Go to channel

قصص عراقيه ✔ رمزيات استوريات منوعات بنات وشباب اقتباسات انستا كتابات فيديوهات صور اكل حب رومانسيه تحشيش اغاني قصص اربيل العراق بغداد ميوزك اختصارات حالات كروب ابراج ثقف محرم زخرفه بغداد اختصارات سكس

39
مافهمت منه التهيت بترتيب نفسي وغراضي .. وحجزت الصالون والبدلات .. ويوم الحنه .. كعدت من الصبح .. ورحت للصالون .. سولي المكياج .. وبدلتي جانت لون وردي فاتح .. وشعري اسود بس رفعته وسولي بف بسيط والباقي برمو ... واجه غالب طلعت من الصالون واني مغطيه نفسي بأحكام حته شعري مايطلع .. صعدت بالسياره وصعدت ورا هيفاء جايه وياي .. وصلنه للمصور ونزلنه نصور واني اشوف الاعجاب بنضرات غالب .. خلصنه ورجعني لبيت اهلي .. جانو قبل يوم بيت خالاتي وبنات خالي جايات بس بيت عمي فرحان الله يرحمه مااجو وبيت عمي خالد اجو وصديقاتي.... توسلت بلمى تجي ماقبلت كتلها بيت عمي ميجون ولاحتي ازهر بس ماقبلت .. بقيت كاعده واني فرحانه واخيرا راح اتزوج .. بقن البنات يركصن وكل شوي يكومني اركص .. خابرت غالب اشوف اذا يجون هوه واهله او لا .. بس كال لا محد يجي .. اني اصدقائي مسويلي حفله بالقاعه وراح اروح هسه .. غلقته منه وبقيت اركص ويه البنات وحنيت ايدي واخذنه صور .. انوب راحن صديقاتي .. وبدن البنات يعزلن البيت وينضفنه واني صعدت نزعت البدله .. وسبحت ورتبت غراضي الي اخذها وياي .. ونمت .. حته غالب ماراسلته ولا دريت بالبنات شنو سون .. ثاني يوم كعدت جوعانه حيل .. نزلت وبقيت اكل .. انوب صعدت بدلت واخذت غراضي ورحنه اني وهيفاء .. مكيجت وكملت وسولي التسريحه .. بدلتي جانت ردان بس تور .. وبي زخرفه .. وبيها نفشه بسيطه .. وتسريحتي شعري كله رفعته .. طلعت من الصالون وتصورنه اني وغالب ورجعت لبيت اهلي .. وبدت العبره تخنكني كل مااتخيل اخر ساعات الي بهذا البيت .. امي ابوي رووورحيي وحبيبي وسندي اخوي حسوني نور عيوني .. بقيت كاعده واني اشوف امي حزينه بس ماتبين حزنها .. والبنات يركصن .. خابر غالب كال احنه بالطريق .. كلتلهم وطلبت اشوف ابوي واخوي واودعهم دخلت للصاله .. ودخل ابوي .. باوعلي ودنك راسه حظني واني بجيت .. وانوب حظنت حسين كال .. - ووولج لاتبجين هاي وينها شقتج خمس دقايق واوصلج .. انوب شدد حضنته وكال راح اشتاقلج ام عطوب .. - مااكدر انطق اي كلمه غير بس شهكاتي تطلع .. اجتي خالتي كالت مسحي دموعج ولج مايصلح ... راح يوصلون لاتبجين .. مسحت دموعي ورجعت كعدت .. شويه ودخلوا اهل العريس .. وغالب دخل .. بقينه كاعدين شويه ... وطلعنه ودعت امي .. والبنات لان كبل اروح للشقه .. وطلعنه سوللنه زفه وبعدين رجعنه للشقه اني وغالب والاهل رجعوا لبيوتهم .. دخلت للشقه .. باوعت الديكور والقنفات الي جايبهن كلش حلوات .. والتصاميم الي مسويهن حلوات .. كال .. عجبتج الشقه .. - اي كلش حلوه .. وبقيت افتر بالشقه وهوه وياي ويشرحلي ع كل حاجه جايبها وشلون مختارها .. وبعدها كال بدلي بدلتلج اني نازل اجيب العشه .. نزل واني بدلت وفتحت تسريحتي .. وصعد جايب الاكل .. حظرته بالمطبخ وهوه وياي يساعدني وكل شوي باس كتفي كال العفو بالغلط ... اكلنه وكملنه اجيت اشيل الصينيه واغسل مواعين سحب ايدي .. كال .. - عوفيهن تعاااي عندي حساب وياج اليوم لازم ننهي ........ ثاني يوم الصبح .. اجتي امه وجايبتلنه ريوك .. وباركتلنه .. سئلها غالب .. - سحر رجعت لو يم بيت اهلها .. وهيه جاوبت .. لابعدهي يم بيت اهلها ... بقت شوي وانوب راحت .. سئلته منو سحر لان ماعرفها ولاشايفتها .. كال زوجه اخو صفاء .. استغربت لاخطوبه ولاعرس اجتي .. سئلته كال .. هيه حقيره خلي تولي .. كلتله شنوو سبب تهربك من اهلك ماكتلي .. كال .. خرب يومج لهسه تتذكرين .. بعدين اكلج مو هسه .. هسه خلينا نتمتع بزواجنه .. وهاي الاسبوعين العطله مالتج .. خابرت اهلي واطمنت عليهم ... ومر الاسبوع وصارت السبعه مالتي .. ماسويت حفله .. بس غالب قرر نروح للشمال سفره خمس ايام حته نرجع قبل الدوام .. وصه عصام ياخذله اجازه .. وسافرنه .. استغربت عنده شقه بالشمال .. اول مره اعرف ..اول يوم وصلنه بي كضيناها نوم .. ثاني يوم تونسنه وطلعنه .. مرت 3 ايام .. وجانن احلا 3 ايام .. وبعدها كال تعالي اسولفلج ليش بعيد عن اهلي .. وبده يسولف ويكول .. مثل متعرفين ابوي شهيد وعندي اخواني اثنين صفاء الاصغر مني .. وطاهر الاكبر .. وامي وخوات ماعندي .. وبده يسولفلي ع سحر وشلون جانت بينهم علاقه حب واني مخليه ايدي ع حلكي ومصدومه .. بقيت زعلانه عليه يوم كامل ماعرف اني مو زعلانه لان هوه شي ماضي وصار وانتهه واني الحاظر والمستقبل مالته زوجته وام بيته وعن قريب ام جهاله .. بس اشتعلت الغيره داخلي .. وبعدها فكيت ورجعت ويا طبيعيه بس كللش متشدده من ناحيه سحر او اذا جاب طاريها .. كال .. بالعرس اني كلت لصفاء متجي .. ومن جابت الريوك امي وسئلتها كلت كلشي تسوي يجوز تخليلنه شي بالاكل بس طلعت ماموجوده ........