- قناة كتاباتي - My writing -

رجعت… بعد ما چنت ناوي أبتعد للأبد، بس القلب ما عرف ينسى العِشرة، والضحكة، والسوالف اللي كانت تداوي الهم. ما راح أجمّل الحقيقة، خيبتك وجعتني. چنت أظن إنك الظهر اللي ما ينكسر، والصديق اللي يوقف حتى بغيابي، بس طلع التوقّع أكبر من الواقع… وساعتها وجعني مو بس منك، وجعني من نفسي لأني وثقت. بس اليوم، رجعت… مو لأني نسيت، ولا لأن الخيبة اختفت، بس لأن كلشي بينه ما ينهدم بيوم، ولا بسبب موقف، حتى لو كان جارح. رجعت لأن الصداقة مو بس فرح، الصداقة امتحان… وإحنا انكسرنا، بس يمكن نكدر نرجّع شي منّا، شي نضيف له صدق أكثر، ووضوح أكثر. إذا بعدك تعتبرني صديق، فخلّ نبدأ من جديد… بدون وجع، بدون عتب، بس بقلب نظيف. بنية طيبة، ومحبة ما ماتت،