Go to channel

قصص وروايات عراقية

13
مساء الورد متابعيني الكرام 🥀🥀🥀🥀 #قصةابن_الاجاويد أسماء: _٤_ #ابن_الاجاويد(رد الدين) #بقلمي_أسماء_ديمير تقدم عليه ، اني واكفه مثل الهبله .. حظني حيل وباسني ، عفست وجهي مضايقه ، باوعت لاامي مخنزر هيه ولا عبالك يمها ، اباوع عليها دايره وجها كامت لحيلها رحبت بعمتي ، الي وجهه مو احسن من وجهي .. كبل سالت عمي خير ابو احمد شو هناا هم دزو عليك .. لاياابه اني سالت عليهم من عرفت اليوم نتائج مالتهم كلت اجي اشوفهم .. عليش قالق راحتك جان دكيت وباركتهم وفضت راحت .. لا شنو اخابرهم قابل من بعد درب .. ولد غالي هذول .. عفتهم ودخلت ليجوه مينا واكفه على طباخ تطبخ ، سالتها عمج شجابه .. - لوت بوزها امج دكت عليه وسولفتله على راتب مال ابوي شلون انكطع .. -شبيها باقل موقف ادك عليه .. -وين تروح لعد ، منو النه قابل غيره.. - امج ارمله عيب وحرام اظل يمه بحدهم شبيج .. - لخاطر الله لتين لاتنكلبين العريفي علينه مو اني موجوده قابل هو غريب مو عمنه .. - عمه العماج اي والله ، ذاك يوم يله شفنه خلقته ، طول عمره بابا ميدخله علينه ،وعالم من تشوفه داخل طالع شتكول .. - انتي مو ناجحه لويش مفرحانه عود شبيج مزنبره امشي امشي بدلي وتعاي تغدي وبطلي عنفصه .. ضليت اباوعلها بحيره ، دارت ظهرها تكمل شغل ، بيومها هو تغده يمنه وضل يسولفنه على كربلاء ، وعلى شغله ، ويرغب بكرار يروح وياه يشتغل .. وشلون هناك العالم تحترمه وتصيحله سيد ، وشلون عده بخت وناس تاخذ برأبه ، وشغل صلاوات ماشي عده زلال .. صافنه عليه وعلى كلامه المثالي ، سطرني سطره الحمزه ، لليل ويله راح ، ماعرف شلون رجع لكربلاء مدري ضل بديالى ، الي اعرفه الوقت متأخر ويله طلع ، عبالك جان ناوي يبات هنا ، بس وجود عمتي جنها عريف خلاه يغير رأيه ، ضل كل شوي يرفع عينه عليها لو يتثاوب عباله تكوم لو ترجع لبيتها .. بس هيه تربعت اله من صبح لليل ومارجعت ، لا كالت عمجن رضا ولا كالت بيتي عفته ، لحد مااستأذن وكام يله شوي هودت و وجها رخت ملامحه ، درت عيني اشوف علاليك بالكاع مال مسواك والغرض والهدايه ، بس ملابس جايب علاكتين نوب خال وياهن عبي راس هاي زينبيه والله يالله احد كله احنه راحين زياره دنلبسهم .. مينا جرت علاليك تفردش بيهم ، لبست عبا تضحك تكول دشوفي جني علويه ، كاعده بالارض وخاله ايدي على خدي صافنه بيهم ، وهيه و كرار فردشو العلاليك ، جايب لكرار موبايل ، عمتي كاعده وساكته بس باين على وجهه عدم رضا كل شوي جرت نفس وباوعت لاامي مخنزره ، الي ضوجني وغثني امي ممهتمله لعدم رضاتنه وتتصرف من كيفها .. شالت وحده من علاليكها ماخلتنا نفتحها اخذتها ودخلت خلتني احنه وعمتي ، عمتي حاجت مينا وكرار ممحتاجيهم انتو يمه جيبوهن انطيهن الناس فقره .. - ردتها مينا ليش عمه احنه احق بيهن ، صار بالست اشهر ماشايفين سوك ، والله طكت رواحنه .. - لخاطركم يمه احجي اريد مصلحتكم .. سكتت مينا بس كرار كالها لا عمه والله يفيدن خاصه موبايل اريده ماانطي .. مينا كالتها اخذي العبي، وملابس البيت انطيهم مانريدهم ، بس خلي المسواك معتازي .. كامت لحيلها ، عليش يمه هاهيه خليهم ، الله اعرف بحالكم ، بعد انتو هم يتامه ، جرت العبا لبستها وطلعت بهمه مقهوره .. كمت وراها اسد باب ، واكفه باب المطبخ ، وهيه طلعت للباب البيت اشوفه تمسح عيونها بطرف عباتها ، غمضت عيوني بقهر ، احسها ميته قهر علينه ، هيه صح ماخلفتنه بس تحس جنها هيه امنه ، اندارت تسد باب شافتني واكفه اباوعلها ، دارت وجها حتى مااشوف عيونها سدت باب وراحت . ضليت بالربع ساعه على وكفتي ، حايره بوضعنه ، وضعنا كله مو مريح وغريب علينه ، رجعت اجر بنفسي جرر ضايجه ، عفت مينا وكرار يسولفون ويفرشون بالغراض ، رجعت للغرفه لفيت راسي اريد انام او اضحك على روحي .. ثاني يوم امي لبست عباتها وطلعت بحجه الراتب ومعامله الارامل اسويها ، تسالها تنتر لو تعيط بيه ، اخذت كرار وراحت ، للمغرب رجعت هالكانه هيه وياه ، تكول ماتصير الا وره ست اشهر ، لو سنه يله يطلع راتب ، ومنا لذلك الوكت احنه نكوم انجدي ، ضلينه على هالحال ، نقطر تقطير ، العالم او طلاب جان بابا يطلبهم مال دروس خصوصي ، جابوهن كدرنه نمشي ايامنه بيهن .. صح اكو ناس غلست عليهن ، او احنه منعرف منو دافع منو بعده ، عفناها لله هو مشه ايامنه بذيج الايام .. عمتي ماقصرت كل سبوع مسواك ، كل يومين وثالث تبات يمنه وتسال علينه ، لو عمي رضا لازم يسأل ويفقدنه صح ميدخل للبيت بحجه بس نسوان وعيب بس لازم يجي .. عمي هم يمر وجيته مامرحب بيها من عمتي ، تضل كاعدتله لحد مايروح يله تمشي وترجع لبيتها ، فد يوم كعدت من صبح على صوت امي ، بس خلتني اتريك وكالت البسي واطلع للسوك كبل ، اخذي كرار وهاي كروه و قائمه جيبي هذني ..