكلام وهالمشاعر لحد ما تصيري ببيتوا وساعتها يعمل يلي بدوا ياه . إلي بحبك وصادق بحبوا إلك راح يعاملك متل ما بعامل أختوا لحد ما ييجي يتقدملك رسمي . إصحوا على حالكم يا بنات وخصوصاً هدول البنات يلي بعمر المراهقة ومو فاهمين شي عن الحب مو كل من حكالك بحبك يعني ناوي على الزواج لا . إصحي من الأوهام يلي عايشة فيها إهتمي بحالك بدراستك ولا تضيعي عمرك مشان واحد بس بدوا يتسلا فيكي ويستغلك . إنتي مو رخيصة إنتي غالية إوعك تسمحي لمين ماكان إنو يستوطى حيطك خليكي قد حالك وفكري منيح قبل ماتتورطي ... أختكم بالله علياء