1
#كلام _مهم
هسة بالنسبة لموضوع ( تفتيش هاتف الزوج) أول شي لو اجينا على الحكم الشرعي الحكم الشرعي بيحكي إنو تفتيش هاتف الزوج حرام مابصير ، هسة بدكم تحكولي مهي زوجتوا يمكن تكون شاكة فيه ومن هالكلام
مهوا يا أختي يا حبيبتي بدي أحكيلك كلمتين مختصرات
لما اجيتي ومسكتي تلفون زوجك مشان تفتشيه إنتي هون بإحتمال أمرين يا إما ماراح تلقي شي بالتليفون وتعود ادراجكي خائبة . يا إما راح تلقي شي وتعملي مشكلة
يعني إنتي على الحالتين وقعتي بمشكلة يا مشكلة الخيبة يا مشكلة لمناقرة . ف إنتي هون عم دوري على الهوش إنتي بدوري على الزعل وعم دوري على مشكلة داخل البيت . بمجرد إنك مسكتي تلفون زوجك مشان تفتشيه إنتي بهاي الحالة ما عم دوري إلى على المشاكل .
فالمشكلة الأولى إذا تلاقي اشي جوات تلفونوا وتعملي مشكلة طويلة عريضة مع زوجك . أو إنك ماتلاقي شي فبتحسي بالخيبة .
خواتي اسمعوا مني إحنا مو عايشين بعصر الصحابة لا على فكره إحنا عايشين بزمن القلق إحنا عايشين بزمن الكيكي والنانا عارفين كيكي ؟!
فإنتي يا أختي الله يرضى عليكي مش عايشة بعصر أبو هريرة وعثمان وعلي لا فيجب عليكي يا أختي أن تتوقعي وجود الأخطاء بهاد الزمن .
عندي سؤال واحد لما زوجك كان ينام ويضيع صلاة الفجر لما زوجك يلعب شدة لما زوجك بيضيع لفلوس على الدخان وغيروا هون إنتي بتزعلي ؟! أكيد لا طيب ليش على هاي زعلتي ؟!
معناتوا الموضوع مو حلال وحرام الموضوع موضوع غيرة شخصية
ف إذا دخلت الدوائر الشخصية ما بين الزوج والزوجة هون خلص صارت الطوش والمشاكل .
فنصيحة لوجه الله مني لكل شب وبنت لا إنتي تفتشي تلفونوا ولا هو يفتش تلفونك
هسة ليش الزوج ما يفتش تلفون زوجتوا ؟! لأنو إذا انعدمت الثقة بطلق الرجل إذا شك بزوجته بطلقها عشان هيك لزلام ما بدوروا بتلفونات نسوانهم لأنهم إذا شكوا دغري بطلقوا .
لاكن إنتي بتروحي دوري تلفونوا مش صح والله ماهوا صح مش عشاني عشانك عشان الأسرة تضلها ماشية صح. موضوع التفتيش والتمتيش بلا منو .
Alia...🖋️