" ⁦" حـ۠ؗـيـاتـي كّٰلـهـا لـلّـه⁦

أول شي الحمدلله إنو إجت سنة جديدة علينا وإحنا مازلنا عايشين مازلنا بصحة وعافية وهاد أهم شي طبعاً ... بالنسبة إلي أنا سنة 2022 كانت من أغرب السنوات يلي مرقت عليي . كانت مليانة قصص ومواقف وشغلات جديدة بحياتي . حسيت حالي بالسنوات يلي فاتت كأني كنت بغيبوبة وهون وبهاي السنة بذات كبرت حرفياً كبرت . وعيت . تغيرت كثير هسة لو بدي أقارن كيف كانت علياء بالسنوات يلي فاتت وكيف صارت بهاي السنة راح ألقى فرق كثير كبيررر . صرت أشوف الناس بصورة أوضح . سنة 2022 علمتني كثير شغلات مابقدر اشرحلكم أو أحكيلكم شو هيا لأنو مهما كتبت ماراح أكفي . سنة 2022 خلتني أسند نفسي بنفسي خلتني أعتمد على حالي وأثق بحالي بكلامي برأيي وأكون فخورة بحالي وبكلشي أنا بعملوا . 12 شهر كان فيهم كثير مواقف بغض النظر إذا كانت حلوه ولا بشعة بس هاي المواقف خلتني أتأهل وأدخل سنة جديدة وأنا بشخصية مستقلة نوعاً ما ... حابة أحكي إنو السنوات هي مجرد رقم فقط . إحنا يلي نغير السنوات ونخليها حلوه وإحنا يلي نخليها بشعة .يعني بشكل عام كلشي بصير معنا بالحياة هوا من صنع أيدينا إلي يزرع خير يلقى خير ويلي يزرع شر يلقى شر ... والحمد لله على كل حال ... وشكراً إلكم ... ⁦✏️⁩ ~~~Alia, daughter of Palestine"⁦ 🇵🇸 ⁩"