1023
باعي هيه نصيحه وحده واخذها مني ان جنت عايش راح تذكرني بيومها واذا ميت تترحملي وكل شي بيد الله (جل جلاله)
من المستحيل اكول قنوات تنصح لاغلبيه تستغل ودور مصلحتها اولا بس قناه رضا تختلف عمرها ماكانت غايه والاغلبيه يعرفون رضا ومنشوراته وسبق وكلت لو مو التوفيق من الله ومتابعتكم متوصل القناه لهذا العدد فتحيه حب واحترام للجميع من اصغر نفر الى اكبرهم ....المهم........
هيه نصيحه اخذها مني ولا تناقش مرور الوقت راح تعرف كلامي وقيمته
•لا تثق بأاااي بشر ولا تسئل ليش
•لا تصدك بشر يكول بدونك اموت . لان محد يموت ناقص عمر
•لا تصدك بشر يكولك وياك للموت . راح يجي يوم تشوف هل شخص اولهم عافك
•لا تجبر احد يهتم بيك . الي رايدك يخلق الف حديث حتى يحجي ويهتملك
•لا تنطي سرك لاحد مهما يكون لان راح يجي يوم يستخدمه ضدك
•لا تنطي بشر اكثر من حجمه لان راح يجي يوم يطغي حتى عليك وينسه حجمه
•لا تنطي وعد انت مو كدها
•ولا تشيل حقد ع احد
•ولا تسمع من طرف واحد اسمع من طرفين حتى لا تضلم احد
•انطي فرصه بس بشرط للي يستحقها
•ولا تصدك بشر كلك احبك بفترى بسيطه لان الحب اله قيمته وماينجمع باايام تجمعه مواقف وحديث وتعب واشهر وحتمال حتى اكثر من سنه
•الي يحبك بسرعه هذا مو حب هذا فقط لكه راحته يمك او شي معين فستقر بس راح يعوفك وعن تجربه صايره وياي😏 لذالك كلت اسمع مني ولا تناقش
•خلي يومك وتواجدك محدد واحترام اوقاتك وثمنها مثل متثمن روحك
•الي يريد يروح لا تكوله ليش اتركه لان لو رايدك من المستحيل يغادر من يمك
•والي يشوف راحته يم غيرك اتركه بس لا تكون حاقد اتمناله الخير . خلي شي الك حلو مالك علاقه بي الدنيا اصغيره صدكنني تتلاكون بس راح يكون واحد منكم ذنبه اكبر
•الي فضل ناس عليك اتركه لان عمره مجان حاسبلك احساب
•الي مايتغير من ذاته . مراح تغيره لا انت ولا حبك ولا صداقتك ولا العشره
•خليك مثل الطفل برائه حتى كلبك يعرف الرحمه ومالك علاقه بغيرك
•حافظ ع ناسك واعرف منو وياك ومنو عليك ولا تغرك الضحك والونسه ابو المثل يكول امشي وره الي يبجيك ولا تمشي وره الي يضحكك
•اياك ان دور غلب او مصلحه او غايه ويا شخص . لان الدنيا دواره وراح يصير بيك مثل ماسويت وهل شي واضح ومعروف
•لاتجاهل بشر متريده كون شجاع وحجيها واخصم الكلام لا تخلي غيرك ياخذ نظره عليك
•لا تنقهر ع الي عافك او الي عافج اذا انت واثق ومتاكد من روحك وغايتك حلوه ودور سعاته ورغم هاي راح لا تزعل يروحي😌✋ عادي هواي ناس يعوفون الجوهره ويدورون الرخيص لان همه ارخاص والطيور ع اشكالها تقع
•الشخص الي ميحب وجودك لا تتواجد وياه والي مامنطي من وقته الك لاتنطي ثانيه من وقتك
•الشخص الي يحاول يشوه سمعتك او يقهرك ويكون واضح بهل شي ابتسمله وعوفه
•الي يقلد او يستهزء او يجاوز عليك همله لان الله ماخلقك للعرك خلقك وانطاك عقل حتى تعرف شلون تصرف ويا هيج امثال
•ولا تخلي احد يستعبدك لان الله خلقك حر وتموت حر وماكو احد صاحب فضل عليك انت بشر وهو بشر . بس خلي احترامك لخاطر العشره
•واهم اهم اهم نصيحه الي هيه الي يحبك يندل خدك . لا دلي البشر بهل شي لان الي يريدك مايصعب شي علي
•رغم الي تشوفه وتسمعه خليك اعتيادي ولا تسبق الحدث
•تكدر تعيش بدون حب وبدون صداقه وبدون اقارب لان مو كل شي همه صح همه صلت رحم بس ثق اول طريق للسلام امتناعك منهم هل شي عن نفسي اللهم اشهد
•الي يغيب عليك يوم او يومين او ثلاث ايام يكدر يغيب عليك شهر وحتمال العمر كله
•ارسم هدف ومستقبل وخليك تتماشه ويا اصعب الضروف لخاطر هل شي يعني مستقبلك هو الاول بس لا تبني ع راحتك غيرك او استغلال غيرك مستقبلك وغيرها خليج جدير بهل شي وكونه بذراعك
•وهاي للشباب لا تستغل نقطه ضعف بنت ارحم من ليش لهوا القدره ع الدفاع عن نفسه
•وهاي للبنات مو كل شي تردي تمشي ع مزاجج لان البشريه مانخلقو لحظرت مزاجج ولحد يزعل من كلامي اخذها نصيحه مو بسوء فهم لو ما اعز متابعيني ماانطق كلمه وحده ورب الكعبه
•وهاي للاباء احتوي عائلتك ولا تهدمها بسوء الاهمال ولا تتحجج بضروف ماكو بشر خالي من هم وتعب كلنا مثل بعض واحترامي الكم
•وهاي للامهات احتوي بنتج وشوفيها شنو تريد افضل مايحتويها ذيب والعاقل يفتهم
•المهممممممم•
•حاول تخلص يومك بنفراد ومن طبق تعرف معنا هل شي
•رغم السوالف والي تسوي الزين او مو زين بس صلاتك لا تنساها ربكم يستحق هل شي مثل ماتفرغ روحك للكلام وغيرها ربك اولى بهل شي ورغم اغلاطك جاي يسامحك بس لا تنسى مثل ما غفوراً رحيم ترى ايضاً شديد العقاب خليلك شي لكبرك حلو ويا ربك والله يطول اعماركم شلع
•لا تتكبر ع احد واسمع وناقش يلا تحكم
•مليت غير روتينك اقرى اطلع اغلق نت رتاح ورجع بس لا تقصر ويا ناسك وتكون مهمل يعني اعرف شلون تعدل بين هذا وهذا او بين النت والواقع
تكمله👇🏻